Mega 158 Movie : చిరు, బాబీ మూవీలో 'బేబమ్మ'? - అసలు నిజం ఏంటంటే?

Krithi Shetty : చిరు బాబీ సినిమాపై వైరల్ అవుతోన్న లేటెస్ట్ బజ్‌పై క్లారిటీ వచ్చేసింది. ఈ మూవీలో చిరంజీవి కూతురిగా కృతి శెట్టి నటిస్తారనే ప్రచారం సాగుతుండగా అందులో నిజం లేదని సమాచారం.

చిరు సినిమాలో బేబమ్మ... క్లారిటీ

Source : https://www.instagram.com/p/DBrVPiGTKyo/

Chiranjeevi Bobby Mega 158 Movie Update : మెగాస్టార్ చిరంజీవి ప్రస్తుతం 'మన శంకరవరప్రసాద్ గారు' సక్సెస్ ఎంజాయ్ చేస్తున్నారు. ఆయన నెక్స్ట్ మూవీ 'వాల్తేరు వీరయ్య' ఫేం బాబీతో చేయబోతున్న సంగతి తెలిసిందే. బెంగాల్ బ్యాక్ డ్రాప్‌గా తండ్రీ కూతుళ్ల సెంటిమెంట్‌తో మాస్ యాక్షన్ ఎంటర్టైనర్‌గా మూవీ రాబోతున్నట్లు తెలుస్తోంది. 

కూతురి పాత్రలో బేబమ్మ... క్లారిటీ

మెగాస్టార్ కూతురి పాత్రలో యంగ్ హీరోయిన్ కృతి శెట్టి నటిస్తారనే ప్రచారం సాగుతోంది. ఈ రూమర్స్‌పై ఫైనల్‌గా ఓ క్లారిటీ వచ్చేసింది. ఆ వార్తల్లో ఎలాంటి నిజం లేదని తెలుస్తోంది. ఇప్పటివరకూ ఆమెను ఈ రోల్ కోసం ఎవరూ సంప్రదించలేదనే టాక్ వినిపిస్తోంది. 'ఉప్పెన'తో మంచి హిట్ అందుకున్నా... ఆ తర్వాత మూవీస్‌లో ఈమె ఖాతాలో సరైన హిట్ పడలేదు. మెగాస్టార్ మూవీతో మంచి ఛాన్స్ కొట్టేశారని అనుకున్నా అందులో నిజం లేదని తెలుస్తోంది. మరి ఆ రోల్‌లో ఎవరిని తీసుకుంటారనే దానిపై ఇప్పుడు సస్పెన్స్ నెలకొంది.

ఇప్పటికే ఈ మూవీ నుంచి టైటిల్ పోస్టర్ రిలీజ్ చేయగా ఆకట్టుకుంటోంది. తండ్రీ కూతుళ్ల సెంటిమెంట్, పవర్ ఫుల్ యాక్షన్ బ్యాక్ డ్రాప్, బెంగాల్ నేపథ్యంతో మూవీ తెరకెక్కించనున్నట్లు అర్థమవుతోంది. 'వంశంలోనే ఉంది లేదా రక్తంలో ఉంది' అంటూ గొడ్డలిపై రాసి ఉండడం హైప్ క్రియేట్ చేస్తోంది. ఈ మూవీకి మ్యూజిక్ లెజెండ్ తమన్ మ్యూజిక్ అందించనున్నారు. ఫిబ్రవరిలో మూవీ లాంచ్ కానుందని... మార్చి నుంచి షూటింగ్ స్టార్ట్ చేయబోతున్నట్లు తెలుస్తోంది.

మలయాళ స్టార్ మోహన్ లాల్ మూవీలో కీలక పాత్ర చేయబోతున్నట్లు తెలుస్తోంది. చిరుకు జోడీగా పలువురు హీరోయిన్ల పేర్లు అనుకుంటున్నప్పటికీ ప్రియమణిని ఫైనల్ చేశారని అంటున్నారు. మరి ఇందులో ఎంత నిజం ఉందో తెలియాల్సి ఉంది. మరికొద్ది రోజుల్లో వీటన్నింటిపైనా క్లారిటీ వచ్చే ఛాన్స్ ఉంది. 'వాల్తేరు వీరయ్య'లానే ఈ మూవీ కూడా బిగ్గెస్ట్ హిట్ కన్ఫర్మ్ అంటూ మెగా ఫ్యాన్స్ కామెంట్స్ చేస్తున్నారు.

మరిన్ని చదవండి

విడాకుల నుంచి వెనక్కి తగ్గిన శివబాలాజీ... ఎందుకు కలిసి ఉన్నామంటే?