Keerthy Suresh : 'మహానటి' తర్వాత గ్యాప్ - అసలు రీజన్ ఏంటో చెప్పిన కీర్తి సురేష్

Keerthy Suresh Movies : 'మహానటి' తర్వాత తనకు చాలా రోజులు ఛాన్సెస్ రాలేదని హీరోయిన్ కీర్తి సురేష్ తెలిపారు. ఆ సినిమాలో సావిత్రి పాత్రపై ట్రోలింగ్స్‌పై మరోసారి స్పందించారు.

మహానటి ట్రోలింగ్స్‌పై కీర్తి రియాక్షన్

Source : https://www.instagram.com/p/DE9x8u2puZ-/

Keerthy Suresh About Her Career : 'మహానటి' మూవీతో స్టార్ హీరోయిన్ క్రేజ్ సంపాదించుకున్నారు హీరోయిన్ కీర్తి సురేష్. ఈ సినిమాలో సావిత్రిగా కీర్తి నటనకు నేషనల్ అవార్డును సొంతం చేసుకున్నారు. అయితే, మహానటిలో తాను నటించినందుకు చాలా ట్రోలింగ్స్ ఎదుర్కొన్నట్లు గతంలోనే చెప్పిన ఆమె... తాజాగా ఈ అంశంపై మరోసారి స్పందించారు.

6 నెలల గ్యాప్

'మహానటి' తర్వాత తనకు సినిమా ఛాన్సులు రాలేదని చెప్పారు కీర్తి సురేష్. 'మహానటి తర్వాత నాకు 6 నెలల  సినిమా ఛాన్సులు రాలేదు. ఇది ఎవరూ నమ్మరు. దీంతో ఇంట్లోనే ఖాళీగా ఉండిపోయాను. కనీసం ఇండస్ట్రీ నుంచి ఎవరూ కథ చెప్పడానికి కూడా రాలేదు. అయితే, మహానటి సినిమా చేసి నేను తప్పు చేశానని అనుకోలేదు.

ఆ సినిమాలో సావిత్రి పాత్రలో తాను నటించినందుకు నేను ఎప్పటికీ గర్వపడుతూనే ఉంటాను. కొత్త అవకాశాలు రాలేదని ఎలాంటి నిరాశ చెందలేదు. మహానటి తర్వాత నా కోసం ఓ ప్రత్యేకమైన పాత్రలను క్రియేట్ చేసే పనిలో దర్శక నిర్మాతలు పడ్డారేమో అనిపించింది. ప్రజలు నన్ను అలాంటి పాత్రల్లో చూసేందుకు టైం ఉందని సానుకూలంగా తీసుకున్నా. ఆ గ్యాప్‌ను నేను మేకోవర్ కోసం ఉపయోగించుకున్నాను.' అని చెప్పారు. 

'మహానటి' సావిత్రి బయోపిక్‌లో కీర్తి సురేష్ తన నటనతో అందరి మనసులు దోచుకున్నారు. నాగ్ అశ్విన్ దర్శకత్వం వహించిన ఈ సినిమా 2018లో రిలీజై బాక్సాఫీస్ వద్ద మంచి హిట్ అందుకుంది. 66వ భారత జాతీయ చలన చిత్ర పురస్కారాల్లో జాతీయ ఉత్తమ నటి, ఉత్తమ తెలుగు సినిమా, ఉత్తమ కాస్ట్యూమ్ డిజైనర్ వంటి విభాగాల్లో అవార్డులు సొంతం చేసుకుంది.

ప్రస్తుతం కీర్తి సురేష్ తమిళ, తెలుగు మూవీస్‌తో బిజీగా మారారు. ఆమె లాస్ట్ మూవీ 'ఉప్పు కప్పురంబు' డైరెక్ట్‌గా ఓటీటీలోనే రిలీజ్ అయ్యింది. తాజాగా లేడీ ఓరియెంటెడ్ యాక్షన్ మూవీ 'రివాల్వర్ రీటా'తో ప్రేక్షకుల ముందుకు రాబోతున్నారు. ఈ మూవీకి జేకే చంద్రు దర్శకత్వం వహించగా... కీర్తి లేడీ డాన్‌గా కనిపించనున్నారు. రాధికా శరత్ కుమార్, రెడిన్ కింగ్స్ లీ కీలక పాత్రలు పోషించారు. ఈ నెల 28న తమిళం, తెలుగు భాషల్లో రిలీజ్ కానుంది.

దీంతో పాటే విజయ్ దేవరకొండతో 'రౌడీ జనార్ధన' మూవీలో హీరోయిన్‌గా చేస్తున్నారు. ప్రస్తుతం ఈ మూవీ షూటింగ్ జరుగుతోంది. అలాగే, నెట్ ఫ్లిక్స్ ఒరిజినల్ ఎక్స్‌క్లూజివ్ మూవీ 'అక్క' కూడా త్వరలోనే ప్రేక్షకుల ముందుకు రానుంది. మలయాళంలో 'తొట్టం' మూవీ చేస్తున్నారు. కోలీవుడ్ స్టార్ డైైరెక్టర్ మిస్కిన్ థ్రిల్లర్ సినిమాలోనూ నటించనున్నట్లు తెలుస్తోంది.