Dhanush Mrunal Thakur : ధనుష్, మృణాల్ పెళ్లి చేసేశారు? - అతిథులుగా స్టార్ హీరోస్... మరీ ఇలా ఉన్నారేంట్రా!

Dhanush Mrunal Wedding : కోలీవుడ్ స్టార్ ధనుష్, మృణాల్ ఠాకూర్‌ల వివాహాన్ని ఓ నెటిజన్ చేసేశాడు. ఇద్దరి పెళ్లి స్టార్ హీరోల సమక్షంలో జరిగినట్లు AI వీడియో క్రియేట్ చేశాడు.

ధనుష్, మృణాల్ పెళ్లి వీడియో

Source : https://www.instagram.com/p/DT1hRFoiLDt/

Dhanush Mrunal Thakur Wedding AI Video : కోలీవుడ్ స్టార్ ధనుష్, మృణాల్ ఠాకూర్ లవ్, డేటింగ్‌లో ఉన్నారంటూ గత కొంతకాలంగా ప్రచారం జరుగుతున్న సంగతి తెలిసిందే. వీరిద్దరి పెళ్లి డేట్ కూడా ఫిక్స్ అయిపోయిందంటూ కొన్ని ఆంగ్ల మీడియాల్లో కథనాలు వచ్చాయి. ఇప్పటికే ఈ ప్రచారాన్ని మృణాల్ ఖండించారు. ధనుష్ తనకు మంచి ఫ్రెండ్ అంటూ పలు సందర్భాల్లో చెప్పారు. ఆమె టీం ఫుల్ క్లారిటీ ఇచ్చేసినా వీరిద్దరిపై నెట్టింట రూమర్స్ మాత్రం ఆగడం లేదు.

ధనుష్, మృణాల్ పెళ్లి వీడియో?

ప్రస్తుతం AI ట్రెండ్ నడుస్తున్న క్రమంలో యూజర్లు తమకు నచ్చిన విధంగా హీరోలు, హీరోయిన్లతో ఫోటోలు క్రియేట్ చేస్తున్నారు. కొందరు ఫన్ వీడియోలు క్రియేట్ చేస్తుండగా మరికొందరు ఫేక్ వీడియోలు క్రియేట్ చేస్తూ ఇబ్బందుల పాలవుతున్నారు. తాజాగా... ధనుష్, మృణాల్‌ల పెళ్లి చేసేశారు నెటిజన్లు. ఓ నెటిజన్ వీరిద్దరి పెళ్లి అంటూ AI వీడియోను క్రియేట్ చేసి సోషల్ మీడియాలో షేర్ చేయగా వైరల్ అవుతోంది.

అర్చకులు వేద మంత్రాలు చదువుతుండగా... మంగళ వాయిద్యాల నడుమ వైభవంగా ధనుష్, మృణాల్ పెళ్లి జరిగినట్లుగా వీడియో హల్చల్ చేస్తోంది. ఈ వేడుకకు తమిళ ఇండస్ట్రీకి చెందిన స్టార్ హీరోస్ దళపతి విజయ్, అజిత్, త్రిష, శ్రుతి హాసన్, దుల్కర్ సల్మాన్, అనిరుధ్ తదితరులు హాజరైనట్లు కూడా క్రియేట్ చేశారు. ఇది ఫేక్ వీడియోనే అయినా చాలా మంది బాగుంది అంటూ షేర్ చేస్తున్నారు.

Dey 😂😂😂Wedding 🙏🏻🙏🏻🙏🏻🙏🏻#MrunalThakur #Dhanush pic.twitter.com/tCWx7bTVcE

— Swaasthi (@swaasthi) January 24, 2026

అసలెందుకీ రూమర్స్?

తలైవా రజనీ కాంత్ కుమార్తె ఐశ్వర్యతో ధనుష్ మొదటి వివాహం జరిగింది. 18 ఏళ్ల వైవాహిక జీవితం తర్వాత 2022లో వీరిద్దరూ విడిపోతున్నట్లు అనౌన్స్ చేశారు. ఈ దంపతులకు ఇద్దరు కుమారులు ఉన్నారు. ప్రస్తుతం ధనుష్ ఒంటరిగానే ఉంటాడు. ఈ క్రమంలోనే మృణాల్‌తో లవ్, డేటింగ్ పుకార్లు హల్చల్ చేశాయి. బాలీవుడ్‌లో మృణాల్ ఠాకూర్ నటించిన 'సన్నాఫ్ సర్దార్ 2' ప్రీమియర్‌లో ధనుష్ కనిపించడంతో ఆ రూమర్లకు మరింత బలం చేకూరింది.

అంతకు ముందు ధనుష్ 'తేరే ఇష్క్ మే' షూటింగ్ ఫినిష్ అయిన సందర్భంగా ఇచ్చిన పార్టీకి మృణాల్ అటెండ్ కావడం సెంటర్ ఆఫ్ అట్రాక్షన్‌గా నిలిచింది. అలాగే, ధనుష్ సోదరీమణులను మృణాల్ ఇన్ స్టాలో ఫాలో అవుతుండడం అందరి దృష్టినీ ఆకర్షించింది. ఈ క్రమంలోనే డేటింగ్, రిలేషన్, పెళ్లి అంటూ వార్తలు హల్చల్ చేశాయి. ఫిబ్రవరి 14న వీరిద్దరూ పెళ్లి పీటలు ఎక్కబోతున్నారంటూ పలు ఆంగ్ల మీడియాల్లో కథనాలు కూడా వచ్చాయి. అయితే, ఇప్పటివరకూ దీనిపై అటు ధనుష్ టీం కానీ, ఇటు మృణాల్ టీం కానీ అఫీషియల్‌గా రియాక్ట్ కాలేదు. గతంలో మృణాల్ టీం రిలేషన్ షిప్ రూమర్స్‌ను తీవ్రంగా ఖండించింది. వాటిల్లో నిజం లేదని క్లారిటీ ఇచ్చింది. 

మరిన్ని చదవండి

నారా రోహిత్, శిరీషల వివాహం - వెడ్డింగ్ క్యూట్ మూమెంట్స్... స్పెషల్ వీడియో చూశారా?