Double Ismart Update : థాయ్లాండ్లో 'డబుల్ ఇస్మార్ట్' - దత్, పూరి, ఛార్మితో రామ్
ఉస్తాద్ రామ్ పోతినేని, పూరి జగన్నాథ్ కలయికలో రూపొందుతున్న సినిమా 'డబుల్ ఇస్మార్ట్'. ప్రస్తుతం థాయ్లాండ్లో షూటింగ్ జరుగుతోంది.
యంగ్ అండ్ ఎనర్జిటిక్ స్టార్, ఉస్తాద్ రామ్ పోతినేని (Ram Pothineni) హీరోగా డేరింగ్ అండ్ డాషింగ్ డైరెక్టర్ పూరి జగన్నాథ్ (Puri Jagannath) దర్శకత్వం వహించిన మాస్ యాక్షన్ ఎంటర్టైనర్ 'ఇస్మార్ట్ శంకర్'. బాక్సాఫీస్ బరిలో భారీ వసూళ్లను సాధించింది. సూపర్ డూపర్ సక్సెస్ అందుకుంది. దానికి సీక్వెల్ (Ismart Shankar Sequel)గా రూపొందుతున్న సినిమా 'డబుల్ ఇస్మార్ట్'.
థాయ్లాండ్లో 'డబుల్ ఇస్మార్ట్'
రామ్ కథానాయకుడిగా పూరి జగన్నాథ్ దర్శకత్వం వహిస్తున్న తాజా సినిమా 'డబుల్ ఇస్మార్ట్' (Double Ismart Movie). జూలై 10వ తేదీన ముంబైలో పూజా కార్యక్రమాలతో సినిమా మొదలైంది. ఆ తర్వాత రెండు రోజులకు రెగ్యులర్ షూటింగ్ స్టార్ట్ చేశారు. లేటెస్ట్ అప్డేట్ ఏమిటంటే... ఈ రోజు విదేశాల్లో రెండో షెడ్యూల్ మొదలు పెట్టారు.
'డబుల్ ఇస్మార్ట్' రెండో షెడ్యూల్ థాయిలాండ్ (Thailand)లో ప్రారంభమైంది. హీరో రామ్, సినిమాలో కీలక పాత్రలో నటిస్తున్న సంజయ్ దత్ (Sanjay Dutt)పై కీలక సన్నివేశాలు చిత్రీకరిస్తున్నారు. ఇటీవల సంజయ్ దత్ ఫస్ట్ లుక్ విడుదల చేసిన సంగతి తెలిసిందే. దానికి సూపర్బ్ రెస్పాన్స్ వచ్చింది. నటీనటులను బెస్ట్ మాస్ అవతారంలో ప్రజంట్ చేయడంలో పూరి జగన్నాథ్ స్పెషలిస్ట్. 'డబుల్ ఇస్మార్ట్'లో సంజయ్ దత్ను మునుపెన్నడూ చూడని అవతార్లో చూపించనున్నారు. రామ్, సంజయ్ దత్ కాంబినేషన్ సినిమాపై మరిన్ని అంచనాలు పెంచింది.
What a fun evening..#DoubleISMART pic.twitter.com/KXPE43UmdO
— RAm POthineni (@ramsayz) August 13, 2023
'డబుల్ ఇస్మార్ట్'కు హాలీవుడ్ సినిమాటోగ్రాఫర్
హై వోల్టేజ్ యాక్షన్ ఎంటర్టైనర్గా రూపొందుతున్న 'డబుల్ ఇస్మార్ట్' కోసం హాలీవుడ్ సినిమాటోగ్రాఫర్ జియాని జియానెల్లి పని చేస్తున్నారు. పూరి కనెక్ట్స్ పతాకంపై పూరి జగన్నాథ్, ఛార్మీ కౌర్ నిర్మిస్తున్న చిత్రమిది. భారీ తారాగణం, ఉన్నత సాంకేతిక విలువలతో సినిమాను నిర్మిస్తున్నారు.
Also Read : చిరంజీవికి డబ్బే ముఖ్యమైతే 'ఆచార్య'కు తిరిగి ఇస్తారా? 'ఏజెంట్'కు అనిల్ సుంకర ఇచ్చారా?
మహా శివరాత్రికి 'డబుల్ ఇస్మార్ట్'
'డబుల్ ఇస్మార్ట్' సినిమాను మహా శివరాత్రి సందర్భంగా వచ్చే ఏడాది మార్చి 8న తెలుగు, తమిళం, కన్నడ, మలయాళం, హిందీ భాషల్లో విడుదల చేయనున్నారు. అయితే... ఇందులో హీరోయిన్ ఎవరు? అనేది ఇంకా అనౌన్స్ చేయలేదు. 'ఇస్మార్ట్ శంకర్'లో నిధి అగర్వాల్, నభా నటేష్... ఇద్దరికీ అవకాశం ఇచ్చిన పూరి జగన్నాథ్, ఈసారి ముంబై హీరోయిన్ల వైపు చూస్తున్నారట.
Also Read : మా ఊహకు 100 రేట్లు అద్భుతంగా 'కంగువా' వచ్చింది - ఒక్క మాటతో అంచనాలు పెంచేసిన సూర్య
'ఇస్మార్ట్ శంకర్'లో హైదరాబాదీ యువకుడిగా రామ్ పోతినేని సందడి చేశారు. ఇక, సినిమాలో తెలంగాల యాసలో ఆయన చెప్పిన డైలాగులు పాపులర్ అయ్యాయి. రామ్ నటన, పూరి మార్క్ డైలాగులు & దర్శకత్వానికి తోడు మణిశర్మ సంగీతం సైతం విజయంలో కీలక పాత్ర పోషించింది. ఇప్పుడీ 'డబుల్ ఇస్మార్ట్' సినిమాకు ఎవరు సంగీతం అందిస్తారో చూడాలి.
బోయపాటి దర్శకత్వంలో 'స్కంద'
'ఇస్మార్ట్ శంకర్' తర్వాత రామ్ పోతినేని నటించిన రెండు సినిమాలు... 'రెడ్', 'ది వారియర్' ప్రేక్షకుల ముందుకు వచ్చాయి. ఆ తర్వాత మాస్ కమర్షియల్ చిత్రాల దర్శకుడు బోయపాటి శ్రీనుతో 'స్కంద' చేశారు. సెప్టెంబర్ 20న ఆ సినిమా ప్రేక్షకుల ముందుకు వస్తోంది.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
