నా ఫస్ట్ రెమ్యునరేషన్ చెక్ ఇచ్చింది నాగార్జునే - బిగ్‌బాస్ ఫినాలేలో రవితేజ

బిగ్ బాస్ ఫినాలే ధూంధాంగా జరుగుతోంది. ప్రోమో అదిరిపోయేలా ఉంది.

(Image credit: Star maa)

బిగ్‌బాస్ సీజన్ 6 ముగింపుకు వచ్చేసింది. ధూంధాంగా ఫినాలే వేదిక సిద్ధమైంది. ప్రోమోను చూస్తుంటేనే ఎంత వేడుకగా సాగుతుందో అర్థమైపోతుంది. ఈ ఫినాలేకు ప్రత్యేక అతిధిగా వచ్చారు రవితేజ. ఆయన సినిమా ధమాకా విడుదల సందర్భంగా పనిలో పని ప్రమోషన్ కూడా అవుతుంది కాబట్టి హీరోయిన్ శ్రీలీలను కూడా తీసుకొచ్చారు. వేదికపై నాగార్జున శ్రీలీలతో ‘రవితేజ నాకు ఎప్పట్నించో తెలుసో నీకు తెలుసా?’ అని అడిగారు. దానికి రవితేజ ‘నాకు ఫస్ట్ రెమ్యునరేషన్ చెక్ ఇచ్చింది నాగార్జునే’ అని చెప్పారు. దాన్ని దాచుకోవాలనుకున్నానని, కానీ అవసరం వచ్చి వాడేశానని చెప్పుకొచ్చారు. దాంతో నాగార్జున నవ్వేశారు. 

రవితేజ చాలా లేటుగా హీరో అయ్యారు. అంతకుముందు చిన్న చిన్న పాత్రలు, హీరో ఫ్రెండు క్యారెక్టర్లు చేశారు. 1991లో నాగార్జున నటించిన చైతన్య సినిమా చాలా చిన్న రోల్ చేశారు రవితేజ. అలాగే క్రిమినల్, నిన్నె పెళ్లాడతా సినిమాల్లో కూడా చిన్న పాత్రల్లో కనిపించారు.  1997లో వచ్చిన సింధూరంలో తొలిసారి ఫుల్ లెంగ్త్ పాత్ర చేశారు. ఇక ఆయన జీవితాన్ని మార్చిన సినిమా అయితే ‘ఇడియట్’ అనే చెప్పాలి. ఆ తరువాత అతను స్టార్ హీరో అయిపోయారు. 

బ్రీఫ్‌కేసు ఇచ్చి..
బిగ్ బాస్ సీజన్ 6కు అతిధిగా వచ్చిన రవితేజను బ్రీఫ్‌కేసు ఇచ్చి లోపలికి పంపిస్తున్నట్టు చెప్పారు నాగార్జున. ఆ బ్రీఫ్ కేసులో ఎంత డబ్బుందో, దాన్ని ఎవరైనా తీసుకుని బయటికి వచ్చారో లేదో ఫినాలే చూస్తేనే అర్థమయ్యేది. ప్రస్తుతం టాప్ 5లో రేవంత్, శ్రీహాన్, ఆదిరెడ్డి, కీర్తి, రోహిత్ ఉన్నారు. వీరిలో విన్నర్ అయ్యేది ఎవరో ఈరోజు తేలిపోనుంది. ఇప్పటికే రేవంత్ గెలిచినట్టు సమాచారం వస్తోంది.

గతంలో బిగ్ బాస్4లో సోహైల్ బాగా ఆలోచించి పాతిక లక్షల బ్రీఫ్ కేసు పట్టుకుని బయటికి వచ్చేశాడు. విన్నర్ కన్నా అతనికే ఎక్కువ మొత్తం అందింది ఆ సీజన్లో. మరి ఈ సీజన్లో ఎవరైనా అలా బ్రీఫ్ కేసుతో బయటికి వస్తారేమో చూడాలి. 

‘బిగ్ బాస్’ హౌస్‌లోకి ఎంట్రీ ఇచ్చిన కంటెస్టెంట్లు వీరే:

1. కీర్తి భట్ (‘కార్తీక దీపం’ సీరియల్ నటి)
2. సుదీప (‘నువ్వు నాకు నచ్చావ్’లో బాలనటి)
3. శ్రీహన్ (సిరి బాయ్ ఫ్రెండ్, యూట్యూబర్)
4. నేహా (యాంకర్)
5. శ్రీ సత్య (మోడల్)
6. అర్జున్ కళ్యాణ్ (సీరియల్ నటుడు)
7. చలాకీ చంటి (‘జబర్దస్త’ కమెడియన్)
8. అభినయ శ్రీ (నటి, డ్యాన్సర్)
9. గీతూ (సోషల్ మీడియా ఇన్ఫ్లుయెన్సర్)
10. బాలాదిత్య (నటుడు)
11. మరీనా (సీరియల్ నటి, రోహన్ భార్య)
12. రోహన్ (సీరియల్ నటి, మరినా భర్త)
13. వాసంతి కృష్ణన్ (సీరియల్ నటి)
14. షాని (నటుడు)
15. ఆర్జే సూర్య (ఆర్జే)
16. ఆది రెడ్డి (యూట్యూబర్)
17. ఆరోహిరావు (టీవీ యాంకర్)
18. ఫైమా (‘జబర్దస్త్’ కమెడియన్)
19. రాజశేఖర్ (నటుడు)
20. ఇనయా (నటి)
21. రేవంత్  (సింగర్)