Tantra Movie: పిల్ల బ‌చ్చాలు మా సినిమాకి రావొద్దు - 'తంత్ర' మూవీ టీమ్

Tantra Movie: మార్చి 15న 'తంత్ర' థియేట‌ర్ల‌లో రిలీజ్ కానుంది. దీంతో ఇప్ప‌టి నుంచే ప్ర‌చారం మొద‌లుపెట్టేసింది సినిమా. అది కూడా వెరైటీగా ప్ర‌మోట్ చేసుకుంటోంది.

Image Credits: TantraTheMovie/Instagram

Tantra Movie censored A certificate: అన‌న్య నాగళ్ల కీలక పాత్రలో నటిస్తున్న మూవీ ‘తంత్ర’. ఈ సినిమా మార్చి 15న ప్రేక్ష‌కుల ముందుకు రానుంది. ఈ నేప‌థ్యంలోనే సినిమా సెన్సార్ పూర్త‌య్యింది. ఆ విష‌యాన్ని సినిమా టీమ్ వెరైటీగా ప్ర‌క‌టించింది. ఈ సినిమా ఏ స‌ర్టిఫికెట్ వ‌చ్చిన‌ట్లు ఇన్ స్టాలో పెట్టిన పోస్ట్ తెగ వైర‌ల్ అవుతోంది. 

పిల్ల బ‌చ్చాలు 'తంత్ర'కి వెళ్లొద్దంట‌!

‘‘పిల్ల బ‌చ్చాలు రావొద్దు.. ఎందుకంటే మా సినిమా A స‌ర్టిఫికెట్ సినిమా’’ అని పోస్ట్ పెట్టారు. దాని కింద ఇలా రాసుకొచ్చారు. టెడ్డీబేర్‌కి మీరు జోలపాడితే బాగుంటుంది.. కానీ ఆ టెడ్డీబేర్ మీకు జోల పాడితే.. ఆ ఊహే భయంకరంగా ఉంది కదా! అలాంటిదే ఈ 'తంత్ర' సినిమా. మార్చి 15న మీ ముందుకు వస్తోంది. మీరు సిద్ధమా? అంటూ రాసుకొచ్చింది. పోస్ట‌ర్లు, టీజ‌ర్లతోనే కాకుండా ఇన్ స్టా పోస్ట్ ల‌తో కూడా హార‌ర్ క్రియేట్ చేస్తోంది 'తంత్ర' టీమ్. 

 

 

 

 

 

View this post on Instagram

 

 

 

 

 

 

 

 

 

 

 

A post shared by TantraTheMovie (@tantrathemovie)

పురాణ గాథల నేపథ్యంలో 'తంత్ర'

'తంత్ర' ఫస్ట్ లుక్ కూడా వైవిధ్యంగా ఉంది. ఫ‌స్ట లుక్ నుంచే భ‌యం క్రియేట్ చేశారు మేక‌ర్స్. అందులో అనన్యా నాగళ్ల కన్ను ఒక్కటే కనబడుతోంది. కొన్ని చేతులు ఆమె ముఖాన్ని పట్టుకున్నట్లు ఉంది. మన 'తంత్ర' శాస్త్రానికి చెందిన విస్తు గొలిపే రహస్యాలు ఈ సినిమా ద్వారా చెప్పబోతున్నట్లు చిత్ర బృందం ఇప్ప‌టికే ప్ర‌క‌టించింది. ఫిమేల్ ఓరియెంటెడ్ హారర్‌ ఎంటర్‌టైనర్ తంత్ర అని చెప్పింది టీమ్. పురాణ  గాథలు, భారతీయ తాంత్రిక శాస్త్రం నేపథ్యంలో ఆద్యంతం ఉత్కంఠగా సాగునుంది ఈ సినిమా.

'మల్లేశం' సినిమాతో తెలుగు తెరకు పరిచయమైన పదహారణాల అచ్చమైన తెలుగు అమ్మాయి అనన్యా నాగళ్ల . 'ప్లే బ్యాక్', పవర్ స్టార్ పవన్ కళ్యాణ్ 'వకీల్‌ సాబ్‌' సినిమాలతో విజయాలు అందుకున్నారు. ఇప్పుడు 'తంత్ర' సినిమాతో కొత్తగా క‌నిపించ‌నున్నారు. అంద‌రినీ భ‌య‌పించ‌నున్నారు. ఇప్ప‌టికే ఈ సినిమాకి సంబంధించి పోస్ట‌ర్లు, టీజ‌ర్లు ప్రేక్ష‌కుల‌ను ఆక‌ట్టుకుంటున్నాయి. ఈ సినిమాపై హైప్ క్రియేట్ చేశాయి. ఈ సినిమాలో శ్రీ‌హ‌రి త‌మ్ముడి కొడుకు ధనుష్‌ రఘుముద్రి టాలీవుడ్ లోకి ఎంట్రీ ఇవ్వ‌నున్నారు. ఈ సినిమాకి శ్రీ‌నివాస్ గొప్పిశెట్టి డైరెక్ట‌ర్ గా వ్య‌వ‌హ‌రిస్తుండ‌గా.. న‌రేశ్ బాబు, ర‌వి చూత‌న్య ప్రొడ్యూస‌ర్లుగా వ్య‌వ‌హ‌రిస్తున్నారు. 

'కాలగర్భంలో కలసిపోయిన మన తాంత్రిక శాస్త్రాన్ని తెరిస్తే... అందులో ఊహకంద‌ని రహస్యాలు ఎన్నో' అంటూ వ‌చ్చిన 'తంత్ర' టీజర్ ఆక‌ట్టుకుంది. ఆ ఊరిలో దుష్టశక్తి పుట్టిందని మరో గొంతు వినిపిస్తుంటే... తెరపై క్షుద్రపూజలు వంటివి కనిపించాయి. ఇక ఆ టీజ‌ర్ లో ప్ర‌తీ సీన్ భ‌య‌పెట్టేలా ఉంది. ఇక ఈ సినిమాలో అన‌న్య‌తో పాటు.. మ‌రో హీరోయిన్ క‌నిపించ‌నున్నారు. 'తంత్ర' సినిమాతో సలోని తెలుగు తెరకు రీ ఎంట్రీ ఇస్తున్నారు. గ్లామర్‌ రోల్స్ చేసి మెప్పించిన సలోని 'తంత్ర'లో డిఫరెంట్‌ గెటప్‌లో కనిపించ‌నున్నారు. నటనకు ఆస్కారం ఉన్న పాత్రలో ఆమె కనిపిస్తార‌ని చిత్ర‌బృందం చెప్పింది. ఇక అనన్యా నాగళ్ల ఈ జానర్ సినిమా చేయడం కూడా ఇదే తొలిసారి.