Divya Dutta: ఆమె వయసు 48 ఏళ్లు... ప్రేమించడానికి సిద్ధమే కానీ పెళ్లి చేసుకోదట

Divya Dutta On Marriage: వైయస్సార్, చంద్రబాబు స్ఫూర్తితో తీసిన 'మయసభ' వెబ్ సిరీస్ గుర్తుందా? ప్రధాని ఐరావతి బసు పాత్ర పోషించిన బాలీవుడ్ నటి దివ్యా దత్తా? పెళ్లి మీద ఆవిడ సంచలన వ్యాఖ్యలు చేశారు. 

దివ్యా దత్తా పెళ్లి ఎందుకు చేసుకోలేదు

Source : instagram

తెలుగు ప్రజలతో పాటు రాజకీయ వర్గాల్లో చర్చకు దారి తీసిన వెబ్ సిరీస్ 'మయసభ'. వైయస్సార్, చంద్రబాబు స్ఫూర్తితో తీసినప్పటికీ... షో క్రియేటర్ & దర్శకులలో ఒకరు అయినటువంటి దేవా కట్టా మాత్రం అంగీకరించలేదు. అందులో ప్రధాని ఐరావతి బసు పాత్రలో బాలీవుడ్ నటి దివ్యా దత్తా కనిపించారు. పెళ్లి మీద ఆవిడ సంచలన వ్యాఖ్యలు చేశారు. బాలీవుడ్‌లో అత్యంత ప్రతిభావంతులైన నటీమణుల్లో దివ్య దత్తా  ఒకరు. మూడు దశాబ్దాలకు పైగా నటిస్తున్నారు. దివ్య దత్తా వ్యక్తిగత జీవితాన్ని గమనిస్తే... ఆమె ఇంకా పెళ్లి చేసుకోలేదు. తాజా ఇంటర్వ్యూలో తాను 48 ఏళ్ల వయసులో కూడా ఒంటరిగా ఉండటానికి గల కారణాలను ఆమె వెల్లడించారు.

దివ్య దత్తా ఎందుకు పెళ్లి చేసుకోలేదు?
తాను పెళ్లి ఎందుకు చేసుకోలేదో దివ్యా దత్తా చెప్పారు. ఈ 48 ఏళ్ల నటి మాట్లాడుతూ "చాలా తప్పులు చేయడం ద్వారా పెళ్లి చేసుకోకూడదని నేను నేర్చుకున్నాను" అని అన్నారు. తొలుత ప్రేమను వెతుకున్నానని, కానీ ఎక్కువ రోజులు కలిసి ఉండటం ఎంత కష్టం అనేది తనకు తెలిసిందని ఆమె చెప్పారు. ఇంకా ఆమె మాట్లాడుతూ "నేను చాలాసార్లు వెతికాను. కానీ మీరు పెళ్లి లేదా రిలేషన్‌షిప్ గురించి మాట్లాడితే... ఇది సరైన వ్యక్తితో కలిసి జీవించడానికి చాలా పరస్పర సంరక్షణ అవసరం" అని అన్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Divya Dutta (@divyadutta25)

పెళ్లికి అర్థం చేసుకునే భాగస్వామి అవసరం
దివ్యా దత్తా తన వృత్తిలో ఉన్న సవాళ్ల గురించి వివరించి... చిత్రసీమలో ఉన్నప్పుడు చాలా సురక్షితమైన, అర్థం చేసుకునే భాగస్వామి అవసరం అని తెలిపారు. ఇంకా ఆమె మాట్లాడుతూ... "మేం నటులం. ఇది ఊహించలేని వృత్తి. పైగా హై ప్రొఫైల్ జాబ్. కాబట్టి నటిగా పెళ్లి చేసుకోవడం అంత సులభమైన విషయం కాదు" అని చెప్పారు. తాను సురక్షితంగా ఉండటానికి, తన జీవితం, అలాగే వృత్తిలో సౌకర్యంగా ఉండటానికి ఎవరినైనా కోరుకుంటున్నానని ఆమె చెప్పారు.

గత సంబంధాలు సరిగ్గా లేవు
డేటింగ్ చేస్తున్నప్పుడు నిజంగా మంచి వ్యక్తులను కలిసినట్లు దివ్యా దత్తా అంగీకరించారు. అయితే కాలం గడిచే కొలదీ వారు తనకు సరైన భాగస్వామి కాదని ఆమె గ్రహించారట. దివ్యా దత్తా మాట్లాడుతూ... "నేను చివరకు ఒంటరిగా ఉండటంలో శాంతిని కనుగొన్నాను. భాగస్వామి నాతో జీవితాంతం నడవాలని, కష్ట సమయాల్లో నా చేయి పట్టుకోవాలని, పరస్పర ఆనందం, సంరక్షణపై నమ్మకం ఉంచాలి'' అన్నారు. కానీ రిలేషన్‌షిప్‌లో అవి కనిపించలేదట.

ప్రేమకు సిద్ధమే... కానీ పెళ్లి చేసుకోలేను
కరోనా మహమ్మారి సమయంలో తాను నిజంగా ఏమి కోరుకుంటున్నానో తెలిసిందని, స్పష్టత వచ్చిందని దివ్యా దత్తా చెప్పారు. "నేను ఇప్పటికీ ప్రేమ కోసం, ప్రేమించడానికి సిద్ధంగా ఉన్నాను. కానీ పెళ్లి చేసుకోవాలని అనుకోవడం లేదు" అని ఆమె స్పష్టం చేశారు.