Lokesh Kanagaraj : LCU ఫ్యాన్స్‌కు షాకింగ్ న్యూస్ - లోకేష్ కనగరాజ్ నుంచి ఇది అస్సలు ఊహించలేదే?

LCU : లోకేష్ సినిమాటిక్ యూనివర్స్ లో భాగంగా ముందు ముందు వచ్చే సినిమాలను లోకేష్ కనగరాజ్ కాకుండా అతని అసిస్టెంట్ డైరెక్టర్స్ తెరకెక్కించనున్నట్లు తెలుస్తోంది.

Photo Credit : LokeshKanagaraj/Twitter

Lokesh Kanagaraj : లోకేష్ సినిమాటిక్ యూనివర్స్(Lokesh Cinematic Universe) గురించి సినీ లవర్స్ కి పెద్దగా పరిచయం చేయాల్సిన అవసరం లేదు. కార్తీ నటించిన 'ఖైదీ'(Khaidi) చిత్రంతో కోలీవుడ్ డైరెక్టర్ లోకేష్ కనగరాజ్ ఈ సినిమాటిక్ యూనివర్స్ ని క్రియేట్ చేశాడు. అలా 'ఖైదీ' తర్వాత వచ్చిన 'విక్రమ్', 'లియో' చిత్రాలు ఈ యూనివర్స్ కి సంబంధించినవే. వీటి తర్వాత 'ఖైదీ2'(Khaidi2) 'విక్రమ్ 2'(Vikram 2) రోలెక్స్(Rolex) వంటి సినిమాలు కూడా ఇదే యూనివర్స్ నుంచి రాబోతున్నాయి. డైరెక్టర్ లోకేష్ చేసింది కొన్ని సినిమాలే అయినా వాటితో సౌత్ లో భారీ గుర్తింపును తెచ్చుకున్నాడు. అతని నెక్స్ట్ ప్రాజెక్ట్స్ కోసం సౌత్ ఆడియన్స్ ఎంతో ఆసక్తికరంగా ఎదురు చూస్తున్నారు.

రీసెంట్ గా దళపతి విజయ్ తో లోకేష్ తెరకెక్కించిన 'లియో'(Leo) ఎలాంటి సక్సెస్ అందుకుందో తెలిసిందే. సినిమాకి కొంత నెగిటివ్ టాక్ వచ్చినప్పటికీ కలెక్షన్స్ మాత్రం అదిరిపోయాయి. 'లియో' వరల్డ్ వైడ్ బాక్స్ ఆఫీస్ వద్ద దాదాపు రూ.550 కోట్లకు పైగా గ్రాస్ రాబట్టి తమిళంలోనే అత్యధిక కలెక్షన్స్ అందుకున్న చిత్రంగా రికార్డు క్రియేట్ చేసింది. 'లియో' కంటే ముందు వచ్చిన 'ఖైదీ', 'విక్రమ్' కూడా సౌత్ లో సెన్సేషన్ క్రియేట్ చేశాయి. ఇక ఇప్పుడు తాను క్రియేట్ చేసిన క్యారెక్టర్స్ ని కొనసాగిస్తూ రాబోయే రోజుల్లో మరికొన్ని మల్టీవర్ స్టోరీస్ ని అందించబోతున్నాడు లోకేష్ కనగరాజ్. వీటికోసం LCU ఫ్యాన్స్ ఎంతో ఎక్సైటింగ్ గా వెయిట్ చేస్తున్నారు.

కానీ ఎవరు ఊహించని విధంగా LCU కి సంబంధించి ఓ న్యూస్ వైరల్ అవుతుంది. అదేంటంటే LCU ప్రపంచంలోకి లోకేష్ తన అసిస్టెంట్ డైరెక్టర్స్ ని రంగంలోకి దింపనున్నట్లు తెలుస్తోంది. దాని ప్రకారం 'ఖైదీ 2', 'విక్రమ్2' లాంటి సినిమాలను లోకేష్ సహాయక దర్శకులు డైరెక్ట్ చేసే అవకాశం ఉన్నట్లు చెబుతున్నారు. 'ఖైదీ' మూవీ నుంచి తనతోనే ఉంటూ, తననే ఫాలో అవుతున్న అసిస్టెంట్ ని లోకేష్ తన కథలతోనే డైరెక్టర్స్ గా వాళ్లకి అవకాశం ఇవ్వాలని ఆలోచిస్తున్నట్లుగా కోలీవుడ్ మీడియాలో వార్తలు ప్రచారం అవుతున్నాయి. అంతేకాదు ఇప్పటికే లోకేష్ అసిస్టెంట్ డైరెక్టర్స్ కథలను డెవలప్ చేయడంలో బిజీ అయినట్లు సమాచారం.

లోకేష్ కనగరాజ్ కేవలం రోలెక్స్ క్యారెక్టర్ కి సంబంధించిన మూవీని మాత్రమే డైరెక్ట్ చేసే అవకాశం ఉందట. ఆ తర్వాత ఈ యూనివర్స్ నుంచి వచ్చే సినిమాలని వారి అసిస్టెంట్ డైరెక్టర్స్ తెరకెక్కించనున్నట్లు తెలుస్తోంది. ఈ విషయం తెలిసిన కొందరు ఫ్యాన్స్ తీవ్ర నిరాశకు లోనవుతున్నారు. మరి ఇది ఎంతవరకు వాస్తవం అనేది తెలియాలంటే దీనిపై పూర్తి స్పష్టత వచ్చేంత వరకు వేచి చూడాల్సిందే.

ఇక ప్రస్తుతం సూపర్ స్టార్ రజనీకాంత్ ఓ సినిమా చేస్తున్నాడు లోకేష్ కనగరాజ్. ఈ సినిమా స్క్రిప్ట్ కోసం సుమారు ఆరు నెలల టైం తీసుకున్నాడు. త్వరలోనే షూటింగ్ మొదలు కాబోతోంది. ఈ మూవీ కూడా తన మల్టీపర్స్ లో భాగమే అని సమాచారం. రాబోయే రోజుల్లో ప్రభాస్, రామ్ చరణ్ లాంటి హీరోలతో కూడా లోకేష్ సినిమాలు చేసే ఆలోచనలో ఉన్నారు.ఇక రజనీకాంత్ సినిమాని వేగవంతంగా పూర్తిచేయాలని లోకేష్ భావిస్తున్నారట. ఈ మూవీ తర్వాత ఖైదీ సీక్వెల్(Khaidi Sequel) ని తెరకెక్కించనున్నట్లు తెలుస్తోంది.