త్రివిక్రమ్ - బన్నీ కాంబోలో నాలుగో సినిమా - ట్వీట్ తో కన్ఫర్మ్ చేసిన నిర్మాణ సంస్థ!

అల్లు అర్జున్ - త్రివిక్రమ్ కాంబినేషన్లో ఇప్పుడు మరో సినిమా తెరకెక్కబోతున్నట్లు తెలుస్తోంది. తాజాగా ఇందుకు సంబంధించి హారిక అండ్ హాసిని నిర్మాణ సంస్థ ఓ ట్వీట్ చేసింది.

Photo Credit: Allu Arjun/Instagram

మాటలు మాంత్రికుడు త్రివిక్రమ్ - అల్లు అర్జున్ కాంబినేషన్ కి టాలీవుడ్ లో ఎలాంటి క్రేజ్ ఉందో ప్రత్యేకంగా చెప్పనక్కర్లేదు. 'జులాయి' మూవీతో వీరి కాంబినేషన్ మొదలైంది. అల్లు అర్జున్ కెరీర్ లో ది బెస్ట్ మూవీస్ లో 'జులాయి' కూడా ఒకటి. ఈ సినిమాకి సపరేట్ ఫ్యాన్ బేస్ ఉందని చెప్పొచ్చు. ఎందుకంటే సినిమాలో హీరో, విలన్ ట్రాక్స్ ది బెస్ట్ అని చెప్పాలి. ఇక త్రివిక్రమ్ డైలాగ్స్ ఐతే ఈ సినిమాలో నెక్స్ట్ లెవెల్ లో ఉంటాయి. ఇలా చెప్పుకుంటూ పోతే సినిమాలో చాలానే హైలెట్స్ ఉన్నాయి. అందుకే ఇప్పటికీ టీవీల్లో ఈ సినిమాను ఆడియన్స్ ఎంజాయ్ చేస్తూ ఉంటారు. ఇక 'జులాయి' తర్వాత బన్నీ, త్రివిక్రమ్ కాంబోలో వచ్చిన 'సన్నాఫ్ సత్యమూర్తి', 'అలవైకుంఠపురంలో' సినిమాలు బాక్స్ ఆఫీస్ వద్ద మంచి సక్సెస్ అందుకున్నాయి.

ముఖ్యంగా 'అలవైకుంఠపురంలో' సినిమా అయితే బాక్స్ ఆఫీస్ వద్ద భారీ కలెక్షన్స్ అందుకొని ఇండస్ట్రీ హిట్ గా నిలిచింది. అలా ఇప్పటివరకు మూడు సినిమాలతో ఈ కాంబినేషన్ హ్యాట్రిక్ హిట్ ని అందుకుంది. ఇక ప్రస్తుతం బన్నీ 'పుష్ప2' షూటింగ్ తో బిజీగా ఉన్నాడు. అయితే తాజాగా బన్నీ - త్రివిక్రమ్ కాంబినేషన్లో మరో సినిమా రాబోతున్నట్లు వార్తలు వినిపిస్తున్నాయి. ప్రస్తుతం పుష్ప2 తో బిజీగా ఉన్న బన్నీ ఈ షూటింగ్ పూర్తవుగానే త్రివిక్రమ్ తో సినిమా చేసేందుకు రెడీ అవుతున్నారట. ఈ క్రమంలోనే వీరి కాంబినేషన్లో నాలుగో ప్రాజెక్ట్ ని కన్ఫర్మ్ చేస్తూ ప్రముఖ నిర్మాణ సంస్థ హారిక హాసిని తాజాగా ఓ ట్వీట్ చేసింది. ఆ ట్వీట్ లో..  "రేపు ఉదయం సరిగ్గా 10:08 నిమిషాలకు ఓ అదిరిపోయే అప్డేట్ రాబోతుందంటూ, ఆ అప్డేట్ కోసం వేచి ఉండండి అంటూ" పేర్కొనగా ఈ ట్వీట్స్ తో బన్నీ ఫ్యాన్స్ ఫుల్ ఖుషి అవుతున్నారు.

అంతేకాదు ఈ ట్వీట్ లో బన్నీ సైన్ 'AA' ని హైలెట్ చేస్తూ, గీతా ఆర్ట్స్ ని కూడా ట్యాగ్ చేశారు. దీన్నిబట్టి త్రివిక్రమ్ దర్శకత్వంలో బన్నీ నెక్స్ట్ మూవీ కన్ఫర్మ్ అయినట్లు, ఇక ఈ సినిమాని హారిక అండ్ హాసిని క్రియేషన్స్ బ్యానర్ తో పాటు గీతా ఆర్ట్స్ సంస్థ సంయుక్తంగా నిర్మిస్తుందని స్పష్టమవుతోంది. ఇక ఈ ప్రాజెక్టుకు సంబంధించి పూర్తి వివరాలు రేపు ఉదయం 10 గంటల 8 నిమిషాలకు వెల్లడి కానున్నాయి. కాగా ప్రస్తుతం త్రివిక్రమ్, మహేష్ బాబుతో 'గుంటూరు కారం' సినిమా షూటింగ్ తో బిజీగా ఉన్నాడు. త్వరలోనే ఈ సినిమా షూటింగ్ పూర్తి చేసి అల్లు అర్జున్ సినిమాని మొదలు పెట్టేందుకు త్రివిక్రమ్ ప్లాన్ చేస్తున్నట్లు తెలుస్తోంది.

కాగా ఇప్పటివరకు అల్లు అర్జున్, త్రివిక్రమ్ కాంబినేషన్ లో వచ్చిన సినిమాలు రీజనల్ మార్కెట్ కి మాత్రమే పరిమితమయ్యాయి. కానీ ఈసారి మాత్రం వీరిద్దరి కాంబినేషన్ పాన్ ఇండియా వైడ్ గా రాబోతోంది.  హారిక హాసిని క్రియేషన్స్, గీతా ఆర్ట్స్ బ్యానర్లు బన్నీ కెరీర్ లోనే భారీ బడ్జెట్ తో ఈ సినిమాని నిర్మించబోతున్నట్లు తెలుస్తోంది. కాగా 'పుష్ప2' విషయానికొస్తే.. ప్రస్తుతం షూటింగ్ శరవేగంగా జరుగుతోంది. రీసెంట్గా తూర్పుగోదావరి జిల్లాలో ఈ సినిమాకు సంబంధించి కొన్ని యాక్షన్ సీన్స్ ని చిత్రీకరించారు. ఈ షెడ్యూల్ పూర్తయిన వెంటనే విదేశాల్లో షెడ్యూల్ ని చేశారు. ఇప్పటికే సగానికి పైగా షూటింగ్ పూర్తవగా వీలైనంత త్వరగా షూటింగ్ అంతా పూర్తి చేసి, వీలైతే ఈ ఏడాది చివర్లో.. లేకపోతే వచ్చే ఏడాది వేసవి కానుకగా సినిమాను విడుదల చేయాలని మేకర్స్ ప్లాన్ చేస్తున్నారు.

 

An exhilarating updAAte, dropping tomorrow at 10:08am sharp! 🖤@haarikahassine @geethaarts

Stay tuned!❤️‍🔥

— Haarika & Hassine Creations (@haarikahassine) July 2, 2023

Join Us on Telegram: https://t.me/abpdesamofficial