Adivi Sesh: స్నేహితుడి దర్శకత్వంలో అడివి శేష్... 'గూఢచారి' సీక్వెల్ తర్వాత!

Adivi Sesh Upcoming Movies: 'డెకాయిట్' విడుదల తర్వాత 'గూఢచారి' సీక్వెల్ 'జీ 2'ని థియేటర్లలోకి తీసుకు రానున్నారు అడివి శేష్. ఆ తర్వాత? తన స్నేహితుడి దర్శకత్వంలో సినిమా ఓకే చేశారు.

అడివి శేష్ సినిమాల మధ్య ఈసారి గ్యాప్ వచ్చే ఛాన్స్ లేదు. 'డెకాయిట్' తర్వాత 'జీ 2', ఆ తర్వాత మరొక సినిమా లైనులో పెట్టారు. 

Source : ABPLIVE AI

సినిమా సినిమాకూ మధ్య కొంత గ్యాప్ తీసుకోవడం అడివి శేష్ (Adivi Sesh)కు అలవాటు. అనుకోకుండా జరిగిందా? లేదంటే మరొకటా? అనేది పక్కన పెడితే... హీరోగా ఆయన సినిమాల మధ్య ఏడాది లేదా రెండేళ్ల గ్యాప్ అయితే ఉంటుంది. ఈసారి అటువంటి గ్యాప్ లేకుండా ప్లాన్ చేస్తున్నారీ యంగ్ హీరో. 'డెకాయిట్' తర్వాత రెండు సినిమాలను లైనులో పెట్టారు.

'గూఢచారి' సీక్వెల్ తర్వాత...
స్నేహితుడితో అడివి శేష్ సినిమా!
Adivi Sesh Next Movie After Goodachari 2: ఏప్రిల్ 10, 2026న 'డెకాయిట్' సినిమా విడుదల. మరి, ఆ తర్వాత? ఆల్రెడీ ఓ సినిమా సెట్స్ మీద ఉంది. తన సూపర్ హిట్ సినిమా 'గూఢచారి'కి సీక్వెల్ 'గూఢచారి 2' (G2 Movie) చేస్తున్నారు శేష్. మే 1న ఆ సినిమా విడుదల చేస్తామని గతంలో ప్రకటించారు. అయితే, ఆ తేదీకి సినిమా వచ్చే అవకాశాలు కనిపించడం లేదు. అన్ని పనులూ పూర్తి అయితే సమ్మర్ తర్వాత వచ్చే అవకాశం ఉంది. 'గూఢచారి 2' తర్వాత? తన స్నేహితుడు రాహుల్ రవీంద్రన్ దర్శకత్వంలో సినిమా చేయనున్నారు.

'డెకాయిట్' విడుదల సందర్భంగా ఇచ్చిన ఇంటర్వ్యూలో తామిద్దరం కలిసి సినిమా చేస్తున్నామని అడివి శేష్, రాహుల్ రవీంద్రన్ స్పష్టం చేశారు. ప్రస్తుతం అడివి శేష్ హీరోగా నటిస్తున్న 'జీ 2' పూర్తి అయ్యాక తన సినిమా సెట్స్ మీదకు వెళుతుందని రాహుల్ రవీంద్రన్ చెప్పారు. రష్మికా మందన్న ప్రధాన పాత్రలో రూపొందిన 'ది గర్ల్ ఫ్రెండ్' తర్వాత ఆయన చేయబోతున్న చిత్రమిది. 'చిలసౌ'తో దర్శకుడిగా పరిచయమైన రాహుల్ రవీంద్రన్, ఆ తర్వాత కింగ్ అక్కినేని నాగార్జున హీరోగా 'మన్మథుడు 2' చేసిన సంగతి తెలిసిందే.

రాహుల్ రవీంద్రన్ దర్శకత్వంలో అడివి శేష్

'డెకాయిట్' సినిమా విడుదల సందర్భంగా ఇచ్చిన ఇంటర్వ్యూలో సినిమాను కన్ఫర్మ్ చేశారు. 'గూఢచారి' సీక్వెల్ 'జీ 2' చిత్రీకరణ పూర్తి అయ్యాక శేష్ తో తన సినిమా సెట్స్ మీదకు వెళుతుందని రాహుల్ రవీంద్రన్ తెలిపారు.#AdiviSesh #RahulRavindran #Dacoit pic.twitter.com/UqJtMMAOzq

— Satya Pulagam (@pulagamsatya) April 9, 2026

అడివి శేష్, రాహుల్ రవీంద్రన్, సుజీత్, 'వెన్నెల' కిశోర్... నలుగురూ స్నేహితులు. వాళ్ళది ఓ గ్యాంగ్. అడివి శేష్ ప్రతి సినిమానూ తన స్నేహితులకు ముందు చూపిస్తారు. 'డెకాయిట్'ను కూడా అలా చూపించారట. సినిమా బావుందని రాహుల్ రవీంద్రన్, 'వెన్నెల' కిశోర్ చెప్పారు.