Bigg Boss Telugu Season 8 Promo: ఈమె ఒక్కత్తే పుణ్య స్త్రీ! సోనియాపై విష్ణు ప్రియ అడల్ట్ కామెడీ, ఇచ్చిపడేసిన నాగ్

Bigg Boss Telugu Season 8 : నాగార్జున వీకెండ్ ఎపిసోడ్ లో ఒక కొత్త ట్విస్ట్ ఇచ్చారు. ఇప్పటిదాకా ప్రతి వీకెండ్ రివ్యూ నాగార్జున ఇవ్వగా ఈ సారి హౌస్ మేట్స్ ఇవ్వాలి అంటూ బాంబ్ పేల్చారు.

సోనియాపై విష్ణు ప్రియ అడల్ట్ కామెడీ, ఇచ్చిపడేసిన నాగ్

Source : (Photo: Twitter/@StarMaa)

Bigg Boss Telugu Season 8 : అన్లిమిటెడ్ ఎంటర్టైన్మెంట్ అంటూ నాగార్జున మొదలుపెట్టిన బుల్లితెర రియాల్టీ షో బిగ్ బాస్ సీజన్ 8 అప్పుడే వీకెండ్ ఎపిసోడ్ కు చేరుకుంది. అయితే తాజాగా రిలీజ్ చేసిన ఈ వీకెండ్ ప్రోమోలో విష్ణు ప్రియ, సోనియాల మధ్య గొడవ జరిగినట్టుగా చూపించి క్యూరియాసిటీని పెంచేశారు. అలాగే ఎప్పటిలా కాకుండా నాగార్జున వీకెండ్ ఎపిసోడ్ లో ఒక కొత్త ట్విస్ట్ ఇచ్చారు. 

రూటు మార్చిన నాగ్ 

తాజాగా రిలీజ్ చేసిన బిగ్ బాస్ సీజన్ 8 వీకెండ్ ప్రోమోలో నాగార్జున కంటెస్టెంట్స్ చేసిన తప్పులను ఎత్తి చూపారు. అయితే వినాయక చవితి సందర్భంగా హౌజ్ మే ట్స్ అందరూ చూడముచ్చటగా రెడీ అయ్యారు. ఇక నాగార్జున కనిపించగానే అందరిలోనూ ఉత్సాహం ఉరకలేసింది. ముందుగా అందరికీ పండగ సందర్భంగా స్వీట్స్ పంపించిన నాగార్జున ముగ్గురు చీఫ్ లలోనూ స్ట్రాంగ్ గా ఉంటాడు అనుకున్న నిఖిల్ క్లాన్ చాలా చిన్నది కదా అంటూ ప్రశ్నించాడు. అయితే మొత్తం మారిపోయింది సార్ అని నిఖిల్ సమాధానం చెప్తే ఏం మారుస్తావు మామ అంటూ ఫన్నీగా రిప్లై ఇచ్చారు.  ఆ తర్వాత ఒక్కొక్కరిని పలకరించిన నాగ్ ఈ వీకెండ్ ఎపిసోడ్ డిఫరెంట్ గా ఉండబోతుందనే విషయాన్ని వెల్లడించారు. ఇప్పటిదాకా ప్రతి వీకెండ్ నేను వీక్ అంతా జరిగిన విషయాల గురించి మాట్లాడేవాడిని. కానీ ఇప్పుడు మాత్రం హౌస్ లో ఉన్న వాళ్లే హౌజ్ మేట్స్ గురించి జడ్జిమెంట్ ఇస్తారు అని చెప్పుకొచ్చారు. ఆ తర్వాత పిల్లో లాంటిది కట్టి ఉన్న బెల్ట్ లను హౌస్మెట్స్ అందరికీ ఇచ్చి నడుముకు కట్టుకోమన్నారు. వాళ్లు ఎవరి గురించి మాట్లాడాలి అనుకుంటున్నారో వాళ్లకు కత్తి గుచ్చి, విషయాన్ని చెప్పాలి ఒక్కో కంటెస్టెంట్. ఆ తరువాత నాగ్ జడ్జిమెంట్ ఇస్తారు. ఇదే ఈ వీకెండ్ ట్విస్ట్ అన్నమాట. 

సోనియా, విష్ణుప్రియ మధ్య అడల్ట్ రచ్చ 

ఇక ఈ నేపథ్యంలోనే విష్ణు ప్రియ, సోనియాకు కత్తి గుచ్చి ఒక్కోసారి ఆమె చేసే కామెంట్స్ చాలా హర్టింగ్ గా ఉంటాయని కంప్లయింట్ చేసింది. ఇక ఆ తర్వాత అసలు ఏం జరిగిందనే విషయాన్ని ప్రోమోలో చూపించారు. అందులో విష్ణు ప్రియ ఫన్నీగా ఇంతకుముందు నిఖిల్ నీకు నచ్చేవాడు కాదు. కదా ఇప్పుడు ఎలా ఫ్రెండ్షిప్ కుదిరింది అంటూ సోనియాను అడిగింది. దానికి వెంటనే సోనియా నో కామెంట్స్ అంటూ అక్కడి నుంచి వెళ్ళిపోయింది. దీని గురించి సీత, విష్ణు ప్రియ తో పాటు అక్కడున్న కొంతమంది హౌస్ మేట్స్ చర్చించుకుంటుంటే, మళ్లీ అక్కడికి వచ్చి మీ అడల్ట్ కామెడీలో నేను భాగం కాను అంటూ స్ట్రాంగ్ కౌంటర్ ఇచ్చింది సోనియా. ఇక ఆ గొడవ అలా సాగుతూ ఏకంగా సోనియా ఏడ్చే వరకు వెళ్ళింది.. సోనియా ఏడుస్తుంటే విష్ణు ప్రియ మాత్రం ఏడిస్తే మాత్రం ఆమె ఒక్కతే పుణ్యస్త్రీ, మేం మాత్రం ఇలాంటి వాళ్ళమా అంటూ ప్రశ్నించింది. ఇక ఇదే గొడవపై నాగార్జున కూడా స్పందిస్తూ ముందుగా సోనియాకు సపోర్ట్ చేసినట్టుగా ప్రోమోలో కనిపించింది. మరి ఆయన ఈ విషయంలో ఎలాంటి జడ్జిమెంట్ ఇచ్చారో తెలియాలంటే ఈరోజు ఎపిసోడ్ ను చూడాల్సిందే.