Saif Ali Khan: 'దేవర'లో విలన్ భైరా గ్లింప్స్ వచ్చేసింది... రెండు లుక్కుల్లో సైఫ్ అలీ ఖాన్!

Saif Ali Khan Glimpse Devara: మ్యాన్ ఆఫ్ మాసెస్ ఎన్టీఆర్ 'దేవర' సినిమాలో సైఫ్ అలీ ఖాన్ విలన్ రోల్ చేస్తున్నారు. ఇవాళ ఆయన బర్త్ డే సందర్భంగా సినిమాలో గ్లింప్స్ విడుదల చేశారు.

'దేవర' సినిమాలో సైఫ్ అలీ ఖాన్

Source : https://www.youtube.com/watch?v=SiZ5sJKnegA

Saif Ali Khan Look As Bhaira In Devara: మ్యాన్ ఆఫ్ మాసెస్ ఎన్టీఆర్ హీరోగా దర్శకుడు కొరటాల శివ తెరకెక్కిస్తున్న సినిమా 'దేవర'. ఇందులో బాలీవుడ్ నటుడు సైఫ్ అలీ ఖాన్ విలన్. ఆ విషయం ఎన్టీఆర్ అభిమానులకూ, ప్రేక్షకులకూ తెలుసు. అయితే... ఆయన లుక్ ఎలా ఉంటుందో తెలుసా?

సైఫ్ పుట్టినరోజు... రెండు లుక్కులో వచ్చాడు!
Saif Ali Khan Birthday: ఆగస్టు 16న సైఫ్ అలీ ఖాన్ బర్త్ డే. ఈ సందర్భంగా 'దేవర' మూవీ టీమ్ ఆయనకు విషెష్ చెప్పింది. అంతే కాదు... పుట్టినరోజు బహుమతిగా  గ్లింప్స్ విడుదల చేసింది. గ్లింప్స్ ద్వారా ఓ క్లారిటీ కూడా వచ్చింది. అది ఏమిటంటే... ఇందులో సైఫ్ అలీ ఖాన్ రెండు లుక్కుల్లో కనిపించారు. ఒక లుక్ మిడిల్ ఏజ్డ్ అయితే, మరొకటి యంగ్. పొడవాటి జుట్టుతో, షార్ట్ హెయిర్ కట్‌తో సైఫ్ అలీ ఖాన్ కనిపించారు.

Saif Ali Khan Role In Devara: 'దేవర' సినిమాలో భైరా పాత్రలో సైఫ్ అలీ ఖాన్ యాక్ట్ చేస్తున్నారని యూనిట్ పేర్కొంది. బర్త్ డే గ్లింప్స్ చూస్తే... తొలుత ఆయుధ పూజ చూపించారు. రకరకాల కత్తులు కనిపించాయి. ప్రజలు అంతా కలిసి తమ దైవానికి మొక్కడం కనిపించింది. ఆ తర్వాత భైరాను చూపించారు. ఓ ఆలయంలో 'భైరా... భైరా' అంటూ ప్రజలు కొట్టే జేజేల నడుమ సైఫ్ అలీ ఖాన్ కనిపించారు. ఆయన వేటాడితే తరతరాలు చెప్పుకొనేలా ఉంటుందనే విధంగా ఓ కొటేషన్ ఇచ్చారు.

ఇసుకను ప్రత్యర్థుల రక్తంతో తడిపిన భైరా!
దేవర హీరో గ్లింప్స్ గుర్తు ఉంది కదా... 'ఈ సముద్రం చేపల్ని కంటే కత్తుల్ని, నెత్తురుని ఎక్కువ చూసుండాది. అందుకేనేమో దీన్ని ఎర్ర సముద్రం అంటారు' అని ఎన్టీఆర్ డైలాగ్ చెబుతారు. అక్కడ నీటిలో నెత్తురు కనిపించింది. సైఫ్ అలీ ఖాన్ బర్త్ డే గ్లింప్స్‌లో కూడా నెత్తురు ఉంది. అయితే... అది నెల మీద కనిపించింది. భైరా ధాటికి మట్టి కుస్తీలో ప్రత్యర్థుల రక్తం నేల మీద చిందినట్టు అర్థం అవుతోంది.

Devara Movie Cast And Crew: 'దేవర' సినిమాలో అతిలోక సుందరి శ్రీదేవి కుమార్తె జాన్వీ కపూర్ కథానాయిక. ఎన్టీఆర్ జోడీగా ఆమె నటిస్తున్న తొలి చిత్రమిది. అలాగే, తెలుగులోనూ ఆమెకు ఇదే తొలి సినిమా. సైఫ్ అలీ ఖాన్ కాకుండా బాబీ డియోల్ మరొక విలన్ రోల్ చేస్తున్నారు. తెలుగుతో పాటు తమిళ, కన్నడ, మలయాళ, హిందీ భాషల్లో సెప్టెంబర్ 27న సినిమా విడుదల అవుతుంది. ఎన్టీఆర్ అన్నయ్య, హీరో నందమూరి కళ్యాణ్ రామ్ సమర్పణలో హరికృష్ణ, మిక్కిలినేని సుధాకర్ ప్రొడ్యూస్ చేస్తున్నారు. ఈ చిత్రానికి అనిరుద్ రవిచందర్ సంగీతం అందిస్తున్నారు.