Pooja Hegde: సౌత్‌లో బంపర్‌ ఆఫర్ కొట్టేసిన పూజా హెగ్డే - హీరో సూర్యతో రొమాన్స్‌, ఏ సినిమాలో అంటే..
Pooja Hegde: పూజా హెగ్డే మళ్లీ సౌత్‌లో మంచి కంబ్యాక్‌ ఇవ్వబోతుంది. తాజాగా ఈ బ్యూటీ బంపర్‌ ఆఫర్ కొట్టేసింది. కొద్ది రోజులుగా ఆఫర్స్‌ లేని ఈ భామ ఓ క్రేజీ ప్రాజెక్ట్‌లో హీరోయిన్‌గా చాన్స్‌ కొట్టేసింది.
Pooja Hegde Welcome Aboard to Suriya 44 Movie: చాలా గ్యాప్‌ తర్వాత పూజా హెగ్డే బంపర్‌ ఆఫర్ కొట్టేసింది. కొద్ది రోజులుగా సరైన ఆఫర్స్‌ లేక ఈ బుట్టబొమ్మ సైలెంట్‌ అయిన సంగతి తెలిసిందే. తెలుగులో ఆచార్య, రాధేశ్యామ్‌లతో వరుస ప్లాప్స్‌ చూసి ఈ భామ కెరీర్‌కు బ్రేక్‌ పడింది. ఇక్కడ క్రేజ్‌ తగ్గడంతో బాలీవుడ్‌ బాట పట్టిన పూజకు అక్కడ కూడా కలిసి రాలేదని చెప్పాలి. బాలీవుడు భాయిజాన్‌ సల్మాన్ ఖాన్‌తో కిసి కా భాయ్ కిసి కా జాన్ మూవీలో జతకట్టింది. ఈ చిత్రపై పూజా ఎన్నో హోప్స్‌ పెట్టుకుంది.
కానీ, ఇది ఆమెకు ఆశించిన విజయం ఇవ్వలేదు. బి-టౌన్‌ బాక్సాఫీసు వద్ద ఈ చిత్రం డిజాస్టర్‌ కావడంతో హిందీలోనూ ఆమెను పెద్దగా దర్శకనిర్మాతలు పట్టించుకోవడం లేదు. ప్రస్తుతం హిందీలో దేవా అనే మూవీ చేస్తుంది. ఇప్పుడు పూజా ఈ సినిమాపైనే ఆశలన్ని పెట్టుకుంటుంది. ఇక సౌత్‌లో బీస్ట్‌తో భారీ పరావడం చూసిన పూజా కోలీవుడ్‌లోనూ అవకాశాలు రావడం కష్టం అనుకున్నారు. తెలుగు, తమిళంలో ఇక పూజా కెరీర్‌ అయిపోయిందని అంతా అనుకున్నారు. కానీ ఇప్పుడు అదే కోలీవుడ్‌లో ఆమె ఓ క్రేజీ ప్రాజెక్ట్‌లో భాగం అయ్యింది. తాజాగా దీనిపై అధికారిక ప్రకటన వచ్చింది.
Delighted to welcome @hegdepooja for #Suriya44 🔥
— karthik subbaraj (@karthiksubbaraj) June 1, 2024
Welcome onboard #PoojaHegde 💃🏻#LoveLaughterWar ❤️🔥 #AKarthikSubbarajPadam📽️@Suriya_offl @Music_Santhosh @rajsekarpandian @kaarthekeyens @kshreyaas @cheps911 @jacki_art @JaikaStunts @PraveenRaja_Off @2D_ENTPVTLTD @stonebenchers… pic.twitter.com/uias057s2B
కోలీవుడ్‌లో ఇటీవల ఓ క్రేజీ కాంబో సెట్‌ అయిన సంగతి తెలిసిందే. అదే కార్తీక్‌ సుబ్బరాజు, సూర్య ప్రాజెక్ట్‌. సూర్య 44వ సినిమాగా వస్తున్న ఈ సినిమాను ఇటీవల అధికారికంగా ప్రకటించారు. #Suriya44 అనే వర్కింగ్‌ టైటిల్‌తో రాబోతున్న ఈ సినిమాలో హీరోయిన్‌గా పూజా ఫిక్స్‌ అయ్యింది. స్వయంగా ఈ విషయాన్ని కార్తీక్‌ సుబ్బరాజు ఆఫీషియల్‌గా వెల్లడించారు. అంతేకాదు ఈ సినిమాలోని పూజా ఫస్ట్‌లుక్ కూడా విడుదల చేసి ఆమెను సెట్‌లోకి ఆహ్వానించారు సుబ్బరాజు. దీంతో పూజా బంపర్‌ ఆఫర్ కొట్టేసిందంటూ ఫ్యాన్స్‌ ఖుష్‌ అవుతున్నారు. ఈ సినిమాతో మళ్లీ ఈ బుట్టబొమ్మ మంచి కంబ్యాక్‌ ఇవ్వాలని, మళ్లీ ఎప్పటిలాగే వరుస సినిమాలతో అలరించాలని ఫ్యాన్స్‌ కోరుకుంటున్నారు.
కాగా ఇంకా సెట్స్‌పైకి రాని ఈ సినిమా త్వరలోనే రెగ్యులర్‌ షూటింగ్‌ జరుపుకోనుందట. యాక్షన్‌ థ్రిల్లర్‌గా రాబోతున్న ఈ సినిమాపై భారీ అంచనాలు నెలకొన్నాయి. అండమాన్‌ దీవుల్లోని పోర్ట్‌బ్లెయిర్‌లో ఓ భారీ యాక్షన్‌ సీక్వెన్స్‌తో ఈ సినిమా షూటింగ్‌ను మొదలు పెట్టనున్నట్టు మూవీ టీం ఇప్పటికే ప్రకటించింది. అలాగే ఈ చిత్రం కోసం పలువురు స్టార్ టెక్నీషియన్లు పనిచేస్తుండటం మరో విశేషం. అయితే సుబ్బరాజుర షేర్‌ చేసిన తొలి పోస్టర్‌లో మాత్రం పూజా పెళ్లి కూతురు గెటప్‌లో కనిపించడం మూవీపై అంచనాలు పెంచుతుంది. మరి సస్పెన్స్‌ యాక్షన్‌ థ్రిల్లర్‌గా రాబోతున్న ఈ సినిమాలో పూజా హెగ్డే పాత్ర ఎలా ఉండబోతుందో చూడాలి.
Also Read: రూ.10 కోట్లు ఇస్తామన్నా ఆ యాడ్‌ చేయనన్న అల్లు అర్జున్ - బన్నీపై ప్రశంసలు..
టాప్ హెడ్ లైన్స్
ట్రెండింగ్ వార్తలు
