'సూర్య S/O కృష్ణన్‌'కు తెలుగు రాష్ట్రాల్లో విపరీతమైన క్రేజ్ - సూర్య గత చిత్రాల కంటే ఎక్కువగా!

సూర్య హీరోగా గౌతమ్ మీనన్ దర్శకత్వంలో తెరకెక్కిన రొమాంటిక్ మూవీ 'సూర్య సన్నాఫ్ కృష్ణన్'. 2008లో వచ్చిన ఈ సినిమాని 15 ఏళ్ళ తర్వాత ఈరోజు థియేటర్లలో రీ-రిలీజ్ చేసారు. 

సూర్య సన్నాఫ్ కృష్ణన్ తెలుగు రాష్ట్రాల్లో రీ రిలీజ్ అయింది.

తమిళంతో పాటు టాలీవుడ్ లోనూ మంచి క్రేజ్ ఉన్న హీరోల్లో సూర్య ఒకరు. ఆయన నటించే ప్రతీ సినిమా తెలుగులోనూ విడుదల చేస్తూ, ఇక్కడ కూడా మార్కెట్ క్రియేట్ చేసుకున్నారు. అయితే చాలా కాలంగా సూర్య సినిమాలు తెలుగులో ఆశించిన స్థాయిలో కలెక్షన్స్ రాబట్టడం లేదు. దీంతో సూర్య క్రేజ్ తగ్గిపోయిందని, అతని పని అయిపోయిందనే కామెంట్స్ వినిపించాయి. ఇలాంటి పరిస్థితుల్లో తాజాగా రీ-రిలీజ్ చేయబడిన 'సూర్య S/O కృష్ణన్‌' సినిమా అతని ఫ్యాన్ బేస్ ఏమాత్రం తగ్గలేదని నిరూపించింది. 
 
2008 లో సూర్య నటించిన సూపర్ హిట్ మూవీ 'సూర్య సన్ ఆఫ్ కృష్ణన్'. కల్ట్ క్లాసిక్ గా నిలిచిపోయిన ఈ చిత్రం దాదాపు 15 ఏళ్ళ తర్వాత ఈరోజు శుక్రవారం (ఆగష్టు 4) థియేటర్లలో మళ్లీ విడుదల చేయబడింది. తెలుగు రాష్ట్రాల్లో ఎవరూ ఊహంచని విధంగా ఈ సినిమా షోలన్నీ హౌస్‌ ఫుల్ అయ్యాయి. జనాలతో థియేటర్లు కిక్కిరిసిపోయాయి. అభిమానులు హాళ్లలో డ్యాన్స్ చేస్తూ, ఓ రేంజ్ లో సినిమాని ఎంజాయ్ చేస్తున్నారు. దీనికి సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి. 

Suriya Anna Is the One & Only only only
ADOPTED SON OF TELUGU FILM INDUSTRY 💯🔥#SuryaSonOfKrishnanpic.twitter.com/GvBBe2jAeh

— 𝐆𝐎𝐋𝐃 𝐒𝐔𝐑𝐈𝐘𝐀♠️😈 (@GoldSfc007) August 4, 2023

Whole Theatre Vibing For Chanchala Song 🥵🔥🔥

Boy's All Time Favourite Song 🔥🔥#SuryaSonOfKrishnan #Kanguva pic.twitter.com/1T07xM8DlS

— Gopi Nikhil ᵀᵉˡᵘᵍᵘ ˢᶠᶜ (@GopiNikhil_SFc) August 4, 2023

 

Never before ever after craze for a dubbed film re-release in AP/TS.#SuryaSonOfKrishnan opened to tremendous response with house full shows. pic.twitter.com/nbYdesjzLe#Suriya is indeed an adopted son of Telugu states.

— Manobala Vijayabalan (@ManobalaV) August 4, 2023

 

We want re-release in TN 😩💥@Suriya_offl | #SuryaSonOfKrishnan pic.twitter.com/I1MdtxYV03

— ᴄʟᴏᴡɴ 𝕏 (@iam_clown007) August 4, 2023

 

A Dubbed Film Re Release in a Working Day 500+ Show.

Early morning Houseful Shows.

Felt Like Release Day Of @Suriya_offl
Movie. Telugu Audience Love Towards Suriya Anna & Cinema Is Unmatchable 🔥#SuryaSonOfKrishnan | #Kanguva@rajsekarpandian pic.twitter.com/ixLQ8QORcZ

— Gangz Of Suriya Ladies FC (@GOSLadiesFc) August 4, 2023

'సూర్య సన్నాఫ్ కృష్ణన్' రీరిలీజ్ ఫస్ట్ డే వసూళ్లు, సూర్య చివరి సినిమా ఓపెనింగ్ డే బాక్సాఫీస్ కలెక్షన్‌ల కంటే ఎక్కువగా ఉంటాయని ట్రేడ్ వర్గాలు అంచనా వేస్తున్నాయి. ఇది నిజంగా ఆశ్చర్యకరమైన విషయమే. సూర్యకి తెలుగులో ఇంకా మంచి క్రేజ్ ఉందని ఈ కలెక్షన్స్ రుజువు చేస్తున్నాయి. ఈ నేపథ్యంలో సూర్య తెలుగు రాష్ట్రాల దత్తపుత్రుడిని మరోసారి నిరూపించుకున్నాడని అభిమానులు కామెంట్స్ చేస్తున్నారు. సరైన కంటెంట్ తో వస్తే టాలీవుడ్ జనాలు ఆదరిస్తారని, అతని స్టార్‌డమ్‌ కు డోకా లేదని గుర్తు చేస్తున్నారు. 

'సూర్య S/O కృష్ణన్‌' చిత్రానికి గౌతమ్ వాసుదేవ్ మీనన్ దర్శకత్వం వహించిన సంగతి తెలిసిందే. సూర్య ద్విపాత్రాభినయం చేసిన ఈ రొమాంటిక్ డ్రామాలో సమీరా రెడ్డి, సిమ్రాన్, దివ్య స్పందన కథానాయికలుగా నటించారు. మ్యూజిక్ డైరెక్టర్ హారిస్ జయరాజ్ ఈ చిత్రానికి చార్ట్ బస్టర్ ఆల్బమ్ అందించారు. నేటికీ ఆ పాటలు ఎక్కడో చోట వినిపిస్తూనే ఉంటాయి. ఇవన్నీ కూడా ఈ సినిమా విజయానికి దోహదం చేసాయి. ఇప్పుడు రీరిలీజ్ లో ఈ రేంజ్ రెస్పాన్స్ రావటానికి సూర్యతో పాటుగా గౌతమ్ మీనన్ మరియు ఇతర అంశాలు కూడా కారణమని అనుకోవాలి. 

'కంగువ'గా రాబోతున్న సూర్య..
సూర్య చివరగా 'ఈటీ' సినిమాతో తెలుగు ప్రేక్షకులను పలకరించాడు. ఇది బాక్సాఫీస్ వద్ద ఆశించిన విధంగా పెరఫార్మ్ చేయలేదు. స్పెషల్ రోల్ నటించిన 'విక్రమ్' మూవీ విశేషంగా ఆకట్టుకుంది. సూర్య ప్రస్తుతం 'కంగువ' అనే పీరియాడిక్ యాక్షన్ డ్రామాలో నటిస్తున్నారు. 'ఎ మైటీ వాలియంట్ సాగా' అనేది దీనికి ట్యాగ్ లైన్. ఆది నారాయణ కథ అందించిన ఈ చిత్రానికి సిరుతై శివ దర్శకత్వం వహిస్తున్నారు. ఇందులో సూర్య రెండు భిన్నమైన పాత్రల్లో కనిపిస్తారని టాక్. స్టూడియో గ్రీన్, యూవీ క్రియేషన్స్ సంయుక్తంగా నిర్మిస్తున్న ఈ సినిమాకి దేవిశ్రీ ప్రసాద్ సంగీతం సమకూరుస్తున్నారు. ఇది పాన్ ఇండియన్ మూవీ. ఇటీవలే విడుదలైన టీజర్ సినిమాపై అంచనాలు రెట్టింపు చేసింది. 

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial