అన్వేషించండి

అసెంబ్లీ ఎన్నికలు 2026

(Source: Poll of Polls)

Bigg Boss 6 Telugu: ఆ ఇద్దరిలో ఒకరు అవుట్ - మళ్లీ మెరీనా సేఫ్?

Bigg Boss 6 Telugu: బిగ్‌బాస్6 తెలుగు తుది దశకు చేరుకుంటోంది.

By : Haritha | Updated at : 13 Nov 2022 04:58 PM (IST)

Vasanthi and merina, Who will Eliminate this week Bigg Boss 6 Telugu: ఆ ఇద్దరిలో ఒకరు అవుట్ - మళ్లీ మెరీనా సేఫ్?

(Image credit: Star maa)

Bigg Boss 6 Telugu: బిగ్ బాస్ సీజన్ 6 తుది దశకు చేరుకుంటోంది. ఇంకో నాలుగు వారాల్లో ఎవరు విజేత తెలిసిపోతుంది. ఈలోపే ఇంట్లో గొర్రెలా మందలా ఉన్న వారిని బయటికి పంపించడం మొదలు పెట్టారు. అందుకే ఈ సీజన్లో రెండోసారి డబుల్ ఎలిమినేషన్ చేస్తున్నారు. ముందురోజు ఎపిసోడ్ అంటే శనివారం ఎపిసోడ్లో బాలాదిత్యను ఎలిమినేట్ చేశారు. ఈరోజు ఒకరిని ఎలిమినేట్ చేయబోతున్నారు.

ప్రోమోలో ఏముందంటే... నాగార్జున ఇంటిసభ్యులతో ఆటలు ఆడిస్తూ కనిపించారు. ఇంటి సభ్యుల చిన్నప్పటి ఫోటోలు చూపించి వారెవరో కనిపెట్టే ఆట ఆడించారు. అందులో రేవంత్ ఒక చిన్న పాప ఫోటో చూసి శ్రీసత్య అని చెప్పాడు. కానీ ఆ చిన్న పాప శ్రీసత్య కాదు దీంతో నాలుక పట్టుకుని ఒక పాట పాడమని శిక్ష వేశారు. ఆ ఫోటోలో పాప కీర్తిలా ఉంది. అలాగే ఇనయా కూడా తప్పు చెప్పింది. ఆమెకు కోడిలా గెంతుకుంటూ పాట పాడమని శిక్ష వేశారు. ఇక వాసంతి కూడా తప్పు చెప్పడంతో ఆమెకు గోడకుర్చీ వేసి ఎనిమిదో ఎక్కం చెప్పమని శిక్ష వేశారు. ఫైమా కూడా ఓడిపోవడంతో ఆమెను ఎవరినైనా ఇమిటేట్ చేసి చూపించమన్నారు. దీంతో ఆమె రేవంత్‌లా నటించి చూపించింది.

చివరికి ఎలిమినేషన్ దగ్గరికి వచ్చేసరికి వాసంతి, మెరీనా నిల్చుని ఉన్నారు. వీరికి రెండు పువ్వులు ఇచ్చారు. ఎదురుగా రెండు నీళ్ల కుండీలు పెట్టారు. ఆ పువ్వులను నీళ్లలో ముంచాక ఎవరి వాటర్ అయితే ఎరుపుగా మారుతుందో వారు ఎలిమినేట్ అని చెప్పారు. అయితే ఇందులో వాసంతి ఎలిమినేట్ అయినట్టు తెలుస్తోంది.

ఈ వారం నామినేషన్లలో ఉన్న సభ్యులు ఎవరంటే...
1. బాలాదిత్య
2. మెరీనా
3. ఫైమా
4. వాసంతి
5. కీర్తి
6. ఇనాయ
7. శ్రీహాన్
8.ఆదిరెడ్డి
9. రేవంత్