Bhaje Vaayu Vegam Teaser: ప్రతి ఒక్కరి లైఫ్‌లో ఒకడుంటాడు, అలా నా లైఫ్‌లో మా నాన్న - ఆకట్టుకుంటున్న 'భజే వాయి వేగం' టీజర్‌

Karthikeya: గతేడాది హీరో కార్తికేయ ‘బెదురులంక 2012’ సినిమాతో మంచి విజయం సాధించాడు. చాలా గ్యాప్‌ తర్వాత ఈ చిత్రం కార్తికేయ చెప్పుకోదగ్గ హిట్‌ ఇచ్చింది. ఇప్పుడు 'భజే వాయి వేగం' అంటూ వస్తున్నాడు.

Image Credit: UV Creations/Twitter

Karthikeya Baje Vayu Vegam Teaser Out: గతేడాది హీరో కార్తికేయ ‘బెదురులంక 2012’ సినిమాతో మంచి విజయం సాధించాడు. చాలా గ్యాప్‌ తర్వాత ఈ చిత్రం కార్తికేయ చెప్పుకోదగ్గ హిట్‌ ఇచ్చింది. ఇప్పుడు 'భజే వాయి వేగం' అంటూ వస్తున్నాడు. యూవీ క్రియేషన్స్‌ బ్యానర్లో వస్తున్న ఈ మూవీ టైటిల్‌, గ్లింప్స్‌ రీసెంట్‌గా విడుదల చేసిన సంగతి తెలిసిందే. అంతలో ఈ మూవీ టీజర్‌ను రిలీజ్‌ చేశారు మేకర్స్‌. మెగాస్టార్‌ చిరంజీవి చేతుల మీదుగా తాజాగా 'భజే వాయు వేగం' టీజర్‌ రిలీజ్‌ అయ్యింది. డ్రగ్స్‌ కేసు, హత్య, పోలీసు కేసు, రాజకీయాలు, డబ్బు ఇలా ఆసక్తికర అంశాలతో సస్పెన్స్‌ థ్రిల్లర్‌గా టీజర్‌ సాగింది.

"హత్య, డ్రగ్స్‌ కేసులో ప్రధాన నిందితుడు, ఆ కేసు ఇన్విగెస్ట్‌ చేస్తున్న పోలీసు ఆఫీసర్‌ కేసులో ప్రధాన నిందితుడు.. అంటూ బ్యాక్‌గ్రౌండ్ వాయితో టీజర్‌ మొదలైంది. నిందితుడు దొరికే వరకు డిపార్ట్‌మెంట్‌ మొత్తం ఇదే పనిమీద ఉండాలంటూ రాజకీయ నేత పోలీసులను హెచ్చిరించిన సీన్‌ ఆసక్తిని పెంచుతుంది. అప్పుడు హీరో కార్తీక ఎంట్రీ ఇచ్చాడు. ఇక డబ్బుల సంచితో హీరో పరుగెత్తడం, ఫైట్‌, యాక్షన్‌ సీన్స్ ఆకట్టుకున్నాయి. ప్రతి ఒక్కరి లైఫ్‌లో ఒకడుంటాడు, వాడి కోసం మనం ఏం చేయడానికైన వెనకాడం.. అలా నా లైఫ్‌లో మా నాన్న" అనే కార్తీకేయ బ్యాగ్రౌండ్‌ వాయిస్‌తో టీజర్‌ ఎండ్‌ అవుతుంది.చూస్తుంటే తండ్రి కోసం ఓ కొడుకు చేసే పోరాటమే ఈ 'భజే వాయు వేగం' అనిపిస్తుంది. మొత్తానికి టీజర్‌ మూవీపై అంచానలు పెంచుతుంది.

ఈ సినిమా అంతా రాజకీయాలు, డబ్బు, పోలీసు కేసులో, ఛేజింగ్‌ చూట్టు తిరుగుతుందని అర్థమైపోతుంది. యూవీ క్రియేషన్స్ సమర్పణలో యూవీ కాన్సెప్ట్‌ బ్యానర్‌ తెరకెక్కిస్తున్న ఈ చిత్రంలో కార్తికేయ సరికొత్త పాత్రలో కనిపించబోతున్నాడు.  ఇందులో కార్తికేయ సరసన మలయాళ నటి ఐశ్వర్యమీనన్ హీరోయిన్‌గా నటిస్తుండగా.. హ్యాపీ డేస్ ఫేం రాహుల్‌ టైసన్‌ కీలక పాత్ర పోషిస్తున్నాడు. రాధన్‌ సంగీతం అందిస్తున్న ఈ సినిమాకు కపిల్‌ కుమార్‌ బీజీఎం సమకూరుస్తున్నాడు. 

కాగా కార్తికేయ ఆర్‌ఎక్స్‌100(Rx 100) చిత్రంతో హీరోగా మంచి గుర్తింపు పొందాడు. తొలి చిత్రంతోనే బ్లాక్‌బస్టర్‌ హిట్‌ కొట్టాడు. ఆ తర్వాత బ్యాక్‌ టూ బ్యాక్‌ సినిమాల చేశాడు. కానీ ఆర్‌ఎక్స్‌100 లాంటి హిట్‌ను కంటిన్యూ చేయలేకపోయాడు. హీరోగా నటిస్తూనే మరోవైపు విలన్‌గానూ మెప్పిస్తున్నాడు. నాని 'గ్యాంగ్‌ లీడర్‌'లో తొలిసారి నెగిటివ్‌ షేడ్‌లో కనిపించి తన నటనతో మెప్పించాడు. తెలుగులోనే కాదు తమిళంలోనూ ఆఫర్స్‌ అందుకుంటున్నాడు. రీసెంట్‌గా స్టార్‌ హీరో అజిత్‌ 'వలిమై' చిత్రంలో విలన్‌గా నటించి అక్కడ నటుడిగా మంచి గుర్తింపు పొందాడు. ఈ సినిమాలో కార్తికేయ నటనకు విమర్శకులు ప్రశంసలు కూడా దక్కాయి. మరి హీరోగా ఈ మధ్య ప్లాప్స్‌ చూస్తున్న కార్తికేయ ఈసారైనా ఆర్‌ఎక్స్‌100 లాంటి హిట్‌ కొడతాడా? లేదా? చూడాలి.