Chiranjeevi Bobby : చిరు బాబీ మూవీ టైటిల్ ఫిక్స్? - మెగా ఫ్యాన్స్‌కు కిక్ ఇచ్చేలా...

Mega 158 Movie Title : చిరు బాబీ మెగా 158 మూవీకి పవర్ ఫుల్ టైటిల్ ఫిక్స్ చేసినట్లు తెలుస్తోంది. పవర్ ప్యాక్డ్ యాక్షన్ ఎంటర్టైనర్‌గా రాబోతోన్న మూవీ త్వరలోనే ట్రాక్ ఎక్కనుంది.

మెగా 158 మూవీకి టైటిల్ ఫిక్స్

Source : https://www.instagram.com/p/DMrGv3eSf-S/

Chiranjeevi Bobby Movie Title Locked : 'వాల్తేరు వీరయ్య' వంటి బిగ్ సక్సెస్ తర్వాత మెగాస్టార్ చిరంజీవి, డైరెక్టర్ బాబీ కాంబో రాబోతోన్న హై ఎనర్జీ మాస్ ఎంటర్టైనర్ 'మెగా 158'పై భారీ హైప్ క్రియేట్ అవుతున్న సంగతి తెలిసిందే. ఈ ప్రాజెక్ట్ షూటింగ్ ఇప్పటికే ప్రారంభం కావాల్సి ఉండగా... పలు కారణాలతో వాయిదా పడింది. తాజాగా టైటిల్‌పై లేటెస్ట్ బజ్ వైరల్ అవుతోంది.

డిఫరెంట్‌గా టైటిల్

మెగాస్టార్ ఎనర్జీ, చరిష్మాకు తగ్గట్లుగా డైరెక్టర్ బాబీ ఈ రోల్ డిజైన్ చేసినట్లు తెలుస్తోంది. గతంలో ఎన్నడూ చూడని ఓ పవర్ ఫుల్ ప్యాకెడ్ స్క్రిప్ట్ రెడీ చేసినట్లు సమాచారం. బలమైన స్టోరీకి అనుగుణంగానే బలమైన నటీనటులను ఎంపిక చేస్తున్నారట. అందుకు తగ్గట్లుగానే 'కాకాజీ' అనే టైటిల్ ఫిక్స్ చేస్తారని ఫిలింనగర్ ఇన్ సైడ్ వర్గాల టాక్. ప్రస్తుతం ఇది ట్రెండ్ అవుతుండగా... అఫీషియల్ అనౌన్స్‌మెంట్ రావాల్సి ఉంది. 

షూటింగ్ ఎప్పటి నుంచంటే?

ఈ మూవీని ప్రముఖ చిత్ర నిర్మాణ సంస్థ KVN ప్రొడక్షన్స్ నిర్మిస్తుండగా... రీసెంట్‌గా జన నాయగన్ లీక్‌ సహా ఇతర కారణాలతో ఆ సంస్థ ఇబ్బందుల్లో ఉన్నట్లు తెలుస్తోంది. దీంతో ఈ నెల 20న ప్రారంభం కావాల్సిన షూటింగ్ వాయిదా పడినట్లు తెలుస్తోంది. గతంలోనే నిర్మాతలు మారుతారని ప్రచారం సాగినా... చిరును కన్విన్స్ చేసినట్లు సమాచారం. మరి ప్రస్తుత పరిస్థితుల్లో వారే ప్రొడ్యూస్ చేస్తారా? లేదా? అనేది తెలియాల్సి ఉంది. ఇప్పటికే ప్రీ ప్రొడక్షన్ పనులు పూర్తి కాగా... నటీనటుల ఎంపికపై కూడాా క్లారిటీ వచ్చేసింది. వచ్చే నెలలో షూటింగ్ ప్రారంభం కానున్నట్లు సమాచారం. 

కేవలం ప్రీ లుక్‌తోనే చిరు బాబీ మూవీపై భారీ హైప్ క్రియేట్ అవుతోంది. బెంగాల్ నేపథ్యంలో తండ్రీ కూతుళ్ల సెంటిమెంట్‌తో భారీ యాక్షన్ ఎంటర్టైనర్ రూపొందించనున్నట్లు అర్థమవుతోంది. సినిమాలో మెగాస్టార్ సరసన ప్రియమణి హీరోయిన్‌గా నటించనున్నారు. చిరు కుమార్తె రోల్‌లో కన్నప్ప ఫేం ప్రీతి ముకుందన్ కీలక పాత్ర పోషించనున్నట్లు సమాచారం. మలయాళ స్టార్ మోహన్ లాల్ కీలక పాత్ర పోషించనుండగా... బాలీవుడ్ స్టార్ అనురాగ్ కశ్యప్ విలన్ రోల్ చేస్తున్నట్లు తెలుస్తోంది. ఆస్కార్ విన్నర్ ఏఆర్ రెహమాన్ మ్యూజిక్ అందించనున్నారు. వచ్చే ఏడాది మూవీ రిలీజ్ చేసేందుకు మేకర్స్ ప్లాన్ చేస్తున్నారు.

మరిన్ని చదవండి

తెలుగులోనూ ధనుష్ 'కర'... రిలీజ్ ఎవరు చేస్తున్నారంటే?