Bigg Boss 6 Telugu: ‘ఎవడు గెలిస్తే నాకేంటి?’ శ్రీహాన్‌పై శ్రీసత్య సీరియస్ - ఇంట్లో ఎవరిది ఏ స్థానం?

Bigg Boss 6 Telugu: ఇంట్లో ఎవరు ఏ స్థానంలో ఉన్నారో నిర్ణయించుకోవాలని చెప్పారు బిగ్ బాస్

(Image credit: Star maa)

Bigg Boss 6 Telugu: మొన్నటి వరకు స్నేహితులు శ్రీసత్య - శ్రీహాన్. వీరిద్దరికే ఒకటే గ్రూప్. ఇద్దరూ కలిసి ఇనాయను టార్గెట్ చేసి వెకిలినవ్వులు, చూపులతో ఇరిటేట్ చేశాడు. కొన్ని రోజులుగా వీరి మధ్య దూరం పెరిగింది. శ్రీసత్య ఇనాయతో స్నేహంగా ఉంటోంది. టిక్కెట్ టు ఫినాలే టాస్కులో ఎవరు పోటీపడాలో నిర్ణయించే అవకాశం శ్రీసత్య, ఇనాయ, కీర్తిలకు దక్కింది. ఆ సమయంలో అమ్మాయిలతో అబ్బాయిలంతా గొడవపడిన సంగతి తెలిసిందే. అదే విషయంపై శ్రీహాన్ - శ్రీసత్య గొడవ పడ్డారు. ఆరోజున కెమెరాలకు ఏం చెప్పారో మాకు చెప్పచ్చు కదా అని  అడిగాడు శ్రీహాన్. దానికి శ్రీసత్య ‘ఆరోజున ఏం చెప్పినా మీరు వినే స్థితిలో ఉన్నారా?’ అని అడిగింది. 

ఇక శ్రీహాన్ రెచ్చిపోయి శ్రీసత్యతో వాదన పెంచుకున్నాడు. దీంతో శ్రీసత్య ఫైట్ చేస్తానంటే నేను మాట్లాడను అంది. దానికి శ్రీహాన్ ‘ఫైట్ చేయకపోతే ఈరోజు నా చేతిలో టిక్కెట్ టు ఫినాలే ఉండేదే కాదు’ అన్నాడు. దానికి శ్రీసత్య కోపం ‘ఎవడు గెలిస్తే నాకేంటి’ అంది. వెంటనే శ్రీహాన్ ‘నేను ఫ్రెండ్స్ ని ట్రీట్ చేసే విధానం ఒకటుంటుంది, అందరినీ చూసే విధానం ఒకటుంటుంది. ఇప్పుడు నువ్వు అందరూ సమానమే అంటున్నావ్ కాబట్టి, ఇప్పుడు అర్థం చేసుకుంటా’ అన్నాడు. ‘ఆ అమ్మాయి (ఇనాయ) గురించి వంద చెప్పిన నువ్వు, ఇప్పుడామెతో ఫ్రెండ్లీగా ఉంటున్నావ్ అది మార్పు కాదా’అంటూ వాదించుకున్నారు. 

ఇక తరువాత బిగ్ బాస్ గార్డెన్లో ఒకటి నుంచి ఏడు వరకు స్టాండ్స్ పెట్టారు. ఇంట్లో ఉన్న సభ్యుల్లో ఎవరు ఏ స్థానానికి అర్హులో ఆ నెంబర్ దగ్గర నిల్చుని చెప్పాలని అడిగారు. అలా రేవంత్ మొదటి నెంబర్ దగ్గర, ఇనాయ రెండు, కీర్తి మూడు, శ్రీసత్య నాలుగు, శ్రీహాన్ అయిదు, ఆదిరెడ్డి ఆరు, రోహిత్ ఏడు స్థానాల దగ్గర నిల్చున్నారు.  

ఇరవై ఒక్క మందితో కళకళలాడిన ఇల్లు ఇప్పుడు ఏడుగురితో మిగిలింది. ఈ వారం ఒకరు ఎలిమినేట్ అయితే టాప్ 6 మిగులుతారు. అదే ఇద్దరినీ ఎలిమినేట్ చేస్తే టాప్ 5 మిగులుతారు. రెండు వారాల్లో బిగ్ బాస్ సీజన్ 6 విన్నర్ ఎవరో తేలిపోనుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by STAR MAA (@starmaa)