NTR - Balakrishna : బాలకృష్ణకు ముందే చెప్పిన కళ్యాణ్ రామ్, జూనియర్ ఎన్టీఆర్

బాబాయ్ బాలకృష్ణకు అబ్బాయిలు కళ్యాణ్ రామ్, జూనియర్ ఎన్టీఆర్ ముందుగా ఓ సమాచారం ఇచ్చారని... వాళ్ళ మధ్య ఎటువంటి గ్యాప్ లేదని విశ్వసనీయ వర్గాల ద్వారా తెలిసింది. 

కళ్యాణ్ రామ్, బాలకృష్ణ, ఎన్టీఆర్

యుగపురుషుడు నందమూరి తారక రామారావు (Nandamuri Taraka Rama Rao) శత జయంతి సందర్భంగా హైదరాబాద్ నగరంలో నిర్వహించిన వేడుకలకు ఆయన మనవళ్లు, హరికృష్ణ కుమారులైన నందమూరి కళ్యాణ్ రామ్ (Nandamuri Kalyan Ram), మ్యాన్ ఆఫ్ మాసెస్ యంగ్ టైగర్ ఎన్టీఆర్ (Jr NTR) హాజరు కాలేదు. ఇటు నందమూరి అభిమానులు, అటు సోషల్ మీడియాలో పెద్ద ఎత్తున చర్చకు కారణమైంది.

అసలు ఎన్టీఆర్ ఎందుకు రాలేదు?
సీనియర్ ఎన్టీఆర్ శత జయంతి ఉత్సవాలు హైదరాబాద్ నగరంలో జరిగిన రోజే జూనియర్ ఎన్టీఆర్ పుట్టినరోజు. సుమారు 20 కుటుంబాలతో కలిసి టూర్ ప్లాన్ చేసుకున్నారు. ఉత్సవాలకు ఆహ్వానించడానికి వచ్చిన తండ్రి సమానులు నందమూరి రామకృష్ణతో ఆ విషయం చెప్పారు. అంతే కాదు... బాబాయ్ బాలకృష్ణకు సైతం ముందుగా సమాచారం ఇచ్చారని విశ్వసనీయ వర్గాల ద్వారా తెలిసింది. 

బాలకృష్ణ పరిస్థితి వివరించిన అబ్బాయిలు!
బాలకృష్ణకు ఫోన్ చేసిన కళ్యాణ్ రామ్, జూనియర్ ఎన్టీఆర్... పుట్టినరోజు ఉండటం వల్ల చేసుకున్న ప్లాన్స్ & ఇతర షెడ్యూల్ వివరాలను వివరించారని సమాచారం. అబ్బాయిలతో బాబాయ్ కూడా సరేనని అన్నారని తెలిసింది. అసలు విషయం , వివరాలు తెలియని కొందరు సోషల్ మీడియా ఎన్టీఆర్ మీద దుష్ప్రచారం మొదలు పెట్టారు. కావాలని ఎన్టీఆర్ రాలేదని కామెంట్ చేసిన వ్యక్తులు కూడా ఉన్నారు. ఎన్టీఆర్ మద్దతుగా ఆయన్ను విమర్శించిన వారిపై ఎదురు దాడి చేసిన వాళ్ళూ ఉన్నారు. ఈ తరుణంలో తెలుగుదేశం నేత టీడీ జనార్థన్ ఓ మీడియాకు ఇచ్చిన ఇంటర్వ్యూలో చేసిన వ్యాఖ్యలు చేసిన జూనియర్ మీద విమర్శలకు కారణం అయ్యాయి. 

ఎన్టీఆర్ శత జయంతి వేడుకలకు జూనియర్ ఎన్టీఆర్ రాకపోవడం మీద చర్చ జరుగుతోందని తాజాగా ఇచ్చిన ఓ ఇంటర్వ్యూలో టీడీ జనార్థన్ (TD Janardhan)ను అడగ్గా... ''చర్చ ఏం లేదు! మేం పిలిచాం. మేం ఆహ్వానించడానికి ప్రయత్నిస్తే వారం రోజుల తర్వాత టైమ్ ఇచ్చారు. సరే అని వెళ్ళాం. అప్పుడు విషయం చెప్పాం. అయ్యో.... ఆల్రెడీ నేను ప్రోగ్రామ్ ఫిక్స్ చేసుకున్నానని చెప్పారు'' అని సమాధానం ఇచ్చారు. 

పుట్టినరోజులు మళ్ళీ వస్తాయి... 
శత జయంతి ఒక్కసారే వస్తుందని చెప్పినా!
హైదరాబాద్ లో శక పురుషుడు ఎన్టీఆర్ శత జయంతి వేడుకలు నిర్వహించిన రోజునే జూనియర్ ఎన్టీఆర్ పుట్టినరోజు. జన్మదినం సందర్భంగా ఆయన ముందుగా ట్రిప్ ప్లాన్ చేసుకున్నారు. శత జయంతి వేడుకలకు ఆహ్వానించడానికి వచ్చిన వ్యక్తులకు ఆ విషయం ఆయన చెప్పారు. 

''బాబూ! బర్త్ డేలు చాలా వస్తాయి. అన్నగారి సెంటినరీ (శత జయంతి) ఒక్కసారే వస్తుందని చెప్పాం. ఆ రోజు ఉదయం అభిమానులకు కలవడానికి ఉంటున్నానని చెప్పారు. ఒకవేళ ఉంటే రాత్రి వరకు ఉండి... తెల్లవారు జామున బర్త్ డే చేసుకోమని రిక్వెస్ట్ చేశాం. అయితే, ఆయనకు షెడ్యూల్ కుదరలేదేమో!? 22 మంది కుటుంబాలతో వెళుతున్నాం. ముందే అనుకున్నాను అని చెప్పారు. ఆయన నిర్ణయం ఆయన తీసుకున్నారు'' అని టీడీ జనార్థన్ వివరించారు. హరికృష్ణ రెండో కుమారుడు నందమూరి కళ్యాణ్ రామ్ (Nandamuri Kalyan Ram)ను కూడా తాము ఆహ్వానించామని, అయితే ఆయన కూడా టూర్ కు వెళ్ళారని టీడీ జనార్థన్ తెలిపారు.