Bigg Boss 6 Telugu: ఇంటి సభ్యులకు చుక్కలు చూపిస్తున్న బిగ్‌బాస్, విన్నర్ ప్రైజ్ మనీ పెంచేందుకు వింత టాస్కులు

Bigg Boss 6 Telugu: బిగ్ బాస్ ఇంటి సభ్యులకు చుక్కలు చూపిస్తున్నాడు.

(Image credit: Star maa)

Bigg Boss 6 Telugu: ఎవిక్షన్ ఫ్రీ పాస్ కోసం విన్నర్ ప్రైజ్ మనీని వాడుకున్నారు ఇంటి సభ్యులు. యాభై లక్షల ప్రైజ్ మనీలో దాదాపు 11 లక్షల రూపాయల దాకా కోత పడింది. దాన్ని మళ్లీ సంపాదించుకునే అవకాశాన్ని బిగ్ బాస్ ఇంటి సభ్యులకు ఇచ్చారు. ఇందులో భాగంగా రకరకాల టాస్కులు ఇస్తున్నారు. దీనికి ఇద్దరు సభ్యులు పోటీ పడాలి. వారిద్దరిలో ఎవరు గెలుస్తారో మిగతా ఇంటి సభ్యులు సీక్రెట్ ఓట్ ద్వారా చెప్పాలి. వారు చెప్పిన సభ్యుడే గెలిస్తే కొంత మొత్తం విన్నర్ ప్రైజ్ లో కలిసి పోతుంది. అలా నిన్న ఎపిసోడ్లో శ్రీసత్య, రోహిత్ పోటీ పడ్డారు. ఫిజికల్ టాస్కు ఇచ్చాడు బిగ్ బాస్. అందరూ రోహిత్ స్ట్రాంగ్ కాబట్టి ఆయనే గెలుస్తాడని ఊహించారు. శ్రీసత్య పేరుపై రెడ్ మార్కు గుద్ది, బ్యాలెట్ బాక్సులో వేసేశారు. తీరా చూస్తే శ్రీసత్య గెలిచింది. దీంతో ఆ టాస్కు ఇంటి సభ్యులు ఓడిపోయారు. దీంతో లక్షా పదివేల మొత్తాన్ని వెనక్కి రప్పించుకోలేకపోయారు. 

ఇక ఈరోజు  మొదటి ప్రోమోలో ఇనాయ, రేవంత్ ఆడేందుకు సిద్ధమయ్యారు. అతి స్పీడుగా ఉండే వీరిద్దరికీ బిగ్ బాస్ చాలా నెమ్మదిగా, జాగ్రత్తగా చేసే టాస్కు ఇచ్చారు. పేపర్ గ్లాసులను పిరమిడ్ ఆకారంలో కట్టి, వాటిని మోసుకుంటూ ఎదురుగా పెట్టిన ప్రదేశంలోకి మోసుకెళ్లాలి. ఇద్దరివీ చాలా సార్లు పడిపోయాయి. కాకపోతే చివరికి ఎవరు గెలిచారో మాత్రం తెలియదు. 

ఇక రెండో ప్రోమోలో ఆదిరెడ్డి - కీర్తి, శ్రీహాన్ - శ్రీసత్య ఆట ఆడుతూ కనిపించారు. ఎమౌంట్ రాసిన బోర్డులను, చేత్తో ముట్టుకోకుండా కర్రలతో ఎత్తి ఇద్దరూ బాక్సులో వేయాలి. కింద పడితే ఓడిపోయినట్టే. మరి ఈ ఆటలో ఏమైందో ఎపిసోడ్ చూసి తెలుసుకోవాలి. ఇదే ప్రోమోలో రేవంత్ - శ్రీసత్య వాదించుకుంటూ కనిపించారు. ఎవరు ఆడాలన్న విషయంపై వారు వాదించుకున్నారు. 

ఇరవై ఒక్క మందితో కళకళలాడిన ఇల్లు ఇప్పుడు ఏడుగురితో మిగిలింది. ఈ వారం ఒకరు ఎలిమినేట్ అయితే టాప్ 6 మిగులుతారు. అదే ఇద్దరినీ ఎలిమినేట్ చేస్తే టాప్ 5 మిగులుతారు. రెండు వారాల్లో బిగ్ బాస్ సీజన్ 6 విన్నర్ ఎవరో తేలిపోనుంది. డిసెంబర్ 18న బిగ్ బాస్ సీజన్ 6 ఫినాలే గ్రాండ్ గా జరగనున్నట్టు సమాచారం.

 

 

 

 

 

View this post on Instagram

 

 

 

 

 

 

 

 

 

 

 

A post shared by Disney+ Hotstar Telugu (@disneyplushstel)