Pathaan 2: 'పఠాన్ 2'లో మరో స్టార్ హీరో, డిసెంబర్‌లో సెట్స్ మీదకు - ఇద్దరిలో విలన్ ఎవరు?

Shah Rukh Khan's Pathaan 2 Update: షారుఖ్ ఖాన్ కెరీర్‌లో బిగ్గెస్ట్ హిట్స్‌లో 'పఠాన్' ఒకటి. ఆ సినిమాకు సీక్వెల్ తెరకెక్కించడానికి సన్నాహాలు చేస్తున్నారు. ఆల్రెడీ స్టోరీ లైన్ ఫిక్స్ చేశారు.

'పఠాన్' సినిమాలో షారుఖ్ ఖాన్ (Image Courtesy: iamsrk/instagram)

పఠాన్... వరుస ఫ్లాపుల్లో ఉన్న షారుఖ్ ఖాన్ (Shah Rukh Khan)కు భారీ విజయం అందించిన సినిమా. 'జీరో', 'జోయా ఫాక్టర్' వంటి పరాజయాల తర్వాత నాలుగేళ్లు విరామం తీసుకుని మరీ తిరిగొచ్చారు బాలీవుడ్ బాద్షా. భారీ హిట్ అందుకున్నారు. 'పఠాన్' విడుదల ముందు వరకు హిందీ వెర్షన్ హయ్యస్ట్ కలెక్షన్స్ రికార్డు ప్రభాస్ 'బాహుబలి 2' పేరు మీద ఉండేది. ఆ రికార్డును షారుఖ్ బ్రేక్ చేశారు. ఇప్పుడు ఆ సినిమా సీక్వెల్ 'పఠాన్ 2'తో మరిన్ని రికార్డులు క్రియేట్ చేయడానికి ఆయన రెడీ అవుతున్నారు.

'పఠాన్' క్లైమాక్స్ గుర్తు ఉందా? గూఢచారిగా మళ్లీ తిరిగొస్తానని షారుఖ్ ఖాన్ ప్రామిస్ చేస్తారు. ఆ గూఢచారిని ప్రేక్షకుల ముందుకు ఎలా తీసుకు రావాలి? కథ ఎలా ఉండాలి? అనే విషయంలో రచయిత, నిర్మాత ఆదిత్య చోప్రా (Aditya Chopra) ఓ ఐడియాకు వచ్చారని బాలీవుడ్ టాక్. పూర్తి వివరాల్లోకి వెళితే...

డిసెంబర్ 2024లో సెట్స్ మీదకు 'పఠాన్ 2'
Pathaan 2 Regular Shoot: 'పఠాన్' జనవరి 2023లో విడుదల అయింది. సినిమాకు మొదటి రోజు నుంచి సక్సెస్ టాక్ వచ్చింది. ఆ వెంటనే సీక్వెల్ చేయాలని షారుఖ్, ఆదిత్య నిర్ణయానికి వచ్చారట. కథ కూడా రెడీ చేశారని ముంబై టాక్. ఈ ఏడాది ఆఖరు (డిసెంబర్)లో రెగ్యులర్ షూటింగ్ స్టార్ట్ చేయాలని ప్లాన్ చేస్తున్నారని బీ టౌన్ వర్గాలు తెలిపాయి.

'పఠాన్ 2'లో షారుఖ్ వర్సెస్ సల్మాన్!
Pathaan Vs Tiger in Pathaan 2: 'పఠాన్' సినిమాలో షారుఖ్ ఖాన్ వర్సెస్ సల్మాన్ ఖాన్ ఫైట్ నెక్స్ట్ లెవెల్ అనేలా ఉంటుందని విశ్వసనీయ వర్గాల సమాచారం. 'పఠాన్' సినిమాలో షారుఖ్ కష్టాల్లో ఉన్నప్పుడు సల్మాన్ (టైగర్) క్యారెక్టర్ వచ్చి హెల్ప్ చేస్తుంది. 'టైగర్ 3'లో సల్మాన్ కష్టాల్లో ఉన్నప్పుడు షారుఖ్ వస్తాడు. అయితే, ఈ రెండు క్యారెక్టర్ల మధ్య ఫైట్ జరిగితే? అనే కాన్సెప్ట్ తీసుకుని 'పఠాన్ 2' స్క్రిప్ట్ రెడీ చేశారట. మరి, ఇద్దరిలో ఎవరు విలన్ అవుతారో చూడాలి.

బాలీవుడ్ బడా స్టార్లు ఇద్దరి మధ్య ఫైట్ అంటే సెట్స్ మీదకు వెళ్ళకముందు నుంచి సినిమాపై అంచనాలు పెరుగుతున్నాయి. 'పఠాన్ 2'తో ఈ ఫ్రాంచైజీకి ఫుల్ స్టాప్ పెట్టడం లేదని, మరిన్ని సినిమాలు వస్తూ ఉంటాయని బాలీవుడ్ ఖబర్. యశ్ రాజ్ ఫిల్మ్స్ స్పై యూనివర్స్ (YRF Spy Universe)లో 'ఏక్ థా టైగర్', 'టైగర్ జిందా హై', 'వార్', 'పఠాన్', 'టైగర్ 3' సినిమాలు వచ్చాయి. త్వరలో 'వార్ 2' స్టార్ట్ కానుంది. ఆ సినిమాలో హృతిక్ రోషన్, యంగ్ టైగర్ ఎన్టీఆర్ నటించనున్నారు. ఆలియా భట్ ప్రధాన పాత్రలో మరొక ఫిమేల్ స్పై ఫిల్మ్ రెడీ చేస్తున్నారు. ఆ తర్వాత 'పఠాన్ 2' థియేటర్లలోకి రానుంది.

'పఠాన్'లో దీపికా పదుకోన్, జాన్ అబ్రహం ప్రధాన పాత్రల్లో కనిపించారు. ఆ సినిమాకు సిద్ధార్థ్ ఆనంద్ దర్శకత్వం వహించారు. మరి, 'పఠాన్ 2' దర్శకత్వ బాధ్యతలను ఆదిత్య చోప్రా ఎవరికి అప్పగిస్తారో చూడాలి. 'వార్'కు సిద్ధార్థ్ ఆనంద్ దర్శకత్వం వహిస్తే... 'వార్ 2'కు అయాన్ ముఖర్జీని దర్శకుడిగా ఎంపిక చేశారు. టైగర్ ఫ్రాంచైజీ సినిమాలకూ దర్శకులు మారారు.