Suriya: సూర్య స్పీడుకు సలామ్... భారీ సినిమాలకు బెంచ్ మార్క్ సెట్ చేసిన కార్తీక్ సుబ్బరాజ్

Suriya 44: సూర్య కథానాయకుడిగా కార్తీక్ సుబ్బరాజ్ దర్శకత్వంలో ఓ గ్యాంగ్ స్టర్ యాక్షన్ డ్రామా తెరకెక్కుతోంది. వాళ్లిద్దరూ కలిసి మిగతా భారీ సినిమాలకు ఒక బెంచ్ మార్క్ సెట్ చేశారు.

సూర్య,కార్తీక్ సుబ్బరాజ్

Source : https://www.instagram.com/actorsuriya/

కోలీవుడ్ స్టార్ హీరో, తెలుగు ప్రేక్షకులకు సైతం సుపరిచితుడైన సూర్య (Suriya) సినిమా షూటింగ్ ఒకటి కంప్లీట్ అయ్యింది. ఆ విషయం చెబుతూ సోషల్ మీడియాలో ఆయన ఒక పోస్ట్ చేశారు. అది ఆడియన్స్ కంటే ఫిల్మ్ ఇండస్ట్రీ సెలబ్రిటీలకు ఒక విధంగా ఎక్కువ షాక్ ఇచ్చేలా ఉందని చెప్పవచ్చు. ఎందుకంటే...

నాలుగు నెలల్లో సినిమా పూర్తి చేసిన సూర్య!
కార్తీక్ సుబ్బరాజ్ (Karthik Subbaraj) దర్శకత్వంలో సూర్య కథానాయకుడిగా ఒక గ్యాంగ్ స్టర్ డ్రామా ఫిల్మ్ రూపొందుతోంది. ఆ సినిమా చిత్రీకరణ పూర్తి చేశామని సూర్య తెలిపారు. ఇక్కడ విషయం ఏమిటంటే... నాలుగు, కేవలం నాలుగు అంటే నాలుగు నెలల్లో ఈ సినిమా చిత్రీకరణ పూర్తి చేసేశారు. 

జూన్ 1వ తేదీన అండమాన్ ఏరియాలోని పోర్టు బ్లేయర్ దీవిలో ఈ సినిమా కోసం ప్రత్యేకంగా వేసిన సెట్ లో షూటింగ్ స్టార్ట్ చేశారు.‌ ఆ తర్వాత మధ్య మధ్యలో చిన్న చిన్న బ్రేక్స్ తీసుకున్నారు. కట్ చేస్తే... అక్టోబర్ 6న చిత్రీకరణ పూర్తి అయ్యిందని పేర్కొన్నారు. ఒక్క స్టార్ హీరో సినిమా... అదీ తెలుగు, తమిళ భాషల్లో భారీ ఫ్యాన్ ఫాలోయింగ్ ఉన్న హీరోతో నాలుగు నెలలలో కమర్షియల్ సినిమా కంప్లీట్ చేయడం అంటే మాటలు కాదు. పాన్ ఇండియా పేరుతో ఇప్పుడు చాలా మంది దర్శకులు హీరోలు సినిమాలను చెక్కుతూ వెళ్లడం వల్ల షూటింగ్ అంతా పూర్తి కావడానికి రెండు మూడేళ్లు పడుతోంది. ఈ తరుణంలో సూర్య, కార్తీక్ సుబ్బరాజ్ కలిసి నాలుగు నెలల్లో సినిమా పూర్తి చేసి మిగతా స్టార్ హీరోలకు, దర్శకులకు ఒక బెంచ్ మార్క్ సెట్ చేసి ఇచ్చారు.

సూర్య సినిమా విడుదలైన తర్వాత మిగతా సినిమాలతో తప్పకుండా కంపేరిజన్ వస్తుంది. ఆ తరహా కమర్షియల్ సినిమాలు తీయడానికి ఎవరైనా సరే ఏడాదికిపైగా సమయం తీసుకుంటే సూర్యతో కార్తీక్ సుబ్బరాజ్ 4 నెలల్లో తీసేశాడని చెప్పడానికి ఉంటుంది. ఇప్పుడు కొత్త సినిమా పనుల మీదకు సూర్య షిఫ్ట్ కావచ్చు. ఆయన కథానాయకుడిగా రూపొందిన హిస్టారికల్ ఫాంటసీ ఫిలిం 'కంగువ' నవంబర్ 14న విడుదల కానుంది. ఆ సినిమా ప్రచార కార్యక్రమాలకు కొంత సమయం కేటాయించి అది విడుదలైన తర్వాత కొత్త సినిమా చిత్రీకరణ ప్రారంభించాలని సూర్య ఆలోచిస్తున్నారట.

కార్తీక్ సుబ్బరాజ్... ఈ తమిళ దర్శకులకు తెలుగులో సపరేట్ ఫ్యాన్ ఫాలోయింగ్ ఉంది. ఆయన తీసిన 'పిజ్జా' సినిమా ఎటువంటి అంచనాలు లేకుండా తెలుగులో విడుదల అనూహ్య విజయం సాధించింది. తెలుగు నాట విడుదల చేసిన వాళ్లకు భారీ లాభాలు అందించింది. కార్తీక్ సుబ్బరాజ్ తీసిన తమిళ బ్లాక్ బస్టర్ 'జిగర్తాండ'ను వరుణ్ తేజ్ కథానాయకుడిగా మార్పులు చేర్పులతో తెరకెక్కించిన హరీష్ శంకర్... 'గద్దల కొండ గణేష్' పేరుతో అందుకున్నారు. గ్లోబల్ స్టార్ రామ్ చరణ్ హీరోగా శంకర్ దర్శకత్వం వహిస్తున్న 'గేమ్ చేంజర్' చిత్రానికి మూలకథ అందించింది కూడా కార్తీక్ సుబ్బరాజే. అతడు ఫిల్మ్ మేకింగ్ స్టైల్ ప్రత్యేకంగా ఉంటుంది. మరి సూర్యతో ఎటువంటి సినిమా తీశారో చూడాలి.