Peddi Release Date : పెద్ది కొత్త రిలీజ్ డేట్ వచ్చేసింది - సమ్మర్‌లో బాక్సాఫీస్ దద్దరిల్లాల్సిందే...

Peddi Update : గ్లోబల్ స్టార్ రామ్ చరణ్ పెద్ది సినిమా కొత్త రిలీజ్ డేట్ వచ్చేసింది. ఈ మూవీని జూన్ 25న రిలీజ్ చేస్తామని ఇది వరకూ లీక్ చేసినా... టాక్సిక్ వాయిదాతో రిలీజ్ డేట్ మారింది.

పెద్ది న్యూ రిలీజ్ డేట్

Source : https://www.instagram.com/p/DXy2xMuEwOh/?hl=en

Ram Charan's Peddi Official Release Date Locked : ప్రస్తుతం అందరి చూపులు పెద్ది రిలీజ్ డేట్‌పైనే ఉన్నాయి. రీసెంట్‌గా ధనుష్ కర ప్రీ రిలీజ్ ఈవెంట్‌లో డైరెక్టర్ బుచ్చిబాబు జూన్ 25న రిలీజ్ చేస్తామంటూ లీక్ చేశారు. అయితే, రాకింగ్ స్టార్ యశ్ టాక్సిక్ రిలీజ్ వాయిదా పడడంతో 'పెద్ది' ముందే వస్తోందంటూ ప్రచారం సాగుతోంది. దీనిపై మూవీ టీం అఫీషియల్‌గా రియాక్ట్ అయ్యింది. 

రిలీజ్ ఎప్పుడంటే?

అంతా ఊహించినట్లుగా జూన్ 4నే పెద్ది రిలీజ్ చేస్తామని మూవీ టీం అఫీషియల్‌గా అనౌన్స్ చేసింది. నిజానికి ఆ రోజున యశ్ 'టాక్సిక్' రిలీజ్ ఉంటుందని అంతా భావించారు. అయితే, వరల్డ్ వైడ్ డిస్ట్రిబ్యూషన్ కోసం ప్రయత్నిస్తున్నందున ఆ రోజున రావడం లేదంటూ రీసెంట్‌గా యశ్ అఫీషియల్‌గా ప్రకటించారు. అన్ని దేశాలకు సరిపడేలా ఓ కొత్త రిలీజ్ డేట్ ప్రకటిస్తామని తెలిపారు. దీంతో జూన్ 25న రిలీజ్ చేయాలనుకున్న 'పెద్ది'ని ముందుగానే రిలీజ్ చేసేందుకు ప్లాన్ చేస్తున్నారు. ఈ విషయాన్ని ప్రెస్ మీట్ పెట్టి మరీ చెప్పింది టీం. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vriddhi Cinemas (@vriddhicinemas)

ఫ్యాన్స్ ఫుల్ ఖుష్

ఇప్పటికే షూటింగ్ పూర్తి కాగా... కేవలం ఐటమ్ సాంగ్ మాత్రమే పెండింగ్ ఉంది. చరణ్‌తో స్టార్ హీరోయిన్ శ్రుతి హాసన్ స్టెప్పులు వేస్తున్నారు. ఆ షూటింగ్ కూడా శరవేగంగా కంప్లీట్ చేస్తున్నారు. ఈ సాంగ్ తర్వాత పోస్ట్ ప్రొడక్షన్ వర్క్స్, ప్రమోషన్స్ ప్లాన్ చేస్తారు. త్వరలోనే టీజర్, ట్రైలర్ రిలీజ్ చేసే అవకాశాలు ఉన్నాయి. మరోవైపు, రిలీజ్ డేట్ ముందుకు రావడంపై మెగా అభిమానులు ఖుష్ అవుతున్నారు. ఈ సమ్మర్‌కు బాక్సాఫీస్ వద్ద చరణ్ బ్లాక్ బస్టర్ విధ్వంసం కన్ఫర్మ్ అంటూ కామెంట్స్ చేస్తున్నారు.

ఈ మూవీలో చరణ్ సరసన జాన్వీ కపూర్ హీరోయిన్‌గా నటిస్తున్నారు. కన్నడ స్టార్ శివరాజ్ కుమార్, మీర్జాపూర్ ఫేం దివ్యేందు శర్మ, బొమన్ ఇరానీ, జగపతి బాబు తదితరులు కీలకపాత్రలు పోషిస్తున్నారు. మైత్రీ మూవీ మేకర్స్, సుకుమార్ రైటింగ్స్ సమర్పణలో వృద్ధి సినిమాస్ బ్యానర్‌పై వెంకట సంతీష్ కిలారు నిర్మిస్తున్నారు. పాన్ ఇండియా స్థాయిలో సినిమా రిలీజ్ కానుంది.

మరిన్ని చదవండి

రొమాంటిక్ డ్రామా 'ఏక్ దిన్' తెలుగు రివ్యూ - బాలీవుడ్‌లో సాయి పల్లవి హిట్ కొట్టారా?