Bigg Boss 6 Telugu: వీడియో కాల్‌లో బిడ్డను రేవంత్‌కు చూపించిన బిగ్‌బాస్ టీమ్ - కూతురిని చూసి మురిసిపోయిన సింగర్

Bigg Boss 6 Telugu: రేవంత్ తండ్రయిన సంగతి తెలిసిందే. అతనికి తన బిడ్డను చూపించారు బిగ్ బాస్.

(Image credit: Star maa)

Bigg Boss 6 Telugu: సింగర్ రేవంత్ బిగ్ బాస్ 6 సీజన్లో టాప్ కంటెస్టెంట్ గా ఉన్నాడు. అతనే విన్నర్ అనే ప్రచారం కూడా జరిగింది. ప్రస్తుతానికి ఓటింగ్ ఆయనకే అధికంగా ఉంది. బిగ్ బాస్ ప్రారంభమయ్యే సమయానికే అతని భార్య ఏడు నెలల గర్భవతి. చాలా సార్లు ఆయన ఆ విషయాన్ని తలచుకుని ‘నీ పక్కన ఉంటే బావుండేది’ అని ఎన్నో సార్లు అనుకున్నాడు. అయితే అతని భార్య అన్విత పండంటి ఆడబిడ్డకు జన్మనిచ్చారు. ఆ విషయం బిగ్ బాస్ రేవంత్‌ను పిలిచి చెప్పారు. ఆయన ఆనందంతో ఆ విషయాన్ని తన తోటి ఇంటి సభ్యులకు చెప్పుకుని ఆనందించారు. 

ఇక వీకెండ్ ఎపిసోడ్లో నాగార్జున రేవంత్‌కు మర్చిపోలేని కానుక ఇచ్చారు. బిగ్ బాస్ చరిత్రలో ఒక తండ్రికి తన కూతురిని తొలిసారి చూపించారు. భార్య అన్విత, పుట్టిన కూతురిని ఆసుపత్రి నుంచే వీడియోకాల్ ద్వారా రేవంత్‌కు షోలేనే చూపించారు. తన కూతురిని చూసి రేవంత్ చాలా ఆనందపడ్డాడు. తన కూతురు అని అందరికీ చెప్పుకున్నాడు. అలాగే ఓ పాట కూడా పాడాడు. మహేష్ బాబు నాని సినిమాలోని ‘నా ఆలి అమ్మగా అవుతుండగా’ అంటూ పాడాడు. పాట పాడాక ‘సర్ నేను ఇక్కడే గెలిచాను’ అంటూ నాగార్జునతో అన్నాడు రేవంత్. 

రేవంత్ భార్యకు సీమంతం జరిగినప్పుడు కూడా ఆ వీడియోను ప్రదర్శించారు బిగ్ బాస్ టీమ్. అప్పుడు కూడా రేవంత్ చాలా ఎమోషనల్ అయి ఏడ్చేశాడు. ఫ్యామిలీ వీక్ లో భాగంగా ఆదిరెడ్డి కూతురు ఇంట్లోకి వచ్చినప్పుడు కూడా అతను బాగా ఏడ్చాడు. ఇప్పుడు రేవంత్‌కు కూతురే పుట్టింది. మరొక్క రెండు వారాల్లో రేవంత్ తన ఇంటికి వెళ్లిపోతాడు. అయితే విజేతగా కప్పుతో వెళతాడో లేదో చూడాలి. ఇప్పటి వరకు ఆయనకు ఓటింగ్ లో తిరుగులేని ఆధిక్యం ఉంది. షో మొదలైనప్పట్నించి మొదటిస్థానంలోనే ఉన్నాడు రేవంత్. అతని ప్రతి ఆటను ప్రాణం పెట్టి ఆడతాడు, కాకపోతే గొడవలు, అలకలు కూడా అదే స్థాయిలో ఉన్నాయి. ఇక ఆయన తరువాత రెండో స్థానంలో కొనసాగుతున్నది రోహిత్. మెరీనా వెళ్లపోయాక రోహిత్ గ్రాఫ్ అమాంతం పెరిగింది. అయిదారు స్థానాల్లో ఉండే రోహిత్ రెండో స్థానానికి వచ్చేశాడు.  

 

 

 

 

 

View this post on Instagram

 

 

 

 

 

 

 

 

 

 

 

A post shared by STAR MAA (@starmaa)