Mukhesh Rushi: కన్నప్పలో ‘ఇంద్ర’ విలన్ లుక్స్ చూశారా?

Kannappa: సీనియర్ నటుల సూపర్ లుక్స్ తో మంచు విష్ణు డ్రీమ్ ప్రాజెక్టు భక్త కన్నప్ప ప్రేక్షకుల్లో అంచనాలు పెంచేస్తోంది. తాజాగా కంపడు, గవ్వరాజు అనే క్యారెక్టర్ల పోస్టర్ ను విడుదల చేసింది. 

భక్త కన్నప్ప అప్‌డేట్స్

Source : X

Kannappa Cinema Updates: మంచు విష్ణు డ్రీమ్ ప్రాజెక్టు భక్త కన్నప్ప రోజుకో సర్‌ప్రైజ్‌ లుక్స్ రిలీజ్ చేస్తోంది. ఈ సూపర్ లుక్స్ తో ప్రేక్షకుల్లో అంచనాలు పెరిగిపోతున్నాయి. తాజాగా కంపడు, గవ్వరాజు అనే క్యారెక్టర్లను ప్రేక్షకులకు పరిచయం చేసింది చిత్ర బృందం. ఇప్పుడవి సోషల్ మీడియాలో వైరల్‌గా మారుతున్నాయి.   

హీరో విష్ణు మంచు కెరియర్ లోనే ప్రతిష్టాత్మక పాన్‌ ఇండియా సినిమాగా విడుదలకి సిద్ధం అవుతున్న కన్నప్ప సినిమాకి సంబంధించిన ప్రమోషన్స్‌ అప్టేట్స్‌ అందరి దృష్టిని ఆకర్షిస్తున్నాయి. భారీ బడ్జెట్‌తో అత్యంత ప్రతిష్టాత్యకంగా రాబోతున్న ఈ చిత్రాన్ని మోహన్ బాబు నిర్మిస్తున్నారు. ఈ క్రమంలో.. మేకర్స్ వరుస అప్డేట్స్ ఇస్తూ ప్రేక్షకుల్లో అంచనాలను రెట్టింపు చేస్తున్నారు. 

ప్రతి సోమవారం ఓ అప్‌డేట్ ఇస్తున్న భక్త కన్నప్ప టీం

శ్రీకాళహస్తిశ్వర స్థలపురాణం ఆధారంగా తెరకెక్కిస్తోన్న ఈ సినిమాలో కీలక పాత్రను పోషిస్తున్న నటీనటుల లుక్స్ కి సంబంధించిన పోస్టర్ల ను చిత్ర బృందం ప్రతి సోమవారం విడుదల చేస్తోంది. ఇదే క్రమంలో సోమవారం మరో ఇద్దరు నటుల ఫస్ట్ లుక్ పోస్టర్లు సోమవారం విడుదల చేసింది. ఆ పోస్టర్లు ఇప్పుడు సోషల్ మీడియాలో వైరల్ అయ్యాయి. ఇప్పటికే ఈ సినిమా నుంచి మధుబాల,శరత్‌కుమార్‌, దేవరాజ్‌ వంటి నటీనటులు పోషిస్తున్న పాత్రలను పరిచయం చేస్తూ, వారి పాత్రలకు సంబంధించిన పోస్టర్లు విడుదల చేసింది చిత్ర బృందం.

కంపడుగా ముఖేష్ రిషి

తాజాగా ఈ సినిమాలో ప్రముఖ నటుడు ముఖేష్‌ రుషి పోషిస్తున్న పాత్రకు సంబంధించిన ఫస్ట్‌లుక్‌తో పాటు.. బ్రహ్మజీ పాత్రకు సంబంధించిన ఫస్ట్‌లుక్‌ పోస్టర్‌ను విడుదల చేశారు. ముఖేష్ రిషి ఈ సినిమాలో ‘కంపడు’ అనే పాత్ర పోషిస్తున్నారు. ‘గవ్వరాజు’గా బ్రహ్మాజీ ఈ సినిమాలో కనిపించనున్నారు.

అత్యంత పురాతన తెగ అయిన పుళిందుల అనే ఒక భయంకరమైన తెగకు చెందిన వారుగా వీళ్ళు ఈ సినిమాలో కనిపించనున్నారు. సదాశివ కొండలలో జన్మించిన వీరిని భద్రగణం అని కూడా అంటారు. వాయులింగానికి ఈ తెగ వారు వంశపారంపర్య రక్షకులు. వాళ్ళ నాయకుడు కంపడు. భద్రగణాన్ని నడిపిస్తూ ఉంటాడు. ముఖేష్ రుషి పోస్టర్ చూశాక ఇంకా ఎంతమంది సీనియర్ నటులు ఈ చిత్రంలో భాగస్వామ్యమయ్యారో అనే ఆసక్తి ప్రేక్షకుల్లో నెలకొంది. 

భారీ తారాగణంతో భారీ బడ్జెట్‌తో.. 

ప్రభాస్‌తోపాటు మోహన్ బాబు, మోహన్ లాల్,  బ్రహ్మానందం, బాలీవుడ్ స్టార్ హీరో అక్షయ్ కుమార్ లు ఈ సినిమాలో క్యామియో పాత్రలలో కనిపించనున్నారు.  ముఖేష్ కుమార్ దర్శకత్వం వహిస్తున్న ఈ ప్రాజెక్ట్ షూటింగ్ చివరి దశకు చేరుకుంది. త్వరలోనే షూటింగ్ పూర్తి చేసి.. ఒకవైపు ప్రమోషన్ కార్యక్రమాలు, మరోవైపు నిర్మాణానంతర కార్యక్రమాలు భారీగా మొదలు పెట్టనున్నారు. డిసెంబర్‌లో ఈ సినిమా ప్రపంచ వ్యాప్తంగా విడుదల కానుంది.