Bigg Boss 10: 'బిగ్ బాస్ 10' స్టేజిపై ఎలిమినేషన్... క్రిటిక్‌ను వెనక్కి పంపిన ఆడియన్స్

Bigg Boss 10 First Elimination: 'బిగ్ బాస్' తమిళ్ సీజన్ 10లో ఎవరూ ఊహించని విధంగా ఎలిమినేషన్ జరిగింది. స్టేజి ఎక్కిన క్రిటిక్‌ను వెనక్కి పంపించారు ఆడియన్స్. స్టేజి ఎక్కి వెనక్కి వచ్చారు ప్రశాంత్.

బిగ్ బాస్ తమిళ్ 10: హౌస్‌లోకి అడుగు పెట్టకుండానే ప్రశాంత్ రంగస్వామి ఎలిమినేషన్

Source : https://www.youtube.com/watch?v=uk7MHhzAg8w

Show Quick Read

Key points generated by AI, verified by newsroom

• తన ఎలిమినేషన్ పై పశ్చాత్తాపం లేదని ప్రశాంత్ రంగస్వామి తెలిపాడు.

Bigg Boss 10 Tamil First Elimination: తెలుగుతో పాటు తమిళ్ 'బిగ్ బాస్' సీజన్ 10 స్టార్ట్ అయ్యేది కూడా సెప్టెంబర్ 6నే. ఇక్కడ నాగార్జున హోస్ట్ చేస్తే... అక్కడ షోకి మక్కల్ సెల్వన్ విజయ్ సేతుపతి (Vijay Sethupathi) హోస్ట్. షో మొదలు అవ్వక ముందు ఆడియన్స్ మైండ్ బ్లాక్ అయ్యే విషయం బయటకు వచ్చింది. స్టేజిపై మొదటి ఎలిమినేషన్ చోటు చేసుకుంది. 

ప్రశాంత్ రంగస్వామిని వెనక్కి పంపిన ఆడియన్స్
బిగ్ బాస్ 10 తమిళ్ హౌస్‌లో అడుగు పెట్టాలని కలలు కన్నారు తమిళ్ క్రిటిక్ ప్రశాంత్ రంగస్వామి (Prashanth Rangaswamy). అయితే... ఆయన ఆశలపై తమిళ్ ఆడియన్స్ నీళ్ళు చల్లారు. బిగ్ బాస్ ఇంటిలోకి వెళ్లనివ్వకుండా స్టేజి మీద నుంచి వెనక్కి వచ్చేలా చేశారు. పూర్తి వివరాల్లోకి వెళితే...

'బిగ్ బాస్' తమిళ్ సీజన్ 10 స్టేజిపై ముగ్గురు కంటెస్టెంట్లను నిలబెట్టారు. అందులో ప్రశాంత్ రంగస్వామి ఒకరు. ఆ ముగ్గురికీ ఓ టాపిక్ ఇచ్చారు. మిగతా ఇద్దరూ (జవిత్, పృథ్వీనాథ్ ) మోడల్స్. వాళ్ళకు ఓ టాపిక్ ఇచ్చి ఒక్కొక్కరినీ రెండేసి నిమిషాల చొప్పున మాట్లాడమని టాస్క్ ఇచ్చారు. ఎవరు మాట్లాడినది నచ్చితే వాళ్ళకు ఓటు వేయమని ప్రేక్షకులను కోరారు. ఆ టాస్కులో ప్రశాంత్ రంగస్వామికి ఓటమి ఎదురైంది. బిగ్ బాస్ తమిళ్ 10 స్టేజి మీద నుంచి ఆయన వెనక్కి రావాల్సి వచ్చింది. దాంతో షో మొదలైన మొదటి రోజే ఎలిమినేషన్ చోటు చేసుకుంది. 

తనపై ప్రేమ, ద్వేషం చూపించినందుకు 'ఎక్స్' వేదికగా థాంక్స్ చెప్పారు ప్రశాంత్ రంగస్వామి. తాను డిజప్పాయింట్ అవ్వలేదని, తనకు రిగ్రెట్స్ కూడా లేవని ఆయన పేర్కొన్నారు. మళ్ళీ పనిలో పడ్డానని చెప్పారు. షో మొదటి రోజు నుంచి ఎమోషనల్ అయ్యిందని, ప్రశాంత్ రంగస్వామి ఎలిమినేట్ అవ్వడం తనకు షాకింగ్ అని విజయ్ సేతుపతి చెప్పినట్టు సమాచారం.

Thank you for all the love and the hate 🙂

Now back to work !

No regrets or disappointments !

It is what it is ! 😁

— Prashanth Rangaswamy (@itisprashanth) September 5, 2026

Its really shocking for me to see the eviction of @itisprashanth. Show is Getting Emotional from the begining.🙁

- Vijay Sethupathi.#BiggBossTamil10

— Christopher Kanagaraj (@Chrissuccess) September 5, 2026

I am Grateful to share the stage with Vijay Sethupathi Annan on #BiggBossTamil10 ❤️

I behaved well, didnt break any rules and given my best till last minute. 🤝

Bat edukamaye Out aahidichu. So I have no answer🙂 This is just a Gameshow.

- @itisprashanth After Eviction! pic.twitter.com/yJ3TPAGbsk

— Christopher Kanagaraj (@Chrissuccess) September 5, 2026

మ్యాన్ ఆఫ్ మాసెస్ ఎన్టీఆర్ హీరోగా గురూజీ త్రివిక్రమ్ దర్శకత్వంలో 'గాడ్ ఆఫ్ వార్' సినిమాపై తమిళనాట వివాదం నెలకొనడానికి ఓ విధంగా ప్రశాంత్ రంగస్వామి కారణం అని చెప్పాలి. కుమారస్వామి ఉత్తరాదిన జన్మించాడని సినిమా అనౌన్స్ చేసినప్పుడు చిత్ర బృందం పేర్కొంటే... తమిళుడైన కుమారస్వామిని ఉత్తరాదిన జన్మించాడని ఎలా చెబుతారు? అంటూ సోషల్ మీడియాలో తొలుత రచ్చ చేసింది ప్రశాంత్ రంగస్వామి. ఆ తర్వాత తమిళ తంబీలు, రాజకీయ నాయకులు కామెంట్స్ చేశారు.