Ram Charan 15 Titled Sarkarodu: 'సర్కారోడు'గా రామ్ చరణ్? శంకర్ సినిమా టైటిల్ ఖరారు చేశారా?

రామ్ చరణ్ - శంకర్ సినిమాకు టైటిల్ ఖరారు చేశారా? 'సర్కారోడు'గా చరణ్ ను శంకర్ చూపించబోతున్నారా?

Written By : ABP Desam | Updated at : 09 Mar 2022 02:19 PM (IST)

రామ్ చరణ్

మెగా పవర్ స్టార్ రామ్ చరణ్ కథానాయకుడిగా సౌత్ ఇండియన్ స్టార్ దర్శకుడు శంకర్ ఓ సినిమా తెరకెక్కిస్తున్న సంగతి తెలిసిందే. ఇటీవల రాజమండ్రి షెడ్యూల్ కంప్లీట్ చేసిన చరణ్, సతీమణి ఉపాసనతో కలిసి యూరోప్ ట్రిప్ వేశారు. అది పక్కన పెడితే... ఈ సినిమాకు 'సర్కారోడు' టైటిల్ ఖరారు చేసినట్టు ఫిల్మ్ నగర్ టాక్.

పరశురామ్ దర్శకత్వంలో సూపర్ స్టార్ట్ మహేష్ బాబు హీరోగా నటిస్తున్న తాజా చిత్రానికి 'సర్కారు వారి పాట' టైటిల్ ఖరారు చేసిన సంగతి తెలిసిందే. రామ్ చరణ్ సినిమా కోసం పరిశీలనలో ఉన్న టైటిల్ 'సర్కారోడు' దానికి కొంచెం దగ్గరగా ఉందని కొందరి ఫీలింగ్. అయితే... శంకర్ సినిమాలో రామ్ చరణ్ సివిల్ సర్వెంట్ కనుక ఆ టైటిల్ కరెక్టుగా ఉంటుందని భావిస్తున్నారట. రాజమండ్రి పరిసర ప్రాంతాల్లో షూటింగ్ చేసినప్పుడు రామ్ చరణ్ లుక్ లీక్ అయ్యింది. అందులో ఆయన తెల్లపంచె కట్టుకునిసైకిల్ తొక్కుతూ కనిపించారు.

Also Read: తెల్లపంచె కట్టి, సైకిల్ ఎక్కి, 'భారతీయుడి'లా రామ్ చరణ్!

రామ్ చరణ్ సరసన కియారా అడ్వాణీ (Kiara Advani) కథానాయికగా నటిస్తున్న ఈ సినిమాను పాన్ ఇండియా స్థాయిలో తెరకెక్కిస్తున్న సంగతి తెలిసిందే. శ్రీ వెంక‌టేశ్వ‌ర క్రియేష‌న్స్ పతాకంపై 'దిల్‌' రాజు, శిరీశ్ ప్రతిష్టాత్మకంగా నిర్మిస్తున్న 50వ చిత్రం ఇది. ఈ చిత్రానికి తమన్ సంగీతం అందిస్తున్నారు. వచ్చే ఏడాది సంక్రాంతికి విడుదల చేయాలని అనుకుంటున్నారు.

Also Read: రామ్ చరణ్ - శంకర్ సినిమా కథ ఆ తమిళ దర్శకుడిదే!