Bunny Vasu: అల్లు అర్జున్, సుకుమార్ గొడవపై స్పందించిన బన్నీ వాసు

అల్లు అర్జున్, సుకుమార్ మధ్య గొడవ జరిగినట్లు వార్తలు వస్తున్న నేపథ్యంలో నిర్మాత బన్నీ వాసు క్లారిటీ ఇచ్చారు. మీడియాల్లో వస్తున్న వార్తలన్నీ వాస్తవాలకు దూరంగా ఉన్నాయన్నారు.

అల్లు అర్జున్-సుకుమార్ గొడవపై బన్నీ వాసు క్లారిటీ

Source : Allu Arjun /Instagram

Bunny Vasu Pushpa 2 Rumors: ఐకాన్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబోలో వచ్చిన ‘పుష్ప’ దేశ వ్యాప్తంగా బ్లాక్ బస్టర్ హిట్ అందుకున్నది. బాక్సాఫీస్ దగ్గర కలెక్షన్ల మోత మోగించిన ఈ సినిమా, పలు ప్రతిష్టాత్మక అవార్డులను కూడా దక్కించుకుంది. ఈ సినిమాలో అల్లు అర్జున్ నటనకు ఏకంగా జాతీయ ఉత్తమ నటుడి అవార్డు దక్కింది. ప్రస్తుతం ఈ సినిమాకు సీక్వెల్ గా వస్తున్న ‘పుష్ప 2’ పనులు శరవేగంగా కొనసాగుతున్నాయి. ఈ మూవీ కోసం సినీ అభిమానులు ఎంతగానో ఎదురు చూస్తున్నారు. అయితే, ఈ సినిమా చాలా రోజుల క్రితమే విడుదల అవుతుందని మేకర్స్ ప్రకటించినా పలుమార్లు వాయిదా పడింది. చివరకు డిసెంబర్ 6న విడుదల అవుతుందని వెల్లడించారు.

బన్నీ-సుకుమార్ మధ్య గొడవ

తాజాగా ఈ సినిమాకు సంబంధించి ఓ హాట్ న్యూస్ సోషల్ మీడియాతో పాటు మెయిన్ స్ట్రీమ్ వీడియాలో వైరల్ అయ్యింది. అల్లు అర్జున్, సుకుమార్ మధ్య గొడవ జరిగిందనేది ఆ వార్తల సారాంశం. ఇద్దరు గొడవపడి సుకుమార్ అమెరికాకు వెళ్లిపోతే, అల్లు అర్జున్ దుబాయ్ వెళ్లిపోయారని ప్రచారం జరుగుతోంది. సుకుమార్ షూటింగ్ విషయంలో డిలే చేస్తున్నందుకే బన్నీకి కోపం వచ్చిందని టాక్ వినిపిస్తోంది. అంతేకాదు, బన్నీ తన గడ్డం కూడా ట్రిమ్ చేసుకున్నారని ప్రచారం జరుగుతుంది. ఈ రూమర్స్ ఇండస్ట్రీలో సంచలనం కలిగిస్తున్నాయి.  

అల్లు అర్జున్-సుకుమార్ గొడవపై బన్నీవాసు క్లారిటీ

తాజాగా ఈ బన్నీ, సుకుమార్ గొడవ గురించి వస్తున్న వార్తలపై నిర్మాత బన్నీ వాసు స్పందించారు. ‘ఆయ్’ సినిమా ప్రమోషన్ కార్యక్రమంలో పాల్గొన్న ఆయన ఈ విషయంపై క్లారిటీ ఇచ్చారు. “’ఆయ్’ సినిమా ప్రమోషన్ లో సుకుమార్ విషయం గురించి మాట్లాడితే కరెక్ట్ కాదు. ఆ విషయం చెప్తే.. ఈ సినిమా ప్రమోషన్ మొత్తం ఎగిరిపోతుంది. నిజం చెప్పాలంటే, రెండు రోజుల క్రితం బన్నీ, సుకుమార్ గొడవకు సంబంధించి ఓ ఫ్రెండ్ పంపితే రెండు మూడు ఆర్టికల్స్ చదివాను. లోపల ఏం జరుగుతుంది? అనేది సుకుమార్ గారు, బన్నీ గారు, ప్రొడ్యూసర్స్ తర్వాత అత్యంత సన్నిహితంగా తెలిసింది నాకే. ఆ ఆర్టికల్ చూసి నవ్వుకున్నాం. మాకు పబ్లిసిటీ బాగా వస్తుంది. ఫ్రీగా పబ్లిసిటీ చేస్తున్నారు. అలాగే కానివ్వండి అనుకున్నాం. ‘పుష్ప 2’ సినిమాలో బన్నీగారు మరో 15 రోజులు కేటాయిస్తే సరిపోతుంది. క్లైమాక్స్, ఓ సాంగ్ మాత్రమే పెండింగ్ లో ఉంది. సుకుమార్ గారు చెప్పిందేంటంటే? ముందుగా ఎడిటింగ్ పూర్తి చేసి, ఆ తర్వాత బన్నీ పార్ట్ కంప్లీట్ చేయాలంటున్నారు. ఒకేసారి క్లైమాక్స్, సాంగ్ తో పాటు ప్యాచ్ వర్క్ కూడా తీసేసుకోవాలి అనుకున్నారు. ఎడిటింగ్‌కు నెల రోజుల టైమ్ పడుతుంది. ఆ గ్యాప్ లో మళ్లీ గడ్డం వచ్చేలా షేవ్ చేసుకున్నాడు. ఫ్యామిలీతో కలిసి ఫారిన్ వెకేషన్ కు వెళ్లారు. దాన్ని అందరూ కలిసి బీభత్సం చేశారు. సుకుమార్‌తో నాకు, బన్నీకి స్పెషల్ బాండింగ్ ఉంది. ఇంకో 6 నెలలు షూటింగ్ చేసినా బన్నీ గారు వచ్చేందుకు సిధ్దంగా ఉన్నారు. ‘పుష్ప‘ అనేది వారి కెరీర్‌కు ఎంతో వెయిట్ తీసుకొచ్చింది. రాసుకోవడానికి బాగానే ఉంటుంది. కానీ, వారి ఇద్దరి మధ్య ఎలాంటి గొడవలు లేవు. వారి వారి పనుల్లో బిజీ గా ఉన్నారు. ఆగష్టు తొలివారంలో మరో షెడ్యూల్ మొదలవుతుంది” అని బన్నీవాస్ వివరించారు.