Inaya Boyfriend: వ్యక్తి ప్రాణాలు కాపాడిన ఇనయా బాయ్‌ఫ్రెండ్, నెట్టింట్లో వీడియో వైరల్

ఇనయా సుల్తానా బాయ్ ఫ్రెండ్ గౌతమ్ ఓ నిండు ప్రాణాన్ని కాపాడారు. వర్షం కారణంగా యాక్సిడెంట్ అయి ప్రాణాలతో పోరాడుతున్న ఓ వ్యక్తికి అత్యవసర చికిత్స అందించి హాస్పిటల్ లో చేర్పించారు.

వ్యక్తి ప్రాణాలు కోల్పోయిన ఇనయా బాయ్ ఫ్రెండ్

Source : Doulath sulthana/Instagram

Inaya's boyfriend Saved A Man's Life: బిగ్ బాస్ బ్యూటీ ఇనయా సుల్తానా కొద్ది రోజులుగా సోషల్ మీడియాలో ఓ రేంజిలో ఎంజాయ్ చేస్తోంది. బాయ్ ఫ్రెండ్ గౌతమ్ తో కలిసి జోరుగా షికార్లు చేస్తోంది. గ్లామరస్ వీడియోలతో నెటిజన్లను అలరిస్తోంది. తాజాగా ఈ ముద్దుగుమ్మ బాయ్ ఫ్రెండ్  గౌతమ్ సకాలంలో స్పందించి.. ఓ నిండు ప్రాణాన్ని కాపాడారు. ప్రస్తుతం ఈ వీడియో సోషల్ మీడియాలో బాగా వైరల్ అవుతోంది. ఇంతకీ అసలు ఏం జరిగిందంటే..

యాక్సిడెంట్ లో వ్యక్తికి తీవ్ర గాయాలు

గత రెండు రోజులుగా ఉభయ తెలుగు రాష్ట్రాల్లో భారీగా వర్షాలు కురుస్తున్నాయి. హైదరాబాద్ లోనూ వర్షం కురుస్తోంది. రోడ్ల మీదికి నీళ్లు వచ్చి చేరుతున్న నేపథ్యంలో అధికారులు ప్రజలకు తగు జాగ్రత్తలు పాటించాలని సూచిస్తున్నారు. వాహనదారులు రోడ్ల మీదికి వచ్చినప్పుడు కేర్ ఫుల్ గా డ్రైవ్ చేయాలంటున్నారు. వీలైనంత నెమ్మదిగా వాహనాలు నడపాలని సూచిస్తున్నారు. వర్షంలో వాహనాలు స్కిడ్ అయితే ప్రాణాలు పోయే అవకాశం ఉందంటున్నారు. తాజాగా హైదరాబాద్ లో ఓ వ్యక్తి రోడ్డు ప్రమాదానికి గురయ్యాడు. తీవ్రంగా గాయపడిన ఆ వ్యక్తి ప్రాణాలుతో కొట్టుమిట్టాడుతూ రోడ్డు మీదే పడిపోయాడు. అక్కడి నుంచి వెళ్తున్న ఇనయా బాయ్ ఫ్రెండ్ గౌతమ్ వెంటనే స్పందించారు. నిండు ప్రాణాన్ని కాపాడారు.

ప్రాణాలతో బయటపడాలని ప్రార్థించండి- ఇనయా

తాజాగా ఈ ఇన్సిడెంట్ కు సంబంధించి ఇనయా సోషల్ మీడియాలో షేర్ చేసిన వీడియో నెట్టింట వైరల్ అవుతోంది.    “నువ్వు ఒక ప్రాణాన్ని కాపాడావు” అంటూ క్యాప్షన్ పెట్టింది. ఏం జరిగిందో తెలియక ఫ్యాన్స్ అంతా ఆరా తీశారు. ఇంతకీ ఏం జరిగిందో చెప్తూ ఇద్దరూ కలిసి ఓ వీడియోను షేర్ చేశారు. “రోడ్డు మీద వెళ్తుంగా ఓ యాక్సిడెంట్ చూశాను. ఓ వ్యక్తి రోడ్ మీద పడిపోయాడు. చాలా రక్తం పోతూ కనిపించింది. వెంటనే నేను మా మదర్ చున్నీ తీసుకుని రక్తం రాకుండా ఆకట్టుకున్నాను. అక్కడే ఉన్న ఇనయా అంబులెన్స్ కు  కాల్ చేసింది. ట్రాఫిక్ క్లియర్ చేసింది. అతడిని మాట్లాడిస్తూ స్పృహలో ఉండేలా చూశాం. వాళ్ల ఇంట్లో వాళ్లకు ఫోన్ చేసి చెప్పాం. అతడిని హాస్పిటల్ లో చేర్పించాం. ఇప్పటికీ అతడి గురించి ఆరా తీస్తూనే ఉన్నాం. ఆయన పరిస్థితి కాస్త సీరియస్ గా ఉన్నట్టు తెలిసింది. వర్షం పడుతున్నప్పుడు కాస్త జాగ్రత్తగా డ్రైవ్ చేయండి. స్పీడ్ గా వెళ్లడం మానుకోండి. వీలైనంత వరకు నిదానంగా వెళ్లండి. ఒక్కోసారి మన తప్పు లేకపోయినా ప్రమాదాలు జరుగుతుంటాయి. వర్షంలో ఎంత జాగ్రత్త పాటిస్తే అంత మంచిది. యాక్సిడెంట్ లో గాయపడిన వ్యక్తి ప్రాణాలతో రావాలని ప్రార్థించండి” అని ఇనయా, గౌతమ్ రిక్వెస్ట్ చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Doulath sulthana (@inayasulthanaofficial)

గౌతమ్ పై నెటిజన్ల ప్రశంసలు

అటు గౌతమ్ చేసిన మంచి పనిపై సోషల్ మీడియాలో ప్రశంసలు కురుస్తున్నాయి. ఇనాయా-గౌతమ్ గొప్ప సాయం చేశారని అభినందిస్తున్నారు.