Chiranjeevi: మెగాస్టార్ తల్లి అంజనమ్మ ఆరోగ్యంపై వార్తలు - చిరంజీవి రియాక్షన్ ఇదే!

Megastar Chiranjeevi: తన మాతృమూర్తి అంజనమ్మ ఆరోగ్యంపై సోషల్ మీడియాలో వస్తోన్న వార్తలపై మెగాస్టార్ చిరంజీవి సోషల్ మీడియా వేదికగా స్పందించారు. ఆమె పూర్తి ఆరోగ్యంతో ఉన్నారని స్పష్టం చేశారు.

తల్లి ఆరోగ్యంపై మెగాస్టార్ చిరంజీవి స్పందన

Source : Twitter (X)

Chiranjeevi Clarified About Rumors On His Mother Health: మెగాస్టార్ చిరంజీవి (Megastar Chiranjeevi) తల్లి అంజనమ్మ ఆరోగ్య పరిస్థితి బాగాలేదని ఆమె అస్వస్థతకు గురయ్యారంటూ ఉదయం నుంచి సోషల్ మీడియాలో వార్తలు హల్చల్ చేశాయి. అయితే, సాధారణ ఆరోగ్య పరీక్షల్లో భాగంగా మాత్రమే ఆమెను గత వారం ఆస్పత్రికి తీసుకెళ్లినట్లు చిరంజీవి టీమ్ ఇప్పటికే స్పష్టత ఇచ్చింది. తాజాగా, దీనిపై మెగాస్టార్ చిరంజీవి సైతం స్పందించారు. తన మాతృమూర్తి అంజనమ్మ (Anjanamma) సంపూర్ణ ఆరోగ్యంతో ఉన్నారని స్పష్టం చేశారు. ఆమె అస్వస్థతకు గురయ్యారంటూ వస్తోన్న వార్తల్లో నిజం లేదని ట్విట్టర్ 'X' వేదికగా తెలిపారు. 'మా అమ్మ ఆరోగ్యం సరిగా లేదని, ఆస్పత్రిలో చికిత్స పొందుతున్నారని సోషల్ మీడియాలో హల్చల్ చేస్తోన్న కొన్ని వార్తలు నా దృష్టికి వచ్చాయి ఈ విషయంపై స్పష్టత ఇవ్వాలనుకుంటున్నా. ఆమెకు 2 రోజులుగా ఒంట్లో కాస్త నలతగా మాత్రమే ఉంది. ప్రస్తుతం ఆమె బాగానే ఉన్నారు. ఆమె ఆరోగ్యానికి సంబంధించి, దయచేసి ఊహాజనిత వార్తలను ప్రచురించవద్దని మీడియాకు విజ్ఞప్తి చేస్తున్నాను. మీరంతా అర్థం చేసుకుంటారని భావిస్తున్నా.' అంటూ ట్విట్టర్‌లో పేర్కొన్నారు.

My attention is drawn to some media reports claiming our mother is unwell and is hospitalised. Want to clarify that she was a little indisposed for a couple of days. She is hale and hearty and is perfectly alright now.

Appeal to all media not to publish any speculative reports…

— Chiranjeevi Konidela (@KChiruTweets) February 21, 2025