Rashmika Mandanna: అరే.. ఇదంతా ఎలా జరిగింది, ఇదే కదా కావాలనుకుంది - రష్మిక ఆసక్తికర పోస్ట్

Rashmika Mandanna: ‘యానిమల్’ బ్యూటీ రష్మిక మందనా తాజాగా ఇన్‌స్టాగ్రామ్‌లో ఒక పోస్ట్‌ను షేర్ చేసింది. అందులో తన కల నెరవేరిందంటూ చెప్పుకొచ్చింది.

Image Credit: Rashmika Mandanna/Instagram

Rashmika Mandanna latest viral pic: ఇటీవల విడుదలయిన ‘యానిమల్’ మూవీతో బ్లాక్‌బస్టర్ హిట్‌ను తన ఖాతాలో వేసుకుంది రష్మిక మందనా. ఇప్పటికీ ఆ మూవీ ఇచ్చిన జోష్‌లోనే ఉంది. ‘యానిమల్’లో చేసిన గీతాంజలి పాత్ర తనకు ఎంతో స్పెషల్ అంటూ మూవీ టీమ్‌పై సోషల్ మీడియాలో ప్రశంసల జల్లు కూడా కురిపించింది. రష్మిక.. తాజాగా మరో పోస్ట్‌ను షేర్ చేసింది. ఆ పోస్ట్ చూసిన ఫాలోవర్స్ అంతా అసలు రష్మిక ఏం చెప్పాలనుకుంటోంది అని చర్చించుకుంటున్నారు.

ఇదే నేను కన్న కల..
‘‘ఒక్కొక్కసారి మీరు ఆగిపోయి ఆలోచిస్తారు. అరే.. ఇదంతా ఎలా జరిగింది. ఇదంతా ఎప్పుడు జరిగింది. ఇదంతా ఎందుకు జరిగింది. కానీ ఇదంతా జరిగినందుకు నేను చాలా అదృష్టంగా భావిస్తున్నాను. సంతోషం, మనశ్శాంతి, ఆనందం.. దీని గురించే నేను కలలు కన్నది. నేను ఇది గుర్తించలేకపోయాను. అసలు దేని గురించి పరిగెడుతున్నానో తెలియకుండా పరిగెడుతూనే ఉండేదాన్ని. కానీ సరైన మనుషులతో ఉన్నప్పుడు మీరంతా ఒక్క నిమిషం ఆగి.. ఇదే కదా కావాలనుకుంది అని గుర్తించాలి. ఇదే నేను చిన్నప్పటి నుంచి కంటున్న కల’’ అంటూ ఒక ఫోటోతో పాటు ఈ క్యాప్షన్‌ను తన ఇన్స్‌స్టాగ్రామ్‌లో షేర్ చేసింది రష్మిక మందనా.

రష్మిక పోస్ట్‌ను పరిశీలిస్తే.. అది ఆమె చిన్నప్పుడు నివసించిన ప్రాంతం కావచ్చని తెలుస్తోంది. అక్కడి నుంచి తన లైఫ్ ఎన్ని మలుపులు తిరిగిందో గుర్తు చేసుకుంటూ.. ఈ పోస్ట్ పెట్టి ఉండవచ్చని ఆమె అభిమానులు అంచనా వేస్తున్నారు. రీల్ లైఫ్‌లో అంత ఎత్తు ఎదిగేందుకు సహకరించిన తన స్నేహితులు, బంధువులకు రష్మిక ఈ విధంగా ధన్యవాదాలు తెలిపినట్లుందని అంటున్నారు. కొందరైతే లెఫ్ట్ కార్నర్‌లో ఉన్న నీడను చూసి.. అది విజయ్ దేవరకొండ షాడో అంటున్నారు. రష్మిక ఏ పిక్ పెట్టినా.. ఈ మధ్య రౌడీ బాయ్‌ను కూడా మధ్యలోకి లాగడం ఫ్యాన్స్‌కు సాధారణం అయిపోయింది అనుకోండి.

 

 

 

 

 

View this post on Instagram

 

 

 

 

 

 

 

 

 

 

 

A post shared by Rashmika Mandanna (@rashmika_mandanna)

ఒకే బ్యాక్‌గ్రౌండ్‌తో ఫోటోలు..

టాలీవుడ్‌లో ఆన్ స్క్రీన్ కెమిస్ట్రీతో మంచి మార్కులు కొట్టేసిన కపుల్ విజయ్ దేవరకొండ, రష్మిక. ఆన్ స్క్రీన్ మాత్రమే కాదు.. ఆఫ్ స్క్రీన్ కూడా ఈ కపుల్ మధ్య ఏదో ఉందని ఫ్యాన్స్ ముందు నుండే అనుమానిస్తున్నారు. ఇక ఈ ఇద్దరి సోషల్ మీడియా పోస్టులు కూడా వీరి రిలేషన్‌షిప్‌పై అనేక అనుమానాలు కలిగిస్తూ ఉంటాయి. ఇప్పటికే ఒకే బ్యాక్‌గ్రౌండ్‌తో పలుమార్లు విడివిడిగా ఫోటోలను సోషల్ మీడియాలో షేర్ చేశారు విజయ్, రష్మిక. దీంతో వీరు ఏకంగా లివిన్ రిలేషన్‌షిప్‌లో ఉన్నారని వార్తలు వచ్చాయి. ఇక గతకొంతకాలంగా ప్రేమ గురించి, రిలేషన్‌షిప్ గురించి రష్మిక.. సోషల్ మీడియాలో పోస్టులు చేస్తుండగా.. త్వరలోనే వీరి ప్రేమ గురించి తను అనౌన్స్‌మెంట్ ఇవ్వాలనుకుంటుందా అంటూ అనుమానాలు వ్యక్తమవుతున్నాయి.