Brahmamudi Serial February 6th: స్వప్నకి కుజదోషం, కనకం నెత్తిన పిడుగు- మళ్ళీ గొడవపడిన రాజ్, కావ్య

దుగ్గిరాల కుటుంబానికి తన కూతుర్ని కోడలిగా పంపించాలని కనకం ప్రయత్నాలు చేస్తుంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

స్వప్న ఫోన్ ఇంట్లో మర్చిపోయిందని కావ్య చూసి వెళ్ళి ఫోన్ ఇచ్చేసి వద్దామని అప్పుని అడుగుతుంది. అటు స్వప్నని చూసి రాజ్ తెగ మురిసిపోతాడు. తనతో మాట్లాడటానికి సిగ్గు పడిపోతూ ఉంటాడు. ఫస్ట్ డే ఆఫీసులో మేనేజింగ్ డైరెక్టర్ గా వెళ్లబోతున్నా అని రాజ్ చెప్తాడు. తర్వాత తనని ఫ్యామిలీ మెంబర్స్ కి పరిచయం చేయడానికి ఇంట్లోకి తీసుకెళ్తాడు. అందరి కాళ్ళకి నమస్కారం పెడుతుంది. తన చెవి బుట్ట ఇక్కడ పడిపోయింది దాని కోసం వచ్చానని చెప్తుంది. మీరు చాలా రిచ్ కదా అంత చిన్న దాని కోసం ఇక్కడికి వచ్చావా అని రుద్రాణి అడుగుతుంది. అది మా అమ్మ బర్త్ డేకి గిఫ్ట్ గా ఇచ్చిందని స్టోరీ అల్లి అందరినీ మాటలతో బుట్టలో పడేసుకోవాలని చూస్తుంది. తనని ఎలాగైనా తనవైపుకి తిప్పుకోవాలని రాహుల్ అనుకుంటాడు.

కావ్య హడావుడిగా రాజ్ ఇంట్లోకి వెళ్లబోతుంటే అక్కడ సెక్యూరిటీ వాళ్ళు అడ్డం పడతారు. వాళ్ళని బతిమలాడేది ఏంటి లోపలికి పోదాం పద అని అప్పు అంటుంది. రాజ్ బుట్ట స్వప్న చేతిలో పెడతాడు. బుట్ట తీసుకుంటే వెళ్లిపోవాలసి వస్తుందేమోనని అనుకుంటుంది. తను వెళ్లిపోతే ఎలా పరీక్షలు పెట్టాలే కదా అని రాజ్ వాళ్ళ అమ్మ అంటుంది. రుద్రాణి కావాలని స్వప్నని ఏదో ఒకటి అంటు ఉంటుంది. అప్పుడే రాజ్ కి సెక్యూరిటీ ఫోన్ చేసి కావ్య వాళ్ళు గొడవ చేస్తున్నట్టు చెప్పి పిలుస్తారు. ఇంట్లో కనకం ముగ్గురు కూతుళ్ల జాతకం పంతులుకి చూపిస్తుంది. రెండో అమ్మాయి కావ్య జాతకం బాగుంది, ఎవరు ఊహించని వరుడు దొరుకుతాడు గొప్ప ఇంటికి కోడలు అవుతుందని పంతులు చెప్పేసరికి కనకం తెగ సంబరపడుతుంది. చిన్నమ్మాయి అపూర్వకి దివ్యమైన సంబంధమే వస్తుందని చెప్తాడు.

పెద్దమ్మాయి స్వప్న జాతకంలో కుజ దోషం ఉందని, పెళ్లి విషయంలో చాలా అడ్డంకులు చిక్కులు రాబోతున్నాయని చెప్పేసరికి కనకం గుండె పట్టేసుకుంటుంది. కుజ దోషం ఉన్నవారికి ఎన్ని పూజలు జరిపించినా ఫలితం ఉండదని అనేసరికి కనకం టెన్షన్ పడుతుంది. దాని బుద్దులు రిచ్ గా ఉంటే జాతకం పూర్ గా ఉందేనని బాధపడుతుంది. ఈ గండం నుంచి బయట పడాలంటే ఒకటే దారి కావ్య స్వప్నకి అడుగడుగున తోడు ఉంటే ఎన్ని గండాలు అయిన దాటేస్తుందని చెప్తాడు. ఆ మాట విని కనకం కాస్త ఊపిరి పీల్చుకుంటుంది. కావ్య దగ్గరకి రాజ్ వస్తాడు. తను గొడవ పడటం చూసి రాజ్ అపార్థం చేసుకుంటాడు. ఇద్దరి మధ్య కాసేపు వాదన జరుగుతుంది.

కావ్య, రాజ్ గొడవ పడటం చూసి స్వప్న కంగారుగా వస్తుంది. అప్పుడే స్వప్న పరిగెత్తుకుంటూ వస్తుంటే కావ్య అక్క అని పిలవడం విని షాక్ అవుతాడు. తను ఎవరో నీకు తెలుసా అక్క అని పిలుస్తుందని రాజ్ అడిగేసరికి తెలియదని చెప్తుంది. రాజ్ ని పక్కకి తీసుకెళ్ళి తన సంగతి చూస్తానని చెప్పి వెళ్ళి కావ్యతో మాట్లాడుతుంది. ఎందుకు వచ్చావ్ అని కోపంగా అడుగుతుంది. ఫోన్ మర్చిపోయావ్ అది ఇద్దామని వచ్చానని చెప్తుంది. బుట్ట కోసం టార్చర్ చేస్తున్నావ్ కదా అని స్వప్న అనేసరికి కావ్య చాలా బాధపడుతుంది. రాజ్ తల్లి వచ్చి స్వప్న వాళ్ళని లోపలికి తీసుకెళ్తుంది. ఆమె స్వప్న గురించి ఆరా తీస్తుంది. తల్లిదండ్రులను తీసుకురమ్మని రాజ్ తల్లి స్వప్నకి చెప్తుంది. కావ్య క్యారెక్టర్ ని తన క్యారెక్టర్ గా చెప్పుకుంటుంది స్వప్న.