Pushpa 2 Release : పుకార్లకు చెక్ పెట్టిన మైత్రీ మూవీ మేకర్స్ - 'పుష్ప2' రిలీజ్ డేట్ పై క్లారిటీ వచ్చేసింది!

Pushpa 2 : క్రియేటివ్ డైరెక్టర్ సుకుమార్ బర్త్డే సందర్భంగా 'పుష్ప 2' రిలీజ్ డేట్ పై మేకర్స్ క్లారిటీ ఇచ్చారు.

Photo Credit: Allu Arjun/Twitter

Pushpa 2 arriving on Independence Weekend : ఇండియన్ మోస్ట్ అవైటెడ్ పాన్ ఇండియా మూవీస్ లో ఒకటైన 'పుష్ప: ది రూల్' రిలీజ్ మరోసారి వాయిదా పడబోతుందని గత కొద్ది రోజులుగా వార్తలు వినిపించిన విషయం తెలిసిందే. ఎట్టకేలకు ఈరోజు సుకుమార్ బర్త్ డే సందర్భంగా మూవీ టీం రిలీజ్ డేట్ పై క్లారిటీ ఇచ్చింది. పూర్తి వివరాల్లోకి వెళ్తే.. టాలీవుడ్ లో తన క్రియేటివిటీతో విజన్ తో దర్శకుడిగా తనకంటూ ప్రత్యేక గుర్తింపు తెచ్చుకున్నారు సుకుమార్. 'పుష్ప'తో పాన్ ఇండియా వైడ్ గా పాపులారిటీ సొంతం చేసుకున్నారు. ఆయన తెరకెక్కిస్తున్న 'పుష్ప 2' కోసం దేశవ్యాప్తంగా ఉన్న సినీ ఆడియన్స్ ఎంత ఆసక్తిగా ఎదురుచూస్తున్నారో ప్రత్యేకంగా చెప్పాల్సిన పనిలేదు.

సుకుమార్ ప్రస్తుతం 'పుష్ప2' షూటింగ్ తో బిజీగా ఉన్నారు. ఈ సినిమా షూటింగ్ హైదరాబాదులో జరుగుతోంది. ఇదిలా ఉంటే 'పుష్ప 2' రిలీజ్ మరోసారి వాయిదా పడబోతుందని రీసెంట్ గా వార్తలు వైరల్ అయిన విషయం తెలిసిందే. ఈ ఏడాది ఆగస్టు 15 న ఈ సినిమాని విడుదల చేస్తున్నట్లు మేకర్స్ కొద్ది కాలం కిందట ప్రకటించారు. అయితే రీసెంట్ గా 'పుష్ప 2' రిలీజ్ డేట్ ని మరోసారి వాయిదా వేయబోతుందని, ఆగస్టు 15 నుంచి వేరే డేట్ కి రీ షెడ్యూల్ చేసేందుకు నిర్మాతలు ఆలోచిస్తున్నారని బాలీవుడ్ మీడియా ప్రచారం చేసింది.

Wishing the maverick director and the creator of the awe-inspiring world of #Pushpa, @aryasukku a very Happy Birthday ❤️‍🔥❤️‍🔥#Pushpa2TheRule will be bigger and grander with his vision 💫

Grand Release Worldwide on 15th AUG 2024🔥

Icon Star @alluarjun @iamRashmika #FahadhFaasil… pic.twitter.com/m9hBTQ6YwD

— Mythri Movie Makers (@MythriOfficial) January 11, 2024

అందుకు కారణం అజయ్ దేవగన్ నటించిన 'సింగం అగైన్' చిత్రం సేమ్ అదే డేట్ అంటే ఆగస్టు 15న రిలీజ్ కాబోతుందని, అలా జరిగితే బాలీవుడ్ లో 'పుష్ప2' కలెక్షన్స్ పై ప్రభావం చూపే అవకాశం ఉందని, అందుకే నిర్మాతలు సింగం అగైన్ తో పోటీకి దించకుండా మరో సింగిల్ డేట్ కి రిలీజ్ చేసేందుకు ఆలోచిస్తున్నట్లు పేర్కొంది. కాగా తాజా సమాచారం ప్రకారం 'పుష్ప 2' రిలీజ్ డేట్ లో ఎలాంటి మార్పులు లేవని నిర్మాతలు తెలియజేశారు. సినిమా ఆగస్టు 15న రిలీజ్ కాబోతుందని, అందుకు తగ్గట్టే షెడ్యూల్ ప్రకారం షూటింగ్ జరుగుతుందని స్పష్టం చేశారు. ఇదే విషయాన్ని మేకర్స్ ఈరోజు సుకుమార్ బర్త్డే సందర్భంగా ఆయనకి పుట్టినరోజు శుభాకాంక్షలు తెలుపుతూ ఓ పోస్ట్ పెట్టారు.

NO POSTPONEMENT… ‘PUSHPA 2’ ON INDEPENDENCE DAY 2024… Don’t trust the rumours… #Pushpa2 is certainly arriving on [Thursday] 15 Aug 2024 [#IndependenceDay].

The CLASH with #SinghamAgain is very much on.#AjayDevgn vs #AlluArjun #Pushpa2TheRule pic.twitter.com/vArtZZPGbc

— taran adarsh (@taran_adarsh) January 11, 2024

"సుకుమార్ విజన్ లో #Pushpa2The Rule చాలా పెద్దదిగా, గొప్పదిగా ఉండబోతోంది. ఆగస్టు 15 2024న ఈ సినిమాని ప్రపంచవ్యాప్తంగా గ్రాండ్ గా రిలీజ్ చేయబోతున్నాం" అంటూ పేర్కొన్నారు. మరోవైపు బాలీవుడ్ సినీ క్రిటిక్ తరుణ్ ఆదర్శ్ సైతం తన ట్విట్టర్ వేదికగా 'పుష్ప2' రిలీజ్ డేట్ పై ట్విట్టర్ వేదిక క్లారిటీ ఇచ్చారు. "పుష్ప 2 రిలీజ్ వాయిదా పడలేదు. పుకార్లను ఏమాత్రం నమ్మవద్దు. గురువారం ఆగస్టు 15, 2024 స్వాతంత్ర దినోత్సవం నాడు సినిమా రిలీజ్ కాబోతుంది" అంటూ పేర్కొన్నారు. అంతేకాకుండా బాలీవుడ్లో 'సింగం అగెన్' తో 'పుష్ప2' క్లాష్ ఓ రేంజ్ లో ఉండబోతుందంటూ రాసుకొచ్చాడు. దీంతో ఇన్ని రోజులుగా 'పుష్ప2' రిలీజ్ వాయిదా పడుతుందని వస్తున్న వార్తలకు చెక్ పడింది.