బిగ్‌బాస్ హౌస్ నుంచి మోడల్ రాజ్ అవుట్?

Bigg Boss 6 Telugu: బిగ్ బాస్ ఇంటి నుంచి రాజశేఖర్ ఎలిమినేట్ అయినట్టు తెలుస్తోంది.

(Image credit: Star maa)

Bigg Boss 6 Telugu: బిగ్ బాస్ ఇంటి నుంచి మోడల్ రాజశేఖర్ బయటికి వెళ్లే సమయం ఆసన్నమైనట్టు తెలుస్తోంది. ఈ వారం అతనే ఎలిమినేట్ కాబోతున్నట్టు సమాచారం. ఇప్పటికే ఎపిసోడ్ రికార్డింగ్ అయిపోతుంది. కాబట్టి లీకు వీరుల చెప్పిన ప్రకారం రాజశేఖర్ ఎలిమినేట్ అయి ఇంటికి వెళ్లిపోయాడు. ఇది ఎంత వరకు నిజమో తెలియాలంటే ఆదివారం ఎపిసోడ్ చూడాలి. 

రాజశేఖర్ బిగ్ బాస్ ఇంటికి వచ్చే ముందు వరకు అతనెవరో కూడా తెలుగు ప్రేక్షకులకు తెలియదు. వచ్చాక కూడా చాలా రోజులు అతడు ఆట ఆడింది లేదు. గట్టిగా మాట్లాడింది, వాదించింది కూడా లేదు. దీంతో అతను ఒకడు ఉన్నాడన్న సంగతి కూడా ప్రేక్షకులు మరిచిపోయే పరిస్థితి వచ్చింది. ఫైమా, చంటి అతడిని బాగా ఏడిపించేవారు, సెటైర్లు వేస్తూ వెటకారం చేసేవారు. ఓ వారం అయితే అతను నేను ఉంటారో ఉండానో తెలియదు, ఈసారి నన్ను కెప్టెన్ చేయండి, కనీసం కెప్టెన్ అయ్యాయన్న ఆనందంతో బయటికి వెళ్లిపోతాను అంటూ ఇంటి సభ్యులను బతిమిలాడాడు. దీంతో గీతూలాంటి వాళ్లు కూడా అతనికి ఓటేశారు. చివరికి గీతూనే మొదట వెళ్లిపోయింది, రాజ్ మరికొన్ని వారాలు ఉన్నాడు. 

రాజ్ తన తల్లితో ఫోన్లో మాట్లాడాక చాలా ఛేంజ్ అయ్యాడు. నీ తప్పు లేనప్పుడు నువ్వు వెనక్కి తగ్గద్దు, వాదించు... అని తల్లి చెప్పడంతో నామినేషన్లలో గట్టిగా వాదించడం, అవసరమైతే గొడవపడడం కూడా చేశాడు. దీంతో అతనికి ఓట్లు పడడం మొదలైంది. ఇతను కూడా ఆట ఆడగలడు అని ప్రజలకు అర్థమైంది. అయితే ఇప్పుడు మరో వారంలో ఆట ముగియనుంది. మరొక్క వారంలో విజేత ఎవరో తెలిసిపోతుంది. ఈ సమయంలో రాజ్ ఎలిమినేట్ అయ్యాడు. టాప్ 9 కంటెస్టెంట్ గా నిలిచి, ఇంటి నుంచి బయటికి వెళ్ల బోతున్నాడు. కాకపోతే తన ఫ్యామిలి బిగ్ బాస్ హౌస్‌కి వచ్చే వరకు ఉండాలని ఆయన కోరుకున్నాడు. ఆ కోరిక తీరింది. ఫ్యామిలీ వీక్‌లో భాగంగా అతని తల్లి ఇంట్లోకి వచ్చారు. కొడుకును గెలిచి రావాలని కోరింది. చేతికి తాయెత్తు కట్టింది. దిష్టిచుక్క పెట్టింది.  కానీ రాజ్ ప్రయాణం ఈ రోజుతో బిగ్ బాస్ హౌస్‌లో తీరిపోతున్నట్టుగా తెలుస్తోంది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Raja Shekar M (@iamraj_8)