Fahadh Faasil: క్రేజీ అప్‌డేట్‌, ఫహాద్‌ ఫాజిల్ షెడ్యూల్‌తో 'పుష్ప 2' షూటింగ్ పూర్తి - ఇందుకోసం ఎన్ని రోజుల కాల్‌షీట్‌ ఇచ్చారంటే!
Fahadh Faasil Schedule for Pushpa 2: 'పుష్ప 2' నుంచి అదిరిపోయే అప్‌డేట్‌ వచ్చింది. త్వరలోనే మూవీ షూటింగ్ పూర్తవుతుందట. ఫహాద్‌ ఫాజిల్ షెడ్యూల్‌తో షూటింగ్ పూర్తవుతుందని సమాచారం.
Fahadh Faasil gave bulk dates to wrap up Pushpa 2: దేశవ్యాప్తంగా మూవీ లవర్స్‌ అంతా ఆసక్తిగా ఎదురుచూస్తున్న సినిమా 'పుష్ప: ది రూల్‌'. క్రియేటివ్‌ డైరెక్టర్‌ సుకుమార్‌, ఐకాన్‌ స్టార్‌ అల్లు అర్జున్ కాంబినేషన్‌ వస్తున్న ఈ చిత్రంపై భారీ అంచనాలు నెలకొన్నాయి. రెండేళ్ల క్రితం వచ్చిన పుష్ప పార్ట్‌ వన్ ఎంతటి విజయం సాధించిందో ప్రత్యేకంగా చెప్పనవసరం లేదు. ఎర్ర చందనం స్మగ్లింగ్‌ నేపథ్యంలో వచ్చిన ఈ సినిమా వరల్డ్‌ బాక్సాఫీసు వద్ద కలెక్షన్ల సునామి స్రష్టిచింది. ఇందులో బన్నీ యాక్టింగ్‌కి ఆడియన్స్‌ ఫిదా అయిపోయారు.
ఇక ఈ సినిమాలో పోలీసు పాత్రలో మలయాళ స్టార్‌ ఫహాద్‌ ఫాజిల్ కనిపించిన కాసేపైన అందరి దృష్టిని తనవైపుకు తిప్పుకున్నారు. భన్వర్‌ సింగ్‌ షెకావత్‌గా పోలీసు పాత్రలో నెగిటివ్ షేడ్స్‌లో కనిపించి పుష్పకు చుక్కలు చూపించారు. ఫస్ట్‌ పార్ట్‌లో అది శాంపుల్‌ మాత్రమే. సెకండ్‌ పార్ట్‌ మొత్తం వీరిద్దరి మధ్య జరిగే పోరాటం చూపించనున్నారు. మొత్తం ఎర్ర చందనం స్మంగ్లింగ్‌ సిండికేట్‌ ఓనరైన పుష్పను కట్టడి చేసేందుక భన్వర్‌ సింగ్‌ ఎత్తుగడలు.. పోలీసులకు పుష్పరాజ్‌ ఎలా చెక్‌పెట్టాడనే కోణంలో మూవీ సాగనుంది. దీంతో పుష్ప 2పై ఓ రేంజ్‌లో ఎక్స్‌పెక్టేషన్స్‌ నెలకొన్నాయి. అందుకు తగ్గట్టే సుకుమార్‌ కూడా యాక్షన్‌ సన్నివేశాలను ఓ రేంజ్‌లో డిజైన్‌ చేశాడు.
ప్రస్తుతం షూటింగ్ జరుపుకుంటున్న ఈ సినిమాకు అతి త్వరలోనే గుమ్మడికాయ కొట్టనున్నారట. ఇక చివరిగా ఈ ఫహాద్‌ ఫాజిల్ చిత్రీకరణతో మూవీ షూటింగ్ పూర్తి కానుందని టాక్. ఇందుకు ఫహాద్‌ ఫాజిల్ రెండు వారాల షెడ్యూల్‌ కేటాయించినట్టు తెలుస్తోంది. అల్లు అర్జున్‌కి సంబంధించిన షూటింగ్ పార్ట్‌ పూర్తయ్యింది. ఇక ఈ రెండు వారాల షెడ్యూల్లో భన్వర్‌ సింగ్‌-పుష్ప రాజ్‌ మధ్య జరిగే పోరాట సన్నివేశాలను చిత్రీకరించనున్నారని టాక్. ప్రస్తుతం ఈ వార్త సోషల్‌ మీడియాలో హాట్‌టాపిక్ గా నిలిచింది. తొలి పార్ట్‌ వచ్చి రెండేళ్లు గడిచింది. ఇక సెకండ్‌ పార్ట్‌ కోసం ఫ్యాన్స్‌ అంతా ఈగర్‌గా వెయిట్‌ చేస్తున్నారు. ఆగస్ట్ 15న మూవీని విడుదల చేస్తున్నట్టు ఇప్పటికే పుష్ప 2 టీం ప్రకటించింది. అయితే షూటింగ్ విషయంలో మాత్రం క్లారిటీ రావడం.
'పుష్ప 2' షూటింగ్ ఎలా జరుగుతుంది, ఏ దశలో ఉందనేది స్పష్టత లేదు. తాజాగా ఈ అప్‌డేట్‌తో ఫ్యాన్స్‌ మాత్రం ఫుల్‌ ఖుష్‌ అవుతున్నారు. ఇక రెండు వారాల్లో 'పుష్ప 2' షూటింగ్ పూర్తవుతందంటే ఆ వెంటనే ఇక మూవీ టీం పోస్ట్ ప్రొడక్షన్ వర్క్‌ స్టార్ట్‌ చేసేస్తుంది. కాబట్టి ఇక రాబోయే రోజుల్లో మొత్తం 'పుష్ప 2' జాతరే ఉండబోతోందన్నమాట. వరుస అప్‌డేట్స్‌, ట్రైలర్‌తో మూవీ టీం ఏ రేంజ్‌లో హంగామా చేస్తుందో చూడాలి. ఇక ఇంటర్య్వూలు, ప్రీ రిలీజ్‌ వేడుకులు అంటూ మొత్తం పుష్ప 2 హడావుడే కొనసాగుతుంది. జూన్‌లో కల్కి మూవీ హంగామా తర్వాత పుష్ప 2 జాతర మొదలుకానుంది. ఆ తర్వాత దేవర హడావుడి.. ఇలా ఈ ఏడాది చివరి వరకు మూవీ లవర్స్‌కి ఇక పాన్‌ ఇండియా సినిమాల జాతరే ఉండబోతుంది.
Also Read: 'కల్కి' డబ్బింగ్‌ వర్క్‌ పూర్తి చేసుకున్న దీపికా - ఆ మూడు భాషల్లో స్వయంగా వాయిస్‌..
టాప్ హెడ్ లైన్స్
ట్రెండింగ్ వార్తలు
