Teja Sajja : యంగ్ హీరోకి విలన్‌గా మంచు మనోజ్ - జపనీస్ టైటిల్‌తో 'హనుమాన్' హీరో నెక్స్ట్ మూవీ

Teja Sajja : యంగ్ హీరో తేజా సజ్జా నెక్స్ట్ మూవీలో మంచు మనోజ్ విలన్ గా నటిస్తున్నట్లు సమాచారం. ఈ సినిమాకి 'మిరాయి' అనే టైటిల్ ని ఫిక్స్ చేసినట్లు తెలుస్తోంది.

తేజా సజ్జా, మంచు మనోజ్Photo Credit: Manoj Manchu/Instagram)

Interesting title for Hanuman hero and Manchu Manoj’s next : టాలీవుడ్ లో 'జాంబి రెడ్డి' మూవీతో ఒక్కసారిగా లైమ్ లైట్ లోకి వచ్చిన యంగ్ హీరో తేజ సజ్జా అతి త్వరలోనే 'హనుమాన్' మూవీతో ప్రేక్షకుల ముందుకు రాబోతున్నాడు. కేవలం మూడో సినిమాతోనే పాన్ ఇండియా మార్కెట్లోకి అడుగుపెడుతున్నాడు. టాలెంటెడ్ ఫిలిం మేకర్ ప్రశాంత్ వర్మ దర్శకత్వం వహిస్తున్న ఈ సినిమాపై ఆడియన్స్ లో భారీ అంచనాలు నెలకొన్నాయి. రీసెంట్ గా రిలీజ్ అయిన ట్రైలర్ సినిమాపై మరింత క్యూరియాసిటీ పెంచేసింది. ఆడియన్స్ కి ఓ సరికొత్త విజువల్ ట్రీట్ ఇచ్చేందుకు మేకర్స్ హనుమాన్ మూవీని సంక్రాంతికి రిలీజ్ చేస్తున్నారు.

సంక్రాంతి బరిలో స్టార్ హీరోల సినిమాలు ఉన్నా కూడా వాళ్లతో పోటీపడి మరీ హనుమాన్ సినిమాని రిలీజ్ చేస్తున్నారు. ఇక హనుమాన్ తర్వాత తేజా సజ్జా తదుపరి ప్రాజెక్టు కూడా లాక్ అయినట్లు తెలుస్తోంది. ఈ యంగ్ హీరో నటిస్తున్న కొత్త సినిమాలో మంచు మనోజ్ విలన్ గా కనిపించబోతున్నట్లు సమాచారం. టాలీవుడ్ ప్రముఖ సినిమాటోగ్రాఫర్ కార్తీక్ ఘట్టమనేని ఈ సినిమాని డైరెక్ట్ చేస్తున్నారు. కాగా ఈ చిత్రానికి 'మిరాయి' అనే టైటిల్ ని ఫిక్స్ చేసినట్లు సమాచారం. 'మిరాయి' అంటే జపనీస్ భాషలో 'ఫ్యూచర్' అని అర్థం వచ్చేలా ఈ చిత్రానికి పేరు పెట్టారు. టైం ట్రావెల్ కాన్సెప్ట్ తో కూడిన సైన్స్ ఫిక్షన్ థ్రిల్లర్ గా ఈ చిత్రాన్ని తెరకెక్కించబోతున్నారట కార్తీక్ ఘట్టమనేని.

సినిమాలో హాలీవుడ్ తరహాలో స్టైలిష్ యాక్షన్ సీక్వెన్స్ లు కూడా ఉంటాయని అంటున్నారు. అంతేకాకుండా ఇందులో మంచు మనోజ్ విలన్ పాత్ర ఎంతో పవర్ఫుల్ గా ఉంటుందట. పీపుల్స్ మీడియా ఫ్యాక్టరీ ఈ సినిమాని నిర్మిస్తున్నారు. ధమాకా వన్ ఇయర్ వేడుకల్లో సీనియర్ దర్శకుడు వి.ఎన్ ఆదిత్య కార్తీక్ ఘట్టమనేనిని అభినందిస్తూ, ఈగల్, మిరాయి సినిమాలు విజయవంతం కావాలని కోరుకున్నారు. దీంతో ఈ మిరాయి ప్రాజెక్టుకు సంబంధించిన డీటెయిల్స్ బయటికి వచ్చాయి. త్వరలోనే ఈ ప్రాజెక్టుని అఫీషియల్ గా అనౌన్స్ చేసే అవకాశమున్నట్లు తెలుస్తోంది.

కాగా టాలీవుడ్ లో సినిమాటోగ్రాఫర్ గా మంచి గుర్తింపు తెచ్చుకున్న కార్తీక్ ఘట్టమనేని 'ఈగల్' సినిమాతో దర్శకుడిగా పరిచయం అవుతున్నాడు. మాస్ మహారాజా రవితేజ హీరోగా నటిస్తున్న ఈ సినిమా సంక్రాంతి కానుకగా జనవరి 13న ప్రేక్షకుల ముందు రాబోతోంది. ఇప్పటికే రిలీజ్ అయిన టీజర్, సాంగ్స్, ట్రైలర్ ఆడియన్స్ నుంచి భారీ రెస్పాన్స్ ని అందుకున్నాయి. కావ్య థాపర్, అనుపమ పరమేశ్వరన్ హీరోయిన్స్ గా నటిస్తున్న ఈ చిత్రాన్ని పీపుల్స్ మీడియా ఫ్యాక్టరీ నిర్మిస్తున్నారు. రవితేజ డిఫరెంట్ షేడ్స్ లో కనిపించనున్న ఈ సినిమాలో నవదీప్, అవసరాల శ్రీనివాస్ కీలకపాత్రలు పోషిస్తున్నారు. తెలుగు తో పాటు హిందీలో ఒకే రోజున ఈ సినిమాని విడుదల చేయబోతున్నారు. హిందీలో 'సహదేవ్' అనే టైటిల్ తో ఈ సినిమా రిలీజ్ కానుంది.