బాలీవుడ్ హీరోల వల్ల కాదు, ఎన్టీఆర్కే సాధ్యం: ‘గదర్ 2’ డైరెక్టర్ కామెంట్స్
తాజాగా ‘గదర్ 2’ డైరెక్టర్ అనిల్ శర్మ ఒక ఇంటర్వ్యూలో పాల్గొంటూ తెలుగు హీరో అయిన ఎన్టీఆర్పై ఆసక్తికర వ్యాఖ్యలు చేశారు.
ఒక్కొక్కసారి బాక్సాఫీస్ వద్ద నాలుగు పెద్ద చిత్రాలు ఒకేసారి విడుదల అయినా కూడా అన్ని సినిమాలు ప్రేక్షకులను సమానంగా ఆకట్టుకుంటాయి, బాక్సాఫీస్ వద్ద సూపర్ హిట్ అవుతాయి. అలా ఒకేసారి పలు చిత్రాలు విడులదయినప్పుడు థియేటర్ల విషయంలో, కలెక్షన్స్ విషయంలో కొన్ని ఇబ్బందులు ఎదురవుతుంటాయి. కానీ కొన్నిసార్లు మాత్రం అన్నింటికి ఒకే రేంజ్లో కలెక్షన్స్ వస్తాయి. తాజాగా ‘గదర్ 2’ విషయంలో కూడా అదే జరిగింది. ‘గదర్ 2’కు పోటీగా మరో మూడు పెద్ద సినిమాలు ఉన్నా కూడా వాటన్నింటికి సమానంగా ఈ మూవీ కలెక్షన్స్ అందరినీ ఆశ్చర్యపరిచాయి. తాజాగా ‘గదర్ 2’ డైరెక్టర్ అనిల్ శర్మ ఒక ఇంటర్వ్యూలో పాల్గొంటూ తెలుగు హీరో అయిన ఎన్టీఆర్పై ఆసక్తికర వ్యాఖ్యలు చేశారు.
‘గదర్’ డైరెక్టర్ కామెంట్స్
22 ఏళ్ల క్రితం విడుదలయిన ‘గదర్’.. బాలీవుడ్ బాక్సాఫీస్ వద్ద ఎలాంటి సెన్సేషన్ క్రియేట్ చేసిందో.. ఇప్పుడు దాని సీక్వెల్గా తెరకెక్కిన ‘గదర్ 2’ కూడా అలాంటి సెన్సేషన్నే సృష్టిస్తూ ముందుకెళ్తోంది. 20 రోజులు అవుతున్నా కూడా ఇంకా ఈ మూవీ చూడడం కోసం ప్రేక్షకులు థియేటర్లకు వెళ్తూనే ఉన్నారు. ఇప్పటికే కేవలం ఇండియన్ బాక్సాఫీస్లోనే ఈ చిత్రం రూ.480 కోట్ల వసూళ్లను సాధించింది. దీన్ని బట్టి చూస్తే సన్నీ డియోల్, అమీషా పటేల్ కలిసి నటించిన ‘గదర్ 2’ ఎంత ప్రేక్షకాధరణ పొందుతుందో అర్థమవుతోంది. ఇంత బ్లాక్ బస్టర్ ఇచ్చిన దర్శకుడు అనిల్ శర్మ తాజాగా ఒక ఇంటర్వ్యూలో పాల్గొంటూ ఎన్టీఆర్ పేరు ప్రస్తావించడం అందరిలో ఆసక్తిని రేకెత్తిస్తోంది.
ఎన్టీఆర్కే సాధ్యం
‘గదర్’లో సన్నీ డియోల్.. తారా సింగ్ పాత్రను పోషించాడు. అయితే ఈతరం హీరోల్లో ఎవరు తారా సింగ్ పాత్రను పోషిస్తే బాగుంటుంది అంటూ అనిల్ శర్మకు ప్రశ్న ఎదురయ్యింది. అయితే అనిల్ శర్మ.. బాలీవుడ్ హీరోలలో ఎవరి పేరు చెప్పకుండా తెలుగు హీరో అయిన ఎన్టీఆర్ పేరు చెప్పారు. బాలీవుడ్లో సన్నీ డియోల్ను ఏ యంగ్ హీరో మ్యాచ్ చేయలేడు అని స్టేట్మెంట్ కూడా ఇచ్చాడు. అనిల్ శర్మ లాంటి డైరెక్టర్ నుండి ఇలాంటి ప్రశంసను అందుకోవడం గ్రేట్ అంటూ ఇండస్ట్రీ నిపుణులు ఎన్టీఆర్ను ప్రశంసిస్తున్నారు. ‘ఆర్ఆర్ఆర్’ తర్వాత ఎంతోమంది బాలీవుడ్ దర్శకులు ఎన్టీఆర్ గురించి, ఎన్టీఆర్ పర్ఫార్మెన్స్ గురించి ఓపెన్గా ప్రశంసలు కురిపించారు. ఇప్పుడు ఆ లిస్ట్లోకి అనిల్ శర్మ కూడా చేరారు.
‘దేవర’తో బిజీ
ప్రస్తుతం ఎన్టీఆర్.. కొరటాల శివ దర్శకత్వంలో ‘దేవర’ అనే చిత్రంలో నటిస్తున్నాడు. 2024లో ఏప్రిల్ 5న ఈ సినిమా విడుదలకు సిద్ధమవుతోంది. ‘ఆర్ఆర్ఆర్’ తర్వాత విడుదల అవుతున్న సినిమా కావడంతో ‘దేవర’పై ఎన్నో అంచనాలు ఉన్నాయి. ఇప్పటికే ఈ సినిమా నుండి విడుదలయిన ఫస్ట్ లుక్, క్యాస్టింగ్ వివరాలు అన్ని ప్రేక్షకుల అంచనాలకు తగినట్టుగానే ఉన్నాయి. ప్రస్తుతం ‘దేవర’ షూటింగ్ సైలెంట్గా కొనసాగుతోంది. ఈ మూవీ నుండి తరువాతి అప్డేట్ ఎప్పుడు వస్తుందా అని ఎన్టీఆర్ ఫ్యాన్స్ ఆసక్తిగా ఎదురుచూస్తున్నారు. ఎన్టీఆర్, కొరటాల శివ కాంబినేషన్లో ఇప్పటికే ‘జనతా గ్యారేజ్’ లాంటి హిట్ ఉండడంతో ‘దేవర’.. అంతకు మించిన హిట్ అవుతుందని ఫ్యాన్స్ ఆశిస్తున్నారు.
Also Read: ‘బిగ్ బాస్’ సీజన్ - 7లోకి షకీలాతోపాటు మరో ఐటెమ్ బాంబు
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
