Samantha: సమంత వార్నింగ్ ఎవరికి? కాజల్ డెలివరీకి, వార్నింగ్‌కు లింక్ ఉందా?

ట్విట్ట‌ర్‌లో సమంత ఎవరికి వార్నింగ్ ఇచ్చారు? ఆమె చేసిన ట్వీట్ ఎవరిని ఉద్దేశించి? దేని గురించి? కాజల్ డెలివరీకి, సమంత వార్నింగ్‌కు లింక్ ఉందా?

సమంత

"నా మౌనాన్ని అజ్ఞానం అనుకోవద్దు...
నా సహనాన్ని అంగీకారమని భావించవద్దు...
నా మంచితనాన్ని బలహీనతగా చూడవద్దు!
ఎప్పుడూ పొరబడకండి"
- ఈ రోజు (ఏప్రిల్ 22న) సమంత చేసిన ట్వీట్‌కు తెలుగులో ఇంచు మించు ఇదే మీనింగ్ వస్తుంది. 'మంచితనానికి ఒక హద్దు ఉంటుంది. జస్ట్ సేయింగ్" అంటూ సమంత ట్వీట్ (Samantha Tweet Goes Viral) చేశారు.

Don't ever mistake
MY SILENCE
for ignorance,
MY CALMNESS
for acceptance,
My
KINDNESS
for weakness.

— Samantha (@Samanthaprabhu2) April 22, 2022

సమంత చాలా పద్దతిగా చెప్పినప్పటికీ... అందులో చాలా అర్థం ఉంది. సూటిగా, స్పష్టంగా ఆమె వార్నింగ్ ఇచ్చారని తెలుస్తోంది. ఇంతకీ, సమంత వార్నింగ్ ఇచ్చింది ఎవరికి? అసలు, ఏమైంది? అనేది మాత్రం తెలియడం లేదు. గత రెండు మూడు రోజులుగా సమంత మీద చాలా మీమ్స్, ట్రోల్స్ వచ్చాయి. 

విజయ్ దేవరకొండకు జంటగా నటిస్తున్న సినిమా ప్రారంభోత్సవానికి (VD11 Movie Launch) ఎందుకు డుమ్మా కొట్టారనేది ఒకటి! ఆల్రెడీ విజయ్ దేవరకొండ ఆ మీమ్స్ మీద ఫన్నీగా స్పందించారు. ప్రస్తుతం సమంత దుబాయ్‌లో ఉన్నారు. అందువల్ల, రాలేకపోయారు. ఈ సంగతి పక్కన పెడితే... కాజల్ డెలివరీ తర్వాత కూడా సమంత మీద చాలా మీమ్స్ వచ్చాయి.

కాజల్ అగర్వాల్ (Kajal Aggarwal) పెళ్ళైన రెండేళ్లకు ఓ చిన్నారికి జన్మనిచ్చారని, హ్యాపీగా సెటిల్ అయ్యారని... సమంత విడాకులు తీసుకున్నారని రకరకాలుగా ట్రోల్స్ చేశారు. కొందరు సమంత పేరు పెట్టి ట్రోల్ చేశారు. మరికొందరు సమంత పేరు లేకుండా ఇన్ డైరెక్టుగా ట్రోల్ చేశారు. అందువల్ల, సమంత కూడా ఇన్ డైరెక్టుగా వార్నింగ్ ఇచ్చి ఉంటారనేది కొంతమంది నెటిజనుల అభిప్రాయం. అది నిజమా? కాదా? అనేది పక్కన పెడితే... సమంత ట్వీట్ ఎవరిని ఉద్దేశించి? ఆమె వార్నింగ్ ఇచ్చింది ఎవరికి? అనేది తెలియక చాలా మంది బుర్రలు బద్దలు కొట్టుకుంటున్నారు. అదీ సంగతి!