![ABP Premium](https://cdn.abplive.com/imagebank/Premium-ad-Icon.png)
NBK109: బాలయ్య అభిమానులకు గుడ్ న్యూస్ - అదిరిపోయే అప్డేట్ ఇచ్చిన దర్శకుడు బాబీ
NBK109: సక్సెస్ ఫుల్ డైరెక్టర్ బాబీ, నందమూరి బాలకృష్ణ కాంబినేషన్ లో వస్తున్న సినిమా గురించి క్రేజీ అప్ డేట్ వచ్చింది. ఈ విషయాన్ని డైకరెక్టర్ బాబీ స్వయంగా ట్వీట్ చేశాడు.
![NBK109: బాలయ్య అభిమానులకు గుడ్ న్యూస్ - అదిరిపోయే అప్డేట్ ఇచ్చిన దర్శకుడు బాబీ NBK109 TITLE TEASER COMING SOON Crazy Update By Director Bobby NBK109: బాలయ్య అభిమానులకు గుడ్ న్యూస్ - అదిరిపోయే అప్డేట్ ఇచ్చిన దర్శకుడు బాబీ](https://feeds.abplive.com/onecms/images/uploaded-images/2024/08/12/419dea95f923dfb0822c33fc441e59051723458786435932_original.jpg?impolicy=abp_cdn&imwidth=1200&height=675)
NBK109 TITLE TEASER COMING SOON: నందమూరి బాలకృష్ణ, సక్సెస్ ఫుల్ డైరెక్టర్ బాబీ కాంబినేషన్ లో తెరకెక్కుతున్న NBK109 సినిమా గురించి అభిమానులు ఎంతగానో ఎదురుచూస్తున్నారు. నిజానికి సినిమా అనౌన్స్ చేసినప్పటి నుంచి ఈ ప్రాజెక్ట్ కి సంబంధించి అప్ డేట్స్ ఏవీ పెద్దగా బయటికి రాలేదు. దీంతో ఫ్యాన్స్ అంతా సినిమా కోసం ఆసక్తిగా ఎదురుచూస్తున్నారు. ఇటీవల బాలయ్య పుట్టిన రోజు సందర్భంగా గ్లింప్స్ రిలీజ్ చేసిన విషయం తెలిసిందే. ఇప్పుడు మరో క్రేజీ అప్ డేట్ ఇచ్చాడు దర్శకుడు బాబీ. బాలయ్య బాబుతో దిగిన ఫొటోను షేర్ చేసిన ఆయన అభిమానులకు అదిరిపోయే న్యూస్ చెప్పాడు.
కీలక సన్నివేశాలు పూర్తి..
బాబీ డైరెక్షన్ లో బాలయ్య తన 109వ సినిమా చేస్తున్న విషయం తెలిసిందే. ఆ సినిమాకి ఇప్పటికీ టైటిల్ ని మాత్రం ఖరారు చేయలేదు. అయితే ఆ సినిమాకి సంబంధించి ముఖ్యమైన షూటింగ్ పూర్తయ్యింది అట. ఈ విషయాన్ని చెప్తూ బాబీ ట్వీట్ చేశాడు. బాలయ్య బాబుతో సెట్స్ లో దిగిన ఫొటోలను షేర్ చేసిన బాబీ.. "ఒక ముఖ్యమైన షెడ్యూల్ ని పూర్తి చేశాం. జైపూర్ లో షూటింగ్ ముగించుకున్నాం. నందమూరి బాలకృష్ణ గారిపై షూటింగ్ జరిగింది. ఆయన ఎనర్జీకి ఎవ్వరూ మ్యాచ్ కాలేరు. ఈ ఎలక్ట్రిఫైయింగ్ సీక్వెన్స్లలో బాలకృష్ణ గారి ఆవేశాన్ని చూడటానికి సిద్ధంగా ఉండండి. టైటిల్ టీజర్ త్వరలోనే రాబోతుంది" అని చెప్పి ఫైర్ ఎమోజీలను జోడించాడు బాబీ. బాలయ్య బాబుతో దిగిన ఫొటోలను కూడా ట్వీట్ చేశారు.
ఆకట్టుకున్న గ్లింప్స్..
బాలకృష్ణ కెరీర్లో 109వ సినిమాగా తెరకెక్కుతుంది ఈ సినిమా. బాబీ డైరెక్ట్ చేస్తున్న ఈసినిమాని సితార ఎంటర్టైన్మెంట్స్ నిర్మిస్తోంది. కాగా.. ఇటీవల జూన్ లో బాలకృష్ణ పుట్టిన రోజు సందర్భంగా గ్లింప్స్ రిలీజ్ చేసింది సినిమా టీమ్. అది బాలయ్య బాబు అభిమానులను విపరీతంగా ఆకట్టుకుంది. ‘‘దేవుడు చాలా మంచోడయ్యా. దుర్మార్గులకు కూడా వరాలు ఇస్తాడు. వీళ్లు అంతు చూడాలంటే కావాల్సింది జాలి, దయ, కరుణ.. ఇలాంటి పదాలకు అర్థమే తెలియని అసురుడు’’ అనే డైలాగ్తో గ్లింప్స్ మొదలైంది. చివర్లో అప్పుడే ట్రైన్ నుంచి దిగిన బాలకృష్ణ.. పొగ మధ్య నుంచి నడుచుకుంటూ వస్తాడు. ఆ తర్వాత గుర్రంపై గర్జిస్తూ కనిపిస్తాడు బాలయ్య.
బిజీబిజీగా బాలయ్య..
బాలయ్య బాబు ఇటు సినీ, రాజకీయాల్లో బిజీబిజీగా గడుపుతున్నట్లు తెలుస్తోంది. ఏపీలో ఇటీవల జరిగిన ఎన్నికల్లో ఆయన హిందూపూర్ ఎమ్మెల్యేగా గెలిచిన విషయం తెలిసిందే. ఇక ఆ తర్వాత వరుస సినిమా షూటింగ్ లు. ఇదిలా ఉంటే.. త్వరలోనే బాలయ్య బాబు హోస్ట్ చేసిన అన్ స్టాపబుల్ నాలుగో సీజన్ కూడా ప్రారంభం కాబోతుంది. దసరాకి అన్ స్టాపబుల్ 4వ సీజన్ ని ప్రారంభం కాబోతున్నట్లు తెలుస్తుంది. ‘అన్ స్టాపబుల్’ సీజన్ 4కు సంబంధించి ఆహా ఇప్పటికే ప్రకటన చేసింది. త్వరలోనే ఆహా సీజన్ ప్రారంభం కాబోతున్నట్లు వెల్లడించింది. అయితే, ఎప్పుడనే విషయం మాత్రం తెలీదు.
Also Read: విడాకుల వార్తలపై స్పందించిన అభిషేక్ బచ్చన్.. చివరికి అలా చెప్పుకోవల్సి వస్తోంది
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)