Prabhas: సింగర్గా హీరోయిన్ డెబ్యూ... ప్రభాస్ నుంచి ప్రశంసలు - ఆ అమ్మాయి ఎవరో తెలుసా?
Rasha Thadani Singing Debut: రవీనా టాండన్ కుమార్తె రాషా థడాని గతేడాది 'ఆజాద్'తో కథానాయికగా తెరపై అడుగు పెట్టారు. ఇప్పుడు ఆవిడ సింగింగ్ డెబ్యూ ఇచ్చారు. దానికి ప్రభాస్ నుంచి ప్రశంసలు లభించాయి.
బాలీవుడ్ నటి రవీనా టాండన్ కుమార్తె రాషా థడాని గత ఏడాడి కథానాయికగా వెండితెరపై అడుగు పెట్టారు. 'ఆజాద్' సినిమాతో కెరీర్ స్టార్ట్ చేశారు. అయితే ఆ సినిమా పెద్దగా ఆకట్టుకోలేదు. బాక్స్ ఆఫీస్ దగ్గర ఆ సినిమా ఫ్లాప్ అయింది. ఇప్పుడు రాషా థడాని గాయనిగా కూడా అరంగేట్రం చేసింది. ఆమె పాటకు మన 'బాహుబలి' ప్రభాస్ నుంచి ప్రశంసలు లభించాయి.
త్వరలో ప్రేక్షకుల ముందుకు రానున్న 'లైకీ లైకా'లో రాషా థడాని కనిపించనుంది. ఆ సినిమాలో ఆమెతో పాటు 'మంజ్యా' ఫేమ్ అభయ్ వర్మ కూడా కనిపించనున్నారు. ఆ సినిమాలో రాషా నటించడమే కాకుండా... 'ఛాప్ తిలక్' అనే పాటను కూడా పాడింది. అది ఇటీవల విడుదలైంది. రాషా తన ఇన్స్టాగ్రామ్లో కూడా వీడియో షేర్ చేసింది. అందులో ఆమె స్టూడియోలో పాట పాడుతూ కనిపించింది.
View this post on Instagram
రాషా సింగింగ్ డెబ్యూను స్వయంగా 'బాహుబలి' ప్రభాస్ ప్రశంసించారు. ఈ పాట వీడియోను తన ఇన్స్టాగ్రామ్ స్టోరీలో ప్రభాస్ షేర్ చేశారు. ఆ వీడియోతో పాటు ''నిజంగా చాలా అందమైన గొంతు. మంచి అరంగేట్రం. 'ఛాప్ తిలక్'లో మీ ప్రదర్శన హృదయ పూర్వకంగా ఉంది. కంగ్రాచ్యులేషన్స్'' అని రాశారు. ఆ స్టోరీని రీ-షేర్ చేసిన రాషా... ప్రభాస్కు ధన్యవాదాలు తెలిపింది.
జనవరి 2025లో 'ఆజాద్' సినిమాతో రాషా థడాని యాక్టింగ్ కెరీర్ స్టార్ట్ చేసింది. అజయ్ దేవగన్ నిర్మించిన ఆ సినిమాలో అమాన్ దేవగన్ కూడా కనిపించాడు. అయితే సినిమాకు ప్రజల నుండి పెద్దగా స్పందన రాలేదు. రాషా నటన, ఆమె అందాన్ని చాలా మంది మెచ్చుకున్నారు. మరి 'లైకా లైకీ'కు ప్రేక్షకుల నుండి ఎలాంటి స్పందన వస్తుందో చూడాలి.
టాప్ హెడ్ లైన్స్
ట్రెండింగ్ వార్తలు
