Dulquer Salmaan - Pooja Hegde: దుల్కర్ సల్మాన్‌తో బుట్ట బొమ్మ... అఫీషియల్‌గా అనౌన్స్ చేశారమ్మా!

Pooja Hegde In Dulquer Salmaan 41: 'లక్కీ భాస్కర్'తో తెలుగులోనూ హిట్ కొట్టిన దుల్కర్ సల్మాన్, బుట్ట బొమ్మ పూజా హెగ్డే జంటగా ఓ సినిమా చేస్తున్నారు. ఈ రోజు ఆ విషయాన్ని అనౌన్స్ చేశారు.

దుల్కర్ సల్మాన్ & పూజా హెగ్డే జంటగా కొత్త సినిమా... షూటింగ్ అప్డేట్ ఏమిటంటే?

Source : https://x.com/SLVCinemasOffl

'మహానటి', 'లక్కీ భాస్కర్' సినిమాలతో కథానాయకుడిగా తెలుగులోనూ విజయాలు అందుకున్న మలయాళ కథానాయకుడు దుల్కర్ సల్మాన్ (Dulquer Salmaan). కల్యాణీ ప్రియదర్శన్ 'కొత్త లోక: చాప్టర్ 1'తో రీసెంట్‌గా నిర్మాతగా భారీ బ్లాక్ బస్టర్ అందుకున్నారు. బుట్ట బొమ్మ పూజా హెగ్డే (Pooja Hegde) గురించి చెప్పాల్సిన అవసరం లేదు. తెలుగులో బోలెడు బ్లాక్ బస్టర్లు చేశారు. ఇప్పుడు వీళ్ళిద్దరూ జంటగా ఓ సినిమా రూపొందుతోంది.

సుధాకర్ చెరుకూరి నిర్మాణంలో జంటగా!
దుల్కర్ సల్మాన్, పూజా హెగ్డే జంటగా నటిస్తున్న సినిమాను ఎస్‌ఎల్‌వీ సినిమాస్ పతాకం మీద సుధాకర్ చెరుకూరి నిర్మిస్తున్నారు. ఆ సంస్థలో ప్రొడక్షన్ నంబర్ 10 ఇది. హీరోగా వర్సటైల్ స్టార్ దుల్కర్ సల్మాన్ 41వ సినిమా. దీంతో రవి నేలకుడిటి దర్శకుడిగా పరిచయం అవుతున్నారు. దుల్కర్, పూజ జంటగా నటిస్తున్న విషయాన్ని మేకింగ్ వీడియో ద్వారా అనౌన్స్ చేశారు.

వంద రోజుల షూటింగులో బుట్ట బొమ్మకు 90!
ప్రేమ కథతో దుల్కర్ సల్మాన్, పూజా హెగ్డే సినిమా తెరకెక్కుతోంది. సుమారు 100 రోజులు షూటింగ్ చేయాల్సి ఉంటుందట. అందులో 90 రోజుల పాటు పూజా హెగ్డే పాల్గొంటారని నిర్మాణ సంస్థ సన్నిహిత వర్గాల ద్వారా తెలిసింది. ప్రస్తుతం ఈ సినిమా చిత్రీకరణ హైదరాబాద్‌లో జరుగుతోంది. కాలేజీ నేపథ్యంలో కొన్ని సీన్స్ తీస్తున్నట్టు మేకింగ్ వీడియో చూస్తే అర్థం అవుతోంది. పూజా హెగ్డే స్కూటీ నడుపుతుంటే దుల్కర్ సల్మాన్ వెనుక కూర్చున్న విజువల్స్ క్యూట్ గా ఉన్నాయి. ఇద్దరి మధ్య కెమిస్ట్రీ బావుంది. పాన్ ఇండియా రిలీజ్... తెలుగుతో పాటు హిందీ, తమిళ, కన్నడ, మలయాళ భాషల్లో థియేటర్లలోకి సినిమా రానుంది.

Welcoming the enchanting @hegdepooja on board for #DQ41 ❤️

DQ and Pooja's chemistry will be magical on the big screens ✨

Stay tuned for more updates.#SLVC10
Starring @dulQuer
Directed by @ravinelakuditi9
Produced by @sudhakarcheruk5 under @SLVCinemasOffl
Music by @gvprakash… pic.twitter.com/vVb3LSbNHI

— SLV Cinemas (@SLVCinemasOffl) September 10, 2025

DQ 41 Movie Cast And Crew: దుల్కర్ సల్మాన్, పూజా హెగ్డే జంటగా నటిస్తున్న ఈ సినిమాకు ప్రముఖ సినిమాటోగ్రాఫీ: అనయ్ ఓం గోస్వామి, సంగీతం: జివి ప్రకాష్ కుమార్, ప్రొడక్షన్ డిజైనర్: అవినాష్ కొల్లా, సహ నిర్మాత: గోపీచంద్ ఇన్నమూరి, CEO: విజయ్ కుమార్ చాగంటి, రచన - దర్శకత్వం: రవి నేలకుదిటి, నిర్మాత: సుధాకర్ చెరుకూరి, నిర్మాణ సంస్థ: SLV సినిమాస్.