Bollywood Affairs: అప్పట్లో భయపడ్డాం... 25 ఏళ్ళకు ఎఫైర్ గురించి నోరు విప్పిన హీరోయిన్

Neelam Kothari On Govinda: బాలీవుడ్ హిట్ పెయిర్స్‌లో గోవిందా - నీలం కొఠారి జంట ఒకటి. వాళ్లిద్దరూ 90వ దశకంలో కొన్ని సినిమాల్లో నటించారు. అప్పట్లో వాళ్ళ మధ్య ఎఫైర్ నడిచినట్టు పుకార్లు షికారు చేశారు.

గోవిందాతో రిలేషన్షిప్ పై నోరు విప్పిన నీలం

Source : ABPLIVE AI

బాలీవుడ్ హిట్ పెయిర్స్‌లో గోవిందా (Govinda) - నీలం కొఠారి (Neelam Kothari) జంట ఒకటి. వాళ్లిద్దరూ 90వ దశకంలో కొన్ని సినిమాల్లో నటించారు. అప్పట్లో వాళ్ళ మధ్య ఎఫైర్ నడిచినట్టు పుకార్లు షికారు చేశారు. ఇటీవల గోవిందా తన వ్యక్తిగత జీవితానికి సంబంధించి విషయాలతో వార్తల్లో నిలిచారు. ఒక వైపు ఆయన భార్య ఆరోపణలు చేస్తోంది. ఒక అమ్మాయితో తన భర్త పేరును ముడిపెడుతోంది. మరో వైపు గతంలో తమ మధ్య ఎఫైర్ ఉందని వచ్చిన వార్తలపై నీలం కొఠారి తాజాగా స్పందించారు.

గోవిందాతో ఎఫైర్ ఉన్నట్టు వచ్చిన వాదనలు అన్నింటినీ నీలం కొఠారి తోసిపుచ్చారు. గోవిందా, తనకు మధ్య ఏమీ లేదని ఆమె స్పష్టం చేశారు. ఉషా కాక్డే ప్రొడక్షన్స్‌కు ఇచ్చిన ఇంటర్వ్యూలో గోవిందాకు, తనకు ముడి పెడుతూ వచ్చిన వార్తలను ఆవిడ పూర్తిగా ఖండించారు. నీలం కొఠారి మాట్లాడుతూ... ''గోవిందా గారు చాలా మంచి వ్యక్తి. ఆయనకు, నాకు సంబంధం ఉన్నట్టు ఎవరు చెప్పారు? అది నిజం కాదు. ఆయన మంచి మనిషి. మేం చాలా హిట్ సినిమాలు చేశాం. కానీ పుకార్లు నిజం కాదు. మా మధ్య ఏమీ లేదు'' అని అన్నారు.

అప్పట్లో మేం మీడియాకు భయపడ్డాం

గోవిందాతో తాను రిలేషన్‌షిప్‌లో ఉన్నట్టు వచ్చిన వార్తల గురించి నీలం కొఠారి మాట్లాడుతూ... ''నా అభిప్రాయం ప్రకారం... ఈ పుకార్లకు లింక్ - అప్ న్యూస్ కారణం. ఆ సమయంలో ఆ వార్తలకు ఎవరూ వివరణ ఇవ్వలేదు. దాంతో వాళ్ళు ఏం అనుకున్నారో... అదే రాశారు. నిజం చెప్పాలంటే... ఆ రోజుల్లో మేం మీడియాకు భయపడ్డాం. ఎందుకంటే... పెన్ పవర్ ఎక్కువ. ఎవరైనా రెండు మూడు సినిమాలు కలిసి చేస్తే... వాళ్ళ మధ్య ప్రేమ ఇతరత్రా వ్యవహారం నడిచిందని భావించేవారు'' అని అన్నారు.

స్టార్‌డస్ట్‌కు ఇచ్చిన ఇంటర్వ్యూలో నీలం కొఠారి మీద గోవిందా ప్రశంసల వర్షం కురిపించారు. ఆయన మాట్లాడుతూ... ''మేం చాలా సినిమాలు కలిసి చేశాం. మేం తరచూ కలుసుకునేవాళ్ళం. నీలం గురించి తెలుసుకున్న కొద్దీ ఆమెను ఇష్టపడ్డాను. ఎవరినైనా ప్రేమలో పడేసే మహిళ నీలం'' అని అన్నారు.

సునీతా అహుజాతో నిశ్చితార్థం రద్దు చేసుకోవడానికి గల కారణాన్ని కూడా గోవిందా వివరించారు. ఆయన మాట్లాడుతూ... ''నన్ను వదిలి వెళ్ళమని నేను సునీతాని అడిగాను. నేను ఆమెతో నిశ్చితార్థం రద్దు చేసుకున్నా. కానీ, 5 రోజుల తర్వాత నన్ను పిలిచి నిశ్చితార్థం చేసుకోవాలని ఒప్పించకపోతే... బహుశా నీలంను పెళ్లి చేసుకునేవాడిని. నేను ఆమెను పెళ్లి చేసుకోవాలనుకున్నాను. అందులో ఏమీ తప్పు లేదని నేను అనుకుంటున్నాను'' అని అన్నారు.