Bigg Boss Telugu: బిగ్ బాస్ స్టేజ్పై శ్రీలీల సందడి- "మాస్" డైలాగ్తో అదరగొట్టిన యావర్
నాగార్జున నటించిన మాస్ సినిమాలో డైలాగ్ చెప్పి అదుర్స్ అనిపించాడు యావర్.
సన్ డే ఫన్ డేతో బిగ్ బాస్ కంటెస్టెంట్స్ని అలరించడానికి వచ్చేశారు నాగార్జున. ఆయనతో పాటు బ్యూటీఫుల్ క్యూట్ డాల్ శ్రీలీల, డైరెక్టర్ అనిల్ రావిపూడి కూడా వచ్చి సందడి చేశారు. శ్రీలీల నటించిన ‘భగవంత్ కేసరి’ సినిమా అక్టోబర్ 19 న ప్రేక్షకుల ముందుకు రాబోతుంది. ఈ సినిమాలో బాలకృష్ణ కూతురుగా శ్రీలీల కనిపించనుంది. సినిమా ప్రమోషన్స్లో భాగంగా బిగ్ బాస్ స్టేజ్ మీదకు వచ్చారు. దీనికి సంబంధించి తాజా ప్రోమో రిలీజ్ చేశారు.
బిగ్ బాస్ సీజన్ 7 చూస్తున్నావా? ఉల్టా పుల్టా సీజన్ ఎలా ఉందని నాగార్జున అనిల్ని అడిగారు. అన్నింటిలోనూ ఇదే బెస్ట్ సీజన్ అని చాలా బాగుందని అన్నాడు. సీజన్ సీజన్కి టీఆర్పీ పెరుగుతుంది, మీ గ్లామర్ పెరుగుతుందని నాగ్కి కాంప్లిమెంట్ ఇచ్చాడు. ఇంటి సభ్యుల ఒక్కొక్కరి గురించి అనిల్ తన అభిప్రాయం చెప్పుకొచ్చారు. కాఫీ కాఫీ అంటూ బిగ్ బాస్ ఇంట్లోకి వచ్చిన దగ్గర నుంచి ఎక్కువగా రచ్చ చేసిన శివాజీకి దీని గురించి అనిల్ కౌంటర్ వేశారు. ఇక తేజ గురించి మాట్లాడుతూ కాలేజ్ లో తన జూనియర్ అని చెప్పుకొచ్చారు. వెంటనే తేజ మాట్లాడుతూ అనిల్ తన సీనియర్ అని అన్నాడు. శోభా శెట్టి క్రాకర్ ఇంట్లో అందరినీ ఒక ఆట ఆడిస్తుందని చెప్పాడు.
శ్రీలీల అమర్ దీప్ని చూస్తూ సిగ్గుపడుతూ మీరు చాలా బాగున్నారని క్యూట్గా అనేసింది. దీంతో మనోడు తెగ మెలికలు తిరిగేశాడు. యావర్కి గత ఎపిసోడ్స్లో తెలుగు క్లాసులు తీసుకున్నారు. అది ఎంత వరకు పని చేసిందో అనిల్ టెస్ట్ చేశాడు. తెలుగులో ఏదైనా డైలాగ్ చెప్పమంటే నాగార్జున నటించిన “మాస్” సినిమాలో విలన్ని బెదిరించేటప్పుడు చెప్పే డైలాగ్స్ గుక్క తిప్పుకోకుండా చెప్పి అదుర్స్ అనిపించాడు. ఈ డైలాగ్లు ఎక్కడో విన్నట్టు ఉన్నాయే అని నాగ్ ఆలోచిస్తూ ఉండగా మాస్ సినిమా అని అనిల్ గుర్తు చేశాడు. అవును తన సినిమా కదాని నాగార్జున ఆశ్చర్యపోయాడు.
నిజంగానే ఉల్టా పుల్టా..
బిగ్ బాస్ సీజన్ 7 అంతా నిజంగానే ఉల్టా పుల్టాలాగా ఉందని ప్రేక్షకులకు అనిపించడం మొదలయ్యింది. ఇంతకు ముందు సీజన్స్లో ఎన్నడూ లేని విధంగా ఒకేసారి అయిదుగురు కంటెస్టెంట్స్ వైల్డ్ కార్డ్ ఎంట్రీ ద్వారా బిగ్ బాస్ హౌజ్లోకి ఎంటర్ అవ్వడం ప్రేక్షకులతో పాటు కంటెస్టెంట్స్ను కూడా ఆశ్చర్యపరిచింది. తాజాగా ప్రసారమయిన ఎపిసోడ్లో నాగార్జున మరో ట్విస్ట్ ఇచ్చారు. ఇప్పటివరకు హౌజ్ నుంచి అయిదుగురు కంటెస్టెంట్స్ ఎలిమినేట్ అయిపోగా.. అందులో ముగ్గురిని స్టేజ్పైకి పిలిచారు. అంతే కాకుండా వారిని బిగ్ బాస్ హౌజ్లోకి కూడా పంపించారు. అంతే కాకుండా ఆ ముగ్గురిలో ఎవరో ఒకరు మళ్లీ కంటెస్టెంట్గా బిగ్ బాస్ హౌజ్లోకి అడుగుపెట్టవచ్చని అన్నారు నాగార్జున.
Also Read: శోభా శెట్టి, తేజ డేటింగ్ - మోకాళ్లపై కూర్చొని ప్రపోజల్, శోభా సమాధానం ఇదే!
View this post on Instagram
టాప్ హెడ్ లైన్స్
ట్రెండింగ్ వార్తలు
