Goodachari 2: అడివి శేష్ సినిమాలో 'OG' విలన్?

Imraan Hashmi : అడివి శేష్ 'G2' లో బాలీవుడ్ స్టార్ హీరో ఇమ్రాన్ హష్మీ ప్రత్యేక పాత్ర పోషిస్తున్నట్లు సమాచారం.

అడివి శేష్, ఇమ్రాన్ హష్మీ(Image Credit : Sesh Adivi/Instagram)

'OG' villain in Adivi Sesh's 'G2' : టాలీవుడ్ యంగ్ అండ్ టాలెంటెడ్ హీరో అడివి శేష్ నటించిన 'గూఢచారి' సినిమా ఎంత పెద్ద హిట్ అయిందో అందరికీ తెలిసిందే. స్పై అండ్ యాక్షన్ థ్రిల్లర్ గా తెరకెక్కిన ఈ సినిమా 2018లో విడుదలై బాక్సాఫీస్ దగ్గర భారీ కలెక్షన్స్ అందుకొని బ్లాక్ బస్టర్ హిట్ గా నిలిచింది. ఇప్పుడు దానికి సీక్వెల్‌గా 'G2' సినిమా రాబోతోంది. పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్, ఏకే ఎంటర్‌టైన్‌మెంట్స్ బ్యానర్లపై ఈ సినిమాను నిర్మిస్తున్నారు. ఈ సినిమా నుంచి ఇటీవల విడుదలైన పోస్టర్స్, ప్రీ లుక్ టీజర్ ప్రేక్షకులను ఆకట్టుకోవడమే కాకుండా భారీ అంచనాలను క్రియేట్ చేసింది. ప్రస్తుతం షూటింగ్ దశలో ఉన్న ఈ ప్రాజెక్టుకు సంబంధించి ఓ ఆసక్తికర అప్డేట్ నెట్టింట చక్కర్లు కొడుతోంది.

అడివి శేష్ 'G2' లో 'OG' విలన్

భారీ బడ్జెట్ తో రూపొందుతున్న అడివి శేష్ 'G2' మూవీలో బాలీవుడ్ అగ్ర హీరో ఇమ్రాన్ హష్మీ ఓ ప్రత్యేక పాత్రలో నటిస్తున్నట్లు తాజా సమాచారం. సినిమాలో ఇమ్రాన్ హష్మీ రోల్ మరింత పవర్ ఫుల్ గా ఉండనున్నట్లు తెలిసింది. ఇప్పటికే బాలీవుడ్ లో 'టైగర్ 3' అనే స్పై యాక్షన్ మూవీలో తన విలనిజంతో ఆకట్టుకున్న ఇమ్రాన్ హష్మీ ఇప్పుడు అడివి శేష్ 'G2' లో ఇంపార్టెంట్ రోల్ లో కనిపించనున్నట్లు వార్తలు వినిపిస్తున్నాయి. అయితే మూవీ టీం నుంచి దీనిపై ఇంకా అధికారిక సమాచారం రావాల్సి ఉంది. ఒకవేళ ఇదే నిజమైతే ఇమ్రాన్ హష్మీ ఎంట్రీ తో అడవి శేష్ సినిమాకి బాలీవుడ్ లో మరింత క్రేజ్ దక్కే అవకాశం ఉంది.

'టైగర్ 3'తో విలన్ గా మారిన ఇమ్రాన్ హష్మీ

టాలీవుడ్ లో రొమాంటిక్ హీరోగా భారీ క్రేజ్ తెచ్చుకున్న ఇమ్రాన్ హష్మీ ఎవరూ ఊహించని విధంగా సల్మాన్ ఖాన్ 'టైగర్ 3' సినిమాతో విలన్ గా మారాడు. యశ్ రాజ్ స్పై యూనివర్స్ లో భాగంగా తలకెక్కిన ఈ సినిమాకి మనీష్ శర్మ దర్శకత్వం వహించారు. కత్రినాకైఫ్ హీరోయిన్ గా నటించిన ఈ సినిమా గత ఏడాది రిలీజై బాక్సాఫీస్ వద్ద ఆశించిన స్థాయిలో సక్సెస్ కాలేకపోయింది. కానీ సినిమాలో ఇమ్రాన్ హష్మీ విలనిజానికి మంచి మార్కులు పడ్డాయి.

పవన్ కళ్యాణ్ 'OG' తో టాలీవుడ్ ఎంట్రీ

'టైగర్ 3' మూవీలో విలన్ గా ఆకట్టుకున్న ఇమ్రాన్ హష్మీ పవర్ స్టార్ పవన్ కళ్యాణ్ నటిస్తున్న 'OG' మూవీతో టాలీవుడ్ ఎంట్రీ ఇస్తున్నాడు. 'సాహూ' డైరెక్టర్ సుజిత్ తెరకెక్కిస్తున్న ఈ సినిమా మాఫియా బ్యాక్ డ్రాప్ లో గ్యాంగ్ స్టర్ డ్రామాగా రాబోతోంది. ఈ సినిమాలోనూ ఇమ్రాన్ హష్మీ పవర్ఫుల్ విలన్ గా కనిపించబోతున్నాడు. ఇప్పటికే 80 శాతానికి పైగా షూటింగ్ పూర్తి చేసుకున్న ఈ సినిమా సెప్టెంబర్ 27న ప్రపంచవ్యాప్తంగా గ్రాండ్ గా రిలీజ్ కానుంది.

'గూడచారి' సినిమాకి ఎడిటర్ గా పనిచేసిన వినయ్ కుమార్ ఈ సినిమాతో 'G2' సినిమాతో వెండితెరకు దర్శకుడిగా పరిచయం అవుతున్నారు. గూడచారి కథ మొత్తం ఇండియాలోనే ఉంటుంది. కానీ ఈ సీక్వెల్లో కథ మొత్తం ఇంటర్నేషనల్ రేంజ్ లో ఉండనుంది. ఫస్ట్ పార్ట్ లో కనిపించిన కొన్ని పాత్రలతో పాటు మరికొన్ని కొత్త పాత్రలు ఈ సీక్వెల్లో కనిపించనున్నట్లు సమాచారం.