Ustaad Bhagat Singh Pre Release Event : ఉస్తాద్ భగత్ సింగ్ ప్రీ రిలీజ్ ఈవెంట్ - వేదిక ఎక్కడో తెలుసా?... పవన్ స్పీచ్పైనే అందరి ఫోకస్
Ustaad Bhagat Singh : ఉస్తాద్ భగత్ సింగ్ ప్రీ రిలీజ్ ఈవెంట్ను మేకర్స్ భారీ స్థాయిలో ప్లాన్ చేస్తున్నారు. భారీగా వచ్చే ఫ్యాన్స్ను దృష్టిలో ఉంచుకుని భద్రతా ఏర్పాట్లు చేస్తున్నారు.
Pawan Kalyan's Ustaad Bhagat Singh Pre Release Event Details : పవర్ స్టార్ ఫ్యాన్స్తో పాటు మూవీ లవర్స్ ఎంతో ఈగర్గా వెయిట్ చేస్తున్న మూవీ ఉస్తాద్ భగత్ సింగ్. పవన్ కల్యాణ్ హీరోగా స్టార్ డైరెక్టర్ హరీష్ శంకర్ దర్శకత్వంలో రాబోతోన్న ఈ భారీ యాక్షన్ ఎంటర్టైనర్ ఈ నెల 19న వరల్డ్ వైడ్గా ప్రేక్షకుల ముందుకు రానుంది. ప్రస్తుతం ప్రమోషన్స్లో మూవీ టీం బిజీగా ఉండగా... ప్రీ రిలీజ్ ఈవెంట్ కోసం మేకర్స్ భారీ స్థాయిలో ఏర్పాట్లు చేస్తున్నారు.
వెన్యూ ఎక్కడంటే?
ప్రీ రిలీజ్ ఈవెంట్ ఈ నెల 15న యూసుఫ్ గూడలోని పోలీస్ గ్రౌండ్స్లో నిర్వహించనున్నారు. ఆదివారం సాయంత్రం ఈవెంట్ జరగనున్నట్లు తెలుస్తోంది. ఈ మేరకు అఫీషియల్గా అనౌన్స్ చేశారు. ఈ వేడుకకు పవన్ కల్యాణ్తో పాటు ఇతర నటీనటులు, ప్రముఖులు హాజరు కానున్నారు. పవర్ స్టార్ ఫ్యాన్స్ భారీగా రానున్న నేపథ్యంలో అందుకు తగిన విధంగా భారీ భద్రత కల్పించనున్నారు.
ఈవెంట్కు పవన్ కల్యాణ్ హాజరు కానుండడంతో ఆయన స్పీచ్పైనే అందరి దృష్టి ఉంది. ఈవెంట్ను ఓ పండుగలా నిర్వహించేందుకు మేకర్స్ ప్లాన్ చేస్తుండగా... ఆయన స్పీచ్తో ఫ్యాన్స్లో ఎలాంటి జోష్ నింపుతారో చూడాల్సి ఉంది.
వెయిటింగ్ ఫర్ ట్రైలర్
ఇప్పటికే రిలీజ్ చేసిన ట్రైలర్ టీజ్ భారీ హైప్ క్రియేట్ చేస్తుండగా... 'ఇది భగత్ గీత. దమ్మున్నోడు దాటొచ్చు' అంటూ పవన్ చెప్పే డైలాగ్ వేరే లెవల్. దీంతో ట్రైలర్పై భారీ అంచనాలు నెలకొన్నాయి. ఇప్పటివరకూ రిలీజ్ చేసిన పవన్ వింటేజ్ లుక్స్, సాంగ్స్ ఒక ఎత్తైతే ట్రైలర్ మరో ఎత్తు. పవర్ ఫుల్ మాస్ డైలాగ్స్, పవనిజాన్ని చూపించే ఎలివేషన్స్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఈ నెల 14న అంటే శనివారం ట్రైలర్ రిలీజ్ కానుంది. దేఖ్ లేంగే సాలా సాంగ్ దగ్గర నుంచీ ఆరా ఆఫ్ ఉస్తాద్, కాలరే ఎత్తరా సాంగ్ వరకూ యూట్యూబ్లో ట్రెండ్ అవుతున్నాయి.
ఈ మూవీకి పవన్ ప్రాణం పెట్టి చేశారని... సెకండాఫ్ ఇంటెన్స్ సీన్ మూవీకే హైలెట్ అని డైరెక్టర్ హరీష్ శంకర్ తాజా సాంగ్ లాంచ్ ఈవెంట్లో చెప్పారు. పవన్ పెర్ఫార్మెన్స్ బద్దలైపోతుందని.. థియేటర్స్ దద్దరిల్లడం ఖాయమంటూ ఫ్యాన్స్కు భరోసా ఇచ్చారు. ప్రతీ పవన్ అభిమాని కాలర్ ఎగరేసేలా మూవీ ఉంటుందని అన్నారు.
మూవీలో పవన్ సరసన రాశీ ఖన్నా, శ్రీలీల హీరోయిన్లుగా నటించారు. తమిళ హీరో పార్తిబన్ విలన్ రోల్ చేశారు. మైత్రీ మూవీ మేకర్స్ బ్యానర్పై నవీన్ యెర్నేని, వై రవిశంకర్ భారీ స్థాయిలో మూవీని నిర్మించారు. రాకింగ్ స్టార్ దేవిశ్రీ ప్రసాద్ మ్యూజిక్ అందించగా... థమన్ బీజీఎం స్కోర్ అందించారు. సెన్సార్ బోర్డు U/A సర్టిఫికెట్ జారీ చేయగా... రన్ టైం 2:33:49 గంటలు ఉంటుందని తెలుస్తోంది.
Before You Go
Aishwarya Varma Unknown Facts | సీరియల్ యాక్టర్ ఐశ్వర్య వర్మ రియల్ లైఫ్ స్టోరీ
టాప్ హెడ్ లైన్స్
ట్రెండింగ్ వార్తలు
