Vaishnav Tej Hanuman 2 : హనుమాన్ సీక్వెల్లో మెగా హీరో - బిగ్ సర్ప్రైజ్తో పాటు ట్విస్ట్ కూడా...
Hanuman 2 Sequel : 'హను-మాన్' అభిమానులకు మరో బిగ్ సర్ప్రైజ్. మెగా హీరో వైష్ణవ్ తేజ్ ప్రధాన పాత్రలో సీక్వెల్ అఫీషియల్ అనౌన్స్మెంట్ వచ్చేసింది.

Mega Actor Vaishnav Tej Hanuman 2 Announced : టాలీవుడ్ యంగ్ హీరో తేజ సజ్జా ప్రధాన పాత్రలో ప్రశాంత్ వర్మ దర్శకత్వంలో వచ్చిన 'హను-మాన్' బాక్సాఫీస్ వద్ద సంచలన విజయం సాధించింది. 2024లో వచ్చిన సినిమాకు సీక్వెల్ కూడా అనౌన్స్ అయ్యింది. ఇందులో కన్నడ స్టార్ రిషబ్ శెట్టి హనుమంతుడిగా చేస్తున్నారు. ప్రస్తుతం షూటింగ్ శరవేగంగా సాగుతోంది. ఈ మూవీని 'మైత్రీ మూవీ మేకర్స్' నిర్మిస్తోంది.
మెగా హీరోతో మరో సీక్వెల్
ఇదే టైంలో 'హను-మాన్' (Hanuman) నిర్మాణ సంస్థ 'ప్రైమ్ షో ఎంటర్టైన్మెంట్' ఆడియన్స్కు బిగ్ సర్ప్రైజ్ ఇచ్చింది. మెగా హీరో వైష్ణవ్ తేజ్ ప్రధాన పాత్రలో 'హనుమాన్ 2' అనౌన్స్ చేసింది. 'హనుమాన్ 2 - ది రైజ్ ఆఫ్ వానరాస్' పేరుతో సీక్వెల్ తెరకెక్కించనున్నట్లు అఫీషియల్గా అనౌన్స్ చేసింది. వీఐ ఆనంద్ దర్శకత్వం వహించనున్నట్లు తెలిపింది. 'ఓ కలంగా మొదలైన ప్రయాణం.
మరింత గొప్ప విజన్తో కంటిన్యూ అవుతోంది. హను-మాన్ వారసత్వాన్ని మా తదుపరి చిత్రంతో ముందుకు తీసుకెళ్తున్నందుకు గర్వంగా ఉంది. హనుమాన్ 2 పరిచయం చేస్తున్నాం. వైష్ణవ్ తేజ్, ఆనంద్తో కలిసి అద్భుతమైన చిత్రాన్ని గొప్పగా రూపొందిస్తున్నాం.' అని తెలిపారు.
View this post on Instagram
కాంట్రవర్సీతోనేనా...
టాలీవుడ్ యంగ్ హీరో తేజ సజ్జా ప్రధాన పాత్రలో హనుమాన్ మూవీని ప్రైమ్ షో ఎంటర్టైన్మెంట్ నిర్మించింది. బాక్సాఫీస్ వద్ద సంచలన విజయం సాధించిన ఈ మూవీ సీక్వెల్పై అందరిలోనూ భారీ అంచనాలే నెలకొన్నాయి. అయితే, సీక్వెల్ను మైత్రీ మూవీ మేకర్స్ నిర్మిస్తుండడం హాట్ టాపిక్గా మారింది. డైరెక్టర్ ప్రశాంత్ వర్మకు, 'హనుమాన్' నిర్మాణ సంస్థకు (ప్రైమ్ షో ఎంటర్టైన్మెంట్) మధ్య డిఫరెన్సెస్ వచ్చాయని... అందుకే నిర్మాణ సంస్థ మారిందనే ప్రచారం సాగింది.
తాజాగా, 'హనుమాన్' నిర్మాణ సంస్థ సెపరేట్గా వైష్ణవ్ తేజ్ హీరోగా సీక్వెల్ అనౌన్స్ చేయడంతో ఆ ప్రచారానికి మరింత బలం చేకూరుతోంది. ఈ క్రమంలో ఆడియన్స్లో కన్ఫ్యూజన్ నెలకొంది. అసలు, ప్రశాంత్ వర్మ 'హనుమాన్'కు సీక్వెల్ 'జై హనుమాన్' లేక 'హనుమాన్ 2'నా అంటూ కామెంట్స్ చేస్తున్నారు. దీనిపై, ప్రశాంత్ వర్మ కానీ ఆ టీం కానీ రియాక్ట్ కాలేదు.
ట్రెండింగ్ వార్తలు























