Shobha Shetty: మరో ఎంగేజ్మెంట్ వీడియో షేర్ చేసిన శోభా శెట్టి - ఇరు కుటుంబ సభ్యులను పరిచయం చేసిన 'మోనిత'!
Bigg Boss Shobha Shetty: శోభా శెట్టి మరో ఎంగేజ్మెంట్ వీడియో షేర్ చేసింది. ఈ వీడియోలో ఇరు కుటుంబ సభ్యులను పరిచయం చేసింది.
Bigg Boss Shobha Shetty engagement Video: మోనిత.. బుల్లితెర ప్రేక్షకులకు ఈ పేరు బాగా సుపరిచితం. 'కార్తీక దీపం' సీరియల్లో విలన్‌ పాత్రతో ఆడియన్స్‌తో తనదైన ముద్ర వేసుకుంది ఈ కన్నడ భామ. మోనితగా వచ్చిన క్రేజ్‌తో తెలుగు బిగ్‌బాస్‌ ఆఫర్ కొట్టేసింది. బిగ్‌బాస్‌ సీజన్‌ 7లో కంటెస్టెంట్‌గా అడుగుపెట్టింది. బిగ్‌బాస్‌తో మరింత క్రేజ్‌ సంపాదించుకున్న ఈమే.. మోనిత పేరును మర్చిపోయి శోభాశెట్టిగా గుర్తుండిపోయేలా ఫేమస్‌ అయ్యింది. తనదైన ఆట తీరుతో బిగ్‌బాస్‌ చివరి వరకు కొనసాగింది. ఇక హౌజ్‌లో ఉండగానే ప్రేమ విషయం బయటపెట్టిన శోభాశెట్టి.. ఇప్పుడు పెళ్లికి రెడీ అయ్యింది.
బిగ్‌బాస్‌ హౌజ్‌ నుంచి బయటకు రాగానే కొత్త పెళ్లి కూతురిలా ముస్తాబైన ఫోటోలు షేర్ చేసి షాకిచ్చింది. దాంతో అంతా ఆమె నిశ్చితార్థ చేసుకుందని ఫిక్స్‌ అయ్యారు. దీనిపై కూడా శోభా శెట్టి స్పందించకోపోవడం నిజంగానే ప్రియుడిని ఎంగేజ్మెంట్ చేసుకుందనుకున్నారు. కానీ రీసెంట్‌గా ఎంగేజ్మెంట్ వీడియో షేర్ చేసి అది నిశ్చితార్థం కాదని క్లారిటీ ఇచ్చింది. దీంతో అంతా షాక్‌ అయ్యారు. అది పెళ్లి చూపులు అని, ఇది ఎంగేజ్మెంట్ అంటూ యూట్యూబ్‌లో వీడియో షేర్ చేసింది. అప్పటి నుంచి శోభా శెట్టి తన యూట్యూబ్‌ ఛానల్లో తరచూ నిశ్చితార్థం వీడియోలు షేర్ చేస్తూ నెట్టింట సందడి చేస్తుంది. ఫస్ట్‌ వీడియో మా ఎంగేజ్‌మెంట్‌కి ఇలా రెడీ అయ్యామంటూ స్పెషల్‌ వీడియో రిలీజ్ చేసింది. ఇది చూసి అంతా అవాక్క్‌ అయ్యారు. చాలా గ్రాండ్‌గా జరిగిన ఈమే నిశ్చితార్థం చూసి కళ్లు చెదిరాయి.
అంతా ఈ బుల్లితెర జంటకు శుభకాంక్షలు తెలిపారు. తాజాగా ఈ బిగ్‌బాస్‌ మరో వీడియో షేర్ చేసింది. మా ఎంగేజ్‌మెంట్‌కి వచ్చిన బంధుమిత్రులు అంటూ తమ కుటుంబ సభ్యులు, బంధువులను పరిచయం చేసింది. మా అత్తమ్మ, మా ఇంటి తరపు బంధువులు ప్రతి ఒక్కరు వచ్చారని, అందరితో కలిసి ఫోటో దిగడం ఒక మెమోరబుల్‌గా ఉందంటూ ఆనందం వ్యక్తం చేసింది. అయితే ఈ వీడియోలో తమ ఇరు కుటుంబ సభ్యులను కూడా పరిచయం చేసింది. ఇక ఈ వీడియోలో ఒక్కొక్కరిని పరిచయం చేయడం కుదరడం లేదంటూ విచారం వ్యక్తం చేసింది. అయితే అల్బమ్‌ వచ్చాక తను, యశ్వంత్‌ కలిసి కూర్చుని ఇద్దరం మా బంధుమిత్రులను పరిచయం చేస్తామంటూ చెప్పుకొచ్చింది. ప్రస్తుతం శోభా శెట్టి ఎంగేజ్మెంట్ వీడియో సోషల్‌ మీడియాలో వైరల్‌ అవుతుంది.
బిగ్‌బాస్‌ నుంచి బయటకు రాగానే శోభా శెట్టి వరసు గుడ్‌న్యూస్ పంచుకుంటుంది. తాజాగా ప్రియుడిని నిశ్చితార్థం చేసుకున్న ఆమె ఇటీవల సొంతింటి కలను కూడా నిజం చేసుకుంది. ఇటీవల ప్రియుడితో కలిసి కొత్త ఇంట్లోకి అడుగుపెట్టింది. మోనిత కొత్త ఇంటి గృహప్రవేశానికి మాజి బిగ్‌బాస్‌ కంటెస్టెంట్స్‌ టెస్టీ తేజ, సందీప్‌ మాస్టర్‌, ప్రియాంక జైన్‌, గౌతమ్‌లు హాజరై సందడి చేశారు. కాగా మోనిత కాబోయే భర్త కూడా నటుడనే విషయం తెలిసిందే. 'కార్తీక దీపం' సీరియల్లో డాక్టర్‌ తమ్ముడిగా నటించిన ఆదిత్యే మోనితకు కాబోయేవాడు. అతడి అసలు పేరు యశ్వంత్‌ రెడ్డి. సీరియల్‌ కంటే ముందు షార్ట్‌ ఫిలింస్‌లో కలిసి నటించిన వీరిద్దరు అదే టైంలో ప్రేమలో పడ్డారు. అప్పటి నుంచి డేటింగ్‌లో ఉన్న శోభా, యశ్వంత్‌ త్వరలోనే పెళ్లితో బంధంతో ఒకటి కాబోతున్నారు.
టాప్ హెడ్ లైన్స్
ట్రెండింగ్ వార్తలు
