Varalaxmi Sarathkumar: వ‌ర‌ల‌క్ష్మీ శ‌ర‌త్ కుమార్ సంగీత్ ఫొటోలు లీక్ చేసిన త్రిష

Varalaxmi Sarathkumar Sangeeth: వ‌ర‌లక్ష్మీ శ‌ర‌త్ కుమార్, నికోలాయ్ సచ్ దేవ్ పెళ్లి హ‌డావుడి మొద‌లైపోయింది. సంగీత్ ని ధూమ్ ధామ్ గా చేశారు. కార్య‌క్ర‌మానికి హాజ‌రైన త్రిష ఫొటోలు షేర్ చేశారు.

Image Credits: Trisha / Insta

Source : Other

Varalaxmi Sarathkumar Wedding: వ‌ర‌ల‌క్ష్మీ శ‌ర‌త్ కుమార్, నికోలాయ్ స‌చ్ దేవ్ లు పెళ్లితో ఒక‌టి కాబోతున్నారు. వాళ్లు పెళ్లి హ‌డావుడి మొద‌లై పోయింది. జులై 4న ఇద్ద‌రు పెళ్లితో ఒక‌టి కానుండ‌గా.. దానికి సంబంధించి ప్రీ వెడ్డింగ్ పార్టీలు ధూమ్ ధామ్ గా చేస్తున్నారు. ప్రస్తుతం దానికి సంబంధించిన ఫొటోలు వైర‌ల్ అవుతున్నాయి. వ‌ర‌ల‌క్ష్మీ శ‌ర‌త్ కుమార్ సంగీత్ కి హాజ‌రైన హీరోయిన్ త్రిష ఫొటోల‌ను షేర్ చేశారు. ఆ ఫొటోలు సోష‌ల్ మీడియాలో హ‌ల్ చ‌ల్ చేస్తున్నాయి. 

చెన్నైలో సంగీత్.. 

వ‌ర‌ల‌క్ష్మీ శ‌ర‌త్ కుమార్, నికోల‌య్ స‌చ్ దేవ్ ల సంగీత్ చెన్నైలో ఘ‌నంగా నిర్వ‌హించారు. ఈ కార్య‌క్ర‌మానికి త్రిష హాజ‌రై సంద‌డి చేశారు. ఆ ఫొటోల‌ను షేర్ చేశారు ఆమె. ఈ కార్య‌క్ర‌మానికి త్రిష‌తో పాటు మంచు ల‌క్ష్మీ, విష్ణు, విశాల్ త‌దిత‌రులు హాజ‌రై సంద‌డి చేశారు. అంద‌రూ క‌లిసి పాట‌ల‌కు డ్యాన్స్ చేసి ఆడి పాడారు. ఇక ఈ సంగీత్ కి బ్లింగ్ థీమ్ లో అంద‌రూ హాజ‌ర‌య్యారు. వ‌ర‌ల‌క్ష్మీ చ‌క్క‌గా లంగా ఓణీలో మెరిసిపోయారు. ఇక త్రిష కూడా గ్రాండ్ గాగ్ర‌, దుప‌ట్టాతో మెరిసిపోయింది. వ‌ర‌ల‌క్ష్మీ శ‌ర‌త్ కుమార్, రాధిక శ‌ర‌త్ కుమార్ త‌దిత‌రుల‌తో దిగిన ఫొటోల‌ను షేర్ చేసింది త్రిష‌. 

ఇక ఇదే ఈవెంట్ లో రాధిక శ‌ర‌త్ కుమార్ బ్లూ క‌ల‌ర్ డ్రెస్ లో గార్జియ‌స్ గా క‌నిపించారు. ఆమె కూతురు కూడా పింక్ క‌ల‌ర్ డ్రెస్ లో భ‌లే అందంగా ఉన్నారు. ఇదిలా ఉంటే..జూన్ 30న వ‌ర‌ల‌క్ష్మీ శ‌ర‌త్ కుమార్ మెహందీ ఫంక్ష‌న్ గ్రాండ్ గా జ‌రిగింది. దానికి వ‌ర‌ల‌క్ష్మీ ఎల్లో క‌ల‌ర్ డ్రెస్ వేసుకుని, స్పెష‌ల్ జ్యూయ‌ల‌రీ వేసుకుని సూప‌ర్ గా క‌నిపించారు.

జులై 4న పెళ్లి? 

వ‌ర‌ల‌క్ష్మీ శ‌ర‌త్ క‌మార్ పెళ్లి జులై 4న థాయ్ లాండ్ లో జ‌ర‌గ‌నున్న‌ట్లు తెలుస్తోంది. నిజానికి పెళ్లి డేట్ కి సంబంధించి ఎక్క‌డా అధికారిక ప్ర‌క‌ట‌న మాత్రం రాలేదు. ఇక కేవ‌లం బంధువులు, ద‌గ్గ‌రి స‌న్నిహితులు మాత్ర‌మే పెళ్లికి హాజ‌రుకానున్న‌ట్లు తెలుస్తోంది. ఇక ఆ త‌ర్వాత చెన్నైలో గ్రాండ్ గా రిసెప్ష‌న్ ఏర్పాటు చేయ‌నున్నార‌ట‌. దానికి క‌మ‌ల్ హాస‌న్, సూప‌ర్ స్టార్ ర‌జ‌నీకాంత్, కొంత‌మంది తెలుగు యాక్ట‌ర్లు కూడా హాజ‌రవుతార‌ని తెలుస్తోంది. ఇక ప్ర‌ధాని న‌రేంద్ర మోడీ కూడా హాజ‌ర‌య్యే అవ‌కాశం ఉంద‌ని స‌న్నిహితులు చెప్తున్నారు. వ‌ర‌ల‌క్ష్మీ శ‌ర‌త్ కుమార్, స‌చ్ దేవ్, రాధిక శ‌ర‌త్ కుమార్, శ‌ర‌త్ కుమార్ స్వ‌యంగా ప్ర‌ధానిని క‌లిసి రిసెప్ష‌న్ కి ఆహ్వానించిన విష‌యం తెలిసిందే. 

వ‌ర‌ల‌క్ష్మీ శ‌ర‌త్ కుమార్ తెలుగులో ఎన్నో సినిమాలు చేశారు. విల‌న్ గా, పోలీస్ ఆఫీస‌ర్ గా, అక్క‌గా ఎన్నో క్యారెక్ట‌ర్లు చేసి మంచి పేరు సంపాదించుకున్నారు ఆమె. ఇక త‌న చిర‌కాల స్నేహితుడు స‌చ్ దేవ్ తో ఆమె నిశ్చితార్థం మార్చి 30న ముంబైలో జ‌రిగిన విష‌యం తెలిసిందే. స‌చ్ దేవ్ కి ఇది రెండో పెళ్లి. ఆయ‌న గ‌తంలో పెళ్లై 15 ఏళ్ల కూతురు కూడా ఉంది.