Sandeep Reddy Vanga: మహేష్ బాబు సినిమా టైటిల్‌ ఇదేనట - అసలు సంగతి చెప్పేసిన సందీప్ రెడ్డి వంగా
Mahesh Babu : మహేశ్ బాబుతో సందీప్ రెడ్డి వంగా సినిమా ఉంటుందని ఇప్పటికే టాలీవుడ్‌లో రూమర్స్ వైరల్ కాగా.. ఆ మూవీ టైటిల్‌ను తాజాగా రివీల్ చేశాడు ఈ దర్శకుడు.
Mahesh Babu Sandeep Reddy Vanga : మామూలుగా ఒక హీరో కోసం రాసుకున్న కథ.. మరో హీరో దగ్గరకు వెళ్లడం లేదా ఒక హీరోతో సినిమా చేయాలని ప్లాన్ చేసుకున్న తర్వాత పలు కారణాల వల్ల అది కుదరక వేరేవారితో సినిమాను తెరకెక్కించడం లాంటివి కామన్‌గా జరుగుతూనే ఉంటాయి. ఇక తాజాగా సందీప్ రెడ్డి వంగా అప్‌కమింగ్ సినిమా ‘యానిమల్’ గురించి కూడా అలాంటి రూమర్సే వైరల్ అవుతున్నాయి. ముందుగా ఈ కథ.. మహేశ్ బాబు దగ్గరకు వెళ్లిందని, కానీ ఆయన రిజెక్ట్ చేయడంతో రణబీర్ దగ్గరకు వచ్చిందని వార్తలు వినిపిస్తుండగా.. దీనిపై సందీపే స్వయంగా క్లారిటీ ఇచ్చాడు. అంతే కాకుండా మహేశ్‌తో కలిసి చేసే సినిమా టైటిల్‌ను కూడా రివీల్ చేసి ఫ్యాన్స్‌ను ఖుషీ చేశాడు.
అందరికీ నచ్చుతుంది..
రణబీర్ కపూర్, సందీప్ రెడ్డి వంగా కాంబినేషన్‌లో తెరకెక్కిన ‘యానిమల్’ సినిమా త్వరలోనే ప్రేక్షకుల ముందుకు రావడానికి సిద్ధమవుతుండగా.. మూవీ టీమ్ ప్రమోషన్స్ కార్యక్రమాల్లో ఫుల్ బిజీగా ఉన్నారు. ఈ ప్రమోషన్స్ సమయంలో పలు ఆసక్తికర విషయాలు బయటికొస్తున్నాయి. తాజాగా తెలుగు మీడియాతో ‘యానిమల్’ సినిమా విశేషాలను పంచుకున్న సందీప్ వంగా.. తన మూవీ రన్ టైమ్‌పై స్పందించారు. డైరెక్టరే ఎడిటర్‌గా మారినప్పుడు తాను తెరకెక్కించిన సినిమాను కట్ చేయడానికి మనసు ఒప్పుకోదు కాబట్టి.. అందుకే ‘యానిమల్’కు అంత రన్ టైమ్ వచ్చిందా అని ప్రశ్న ఎదురయ్యింది. అది కూడా ఒక కారణమే అని సందీప్ ఒప్పుకున్నాడు. అలాంటప్పుడు ప్రేక్షకులకు బోర్ కొట్టే అవకాశం ఉంటుంది కదా అని అడగగా.. ‘‘అలా ఏం ఉండదు అందరికీ నచ్చుతుంది’’ అని కాన్ఫిడెంట్‌గా చెప్పాడు. అంతే కాకుండా మహేశ్‌తో సినిమా గురించి కూడా రివీల్ చేశాడు.
మహేశ్ కథను రిజెక్ట్ చేయలేదు..
మహేశ్ బాబుకు ‘యానిమల్’ కథ వినిపించారని సోషల్ మీడియాలో ప్రచారం సాగుతుండగా.. అది నిజమేనా? ఒకవేళ అది నిజం కాకపోతే ఆయనకు వినిపించిన స్క్రిప్ట్‌లో కూడా ఈవిధంగానే వైలెన్స్ ఉండేదా అని సందీప్‌ను ప్రశ్నించింది మీడియా. అయితే మహేశ్‌కు వినిపించింది ‘యానిమల్’ కథ కాదు అని, దాని పేరు ‘డెవిల్’ అని రివీల్ చేశాడు సందీప్ వంగా. ‘యానిమల్’లో కంటే దాంట్లో వైలెన్స్ మరింత ఎక్కువగా ఉంటుంది అని బయటపెట్టాడు. అంతే కాకుండా అందరూ అనుకున్నట్టు మహేశ్.. ఆ కథను రిజెక్ట్ చేయలేదని, పలు ఇతర కారణాల వల్ల కుదరలేదని క్లారిటీ ఇచ్చాడు. దీంతో త్వరలోనే ‘డెవిల్’ సినిమా వర్కవుట్ అవ్వాలని మహేశ్ ఫ్యాన్స్ కోరుకుంటున్నారు.
మహేశ్ ఫ్యాన్స్ కోరిక..
ముందుగా ‘యానిమల్’ స్క్రిప్ట్ మహేశ్ బాబుకు వెళ్లింది అని రూమర్స్ మొదలవ్వగానే సోషల్ మీడియాలో ‘యానిమల్’ పోస్టర్స్‌కు మహేశ్ ఏఐ ఫోటోలను అటాచ్ చేసి.. వాటిని చూసి మురిసిపోతున్నారు ఫ్యాన్స్. అంతే కాకుండా సందీప్ వంగాలాంటి దర్శకుడితో మహేశ్.. ఒక మాస్ వైలెంట్ సినిమా చేస్తే బాగుంటుందని ఆశిస్తున్నారు. ఇక రణబీర్ కపూర్, రష్మిక జంటగా నటించిన ‘యానిమల్’ చిత్రం డిసెంబర్ 1న థియేటర్లలో సందడి చేయనుంది. హిందీలో మాత్రమే కాకుండా సౌత్ భాషల్లో కూడా ఈ చిత్రం విడుదల అవుతుండగా.. అన్ని సౌత్ స్టేట్స్‌కు తిరుగుతూ మూవీని ప్రమోట్ చేస్తున్నాడు రణబీర్. బాబీ డియోల్ ఈ మూవీలో విలన్‌గా నటిస్తుండగా.. అనిల్ కపూర్ కీలక పాత్రలో కనిపించనున్నాడు.
Also Read: 'యానిమల్' మూవీలో ఆ 18 నిమిషాలు అరాచకమే!
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply
టాప్ హెడ్ లైన్స్
ట్రెండింగ్ వార్తలు
