Jana Nayagan Leaked : ఆ కంటెంట్ షేర్ చెయ్యొద్దు - జన నాయగన్ లీక్‌పై నిర్మాణ సంస్థ స్ట్రాంగ్ వార్నింగ్

Jana Nayagan : జన నాయగన్ మూవీ ఆన్ లైన్‌లో లీక్ కావడంపై చిత్ర నిర్మాణ సంస్థ తీవ్రంగా స్పందించింది. ఇల్లీగల్ కంటెంట్ షేర్ చేస్తే కఠిన చర్యలు తప్పవని హెచ్చరించింది.

జన నాయగన్ లీక్... నిర్మాణ సంస్థ స్ట్రాంగ్ వార్నింగ్

Source : https://www.instagram.com/p/DSpQO9EkWV1/?img_index=1

Jana Nayagan Makers Strong Warning For Illegal Circulation : రిలీజ్‌కు ముందే కోలీవుడ్ స్టార్ విజయ్ నటించిన లాస్ట్ మూవీ జన నాయగన్ ఫుల్ మూవీ ఆన్‌లైన్‌లో లీక్ అయిన సంగతి తెలిసిందే. ముందు కొన్ని నిమిషాల సీన్స్, సాంగ్ మాత్రమే లీక్ కాగా... ఆ తర్వాత ఫుల్ మూవీ డౌన్ లోడ్ లింక్ అందుబాటులోకి రావడంతో ఫ్యాన్స్ షాక్ అయ్యారు. దీనిపై చిత్ర నిర్మాణ సంస్థ తీవ్రంగా స్పందిస్తూ స్ట్రాంగ్ వార్నింగ్ ఇచ్చింది.

షేర్ చెయ్యొద్దు

ఈ మూవీ సీన్స్ షేర్ చేసినా, డౌన్ లోడ్ చేసినా కఠిన చర్యలు తీసుకుంటామని చిత్ర నిర్మాణ సంస్థ స్ట్రాంగ్ వార్నింగ్ ఇచ్చింది. భారీ బడ్జెట్‌తో ఎంతో మంది శ్రమతో ఈ మూవీని రూపొందించామని.. వారి కష్టం వృథా అవుతుంటే చూస్తూ ఊరుకోమని హెచ్చరించింది. 'జన నాయగన్ మూవీలోని కొన్ని సీన్స్ కొందరు వ్యక్తులు ఇల్లీగల్‌గా యాక్సెస్ చేసి, డౌన్ లోడ్ చేసి, కాపీ చేసి సోషల్ మీడియాలో ఫార్వార్డ్ చేస్తున్నట్లు మా దృష్టికి వచ్చింది.

ఈ మూవీకి సంబంధించి లీకైన సీన్స్ డౌన్ లోడ్ చేయడం, సోషల్ మీడియాలో షేర్ చేయడం తీవ్రమైన నేరం. అనుమతి లేకుండాా ఇలా చేస్తే కాపీ రైట్ ఉల్లంఘనగా పరిగణిస్తాం. అలా షేర్ చేసిన ప్రతీ వ్యక్తి క్రిమినల్ చర్యలు తీసుకుంటాం. ఇప్పటికే ఈ చర్యలకు పాల్పడిన కొందరిని గుర్తించాం. వారిపై చర్యలు సాగుతున్నాయి. ఈ కంటెంట్‌ను ప్రజలెవరూ షేర్ చెయ్యొద్దు. ఒకవేళ అలా చేస్తే దాని పర్యవసనాలకు బాధ్యత వహించాల్సి ఉంటుంది. క్రిమినల్ కేసులను ఎదుర్కోవాల్సి ఉంటుంది.' అంటూ నిర్మాణ సంస్థ తరఫు లాయర్ నోటీసులు జారీ చేశారు.

వరుస షాకులు

ఈ సంక్రాంతికి రిలీజ్ కావాల్సిన జన నాయగన్ మూవీ ఇప్పటికీ సెన్సార్ క్లియరెన్స్ రాకపోవడంతో బ్రేక్ పడింది. రివ్యూ చేయాలన్న సెన్సార్ నిర్ణయంపై నిర్మాణ సంస్థ సుప్రీంకోర్టును ఆశ్రయించగా... జోక్యానికి సర్వోన్నత న్యాయస్థానం నిరాకరించింది. మద్రాస్ డివిజన్ బెంచ్‌లోనే తేల్చుకోవాలని సూచించింది. ఈ క్రమంలో కేసులను వెనక్కి తీసుకున్న సంస్థ... సెన్సార్ బోర్డు సూచించిన విధంగానే రివైజింగ్ కమిటీకి పంపాలని నిర్ణయించారు.

గత నెల రివ్యూ కావాల్సి ఉండగా అనుకోని కారణాలతో వాయిదా పడింది. అప్పటి నుంచి ఇప్పటివరకూ సెన్సార్ రివ్యూ అప్డేట్ కానీ రిలీజ్‌పై కానీ ఎలాంటి అప్డేట్ లేదు. దీంతో ఈ మూవీ రిలీజ్‌పై సందిగ్థత నెలకొంది. మేకర్స్ మాత్రం సెన్సార్ పనులు పూర్తైతే జులైలో రిలీజ్ చేసేందుకు ప్లాన్ చేసినట్లు తెలుస్తోంది. ఇంతలోనే ఆన్ లైన్‌లో సినిమా లీక్ కావడంతో టీంకు పెద్ద షాకే అని చెప్పాలి. విజయ్ లాస్ట్ మూవీ కావడంతో మొదటి నుంచీ ఈ సినిమాపై భారీ అంచనాలే నెలకొన్నాయి. రిలీజ్ కోసం ఫ్యాన్స్ ఈగర్‌గా వెయిట్ చేస్తున్న క్రమంలో లీక్ కావడంపై అభిమానులు కూడా ఆందోళన చెందారు. ఈ కంటెంట్‌పై నిర్మాణ సంస్థ స్ట్రాంగ్ వార్నింగ్ ఇచ్చింది.

మరిన్ని చదవండి

డెకాయిట్ రివ్యూ: అడివి శేష్ సక్సెస్ జర్నీ కంటిన్యూ అవుతుందా? సినిమా ఎలా ఉందంటే?